弒神天使 发表于 2005-10-6 18:24:35

-仲笑!你五行欠打吖!!!
-我先唔会企係度等打咁蠢吖!
讲完,Baby仔就一支箭咁标走咗,临跑前仲要整个鬼脸先!
-死仔吖!一支画笔掟S你吖拿!
好似平时打打闹闹咁,我好顺手咁係D画具度抽咗支画笔出离,一飞飞过去BABY仔度.
哩个时候,BABY仔一个转身跑咗上楼梯,同一时间,另一个人係楼梯行咗落离.
支画笔不偏不倚咁飞中距心口…….

哇~~~~~~~今晕S喇!唔小心上演咗一幕"爱神穿心箭"先,飞正人地心口.虽然话平时係出面就得罪得人多,不过我都唔想第一日翻学就得罪人家嘛!我Dup低头做咗个好唔好意思既表情.
然后抬头好唔自然咁对住嗰个人笑咗笑,"嘻….."惟有咁啦!
眼前係一个高高瘦瘦既男仔,着住白色既恤衫同啡色既裤,双手插住袋,不过自己唔够训,成日对眼都蒙查查咁,净係觉得距白白净,同埋D头发几长吓,长得离有D凌乱,係夕阳光下好金吓.
距将其中一只手係裤袋抽咗出嚟,弯低腰,执起地吓嗰支画笔,然后又望一望我.
距行咗过离,单手递咗支画笔比我,冷冷咁讲咗句

-画笔唔係咁用噶.


语气里面虽然冇责备既意思,但係我就觉得好唔好意思,甚至觉得自己个心突然间跳得好快.点解会咁既~~~我冇理由会咁噶喔,平时对住D男仔都懒高斗咁既,E+竟然有D怕丑...
距真係好高吓,我都有一米六七左右啦,都係嚟到距膊头,我谂距至少都有米八挂.EEE~~~~~~距身上仲有一阵好香好好闻既味,好似係BOSS既古龙水喔,距係咪大专D师兄嚟噶呢.......
我定咗係度谂,等我"清醒"翻既时候,先发觉距都定咗係度等我拿翻支画笔.
我接过距手中既画笔,准备讲声"唔该"既时候,距就插住个袋懒COOL咁行走咗.
係距经过我身边嗰一刻,嗰阵香味又係距耳边飘起咗既嗰缉发端度飘过离.
我呆咗咁望住手中既画笔,发现哩个人竟然令我觉得,画笔係一样好神圣既嘢.
Part3

但觉得从前情人
在世上并没存在
多年来人未真正去被爱
来来回回 我只站在门外
一时糊涂 你只当做意外

（某间D中...)
-（啊细)诗甜~嗰边有靓仔吖!
-睇过~~~~~~~?哦!几好吖,过去界咯妳!
-不如妳帮我吖...?
-点解吖?
-距隔离好多女吖!
-车,洗鬼惊咩,照界啦!
-唔得吖~~~~我今日着得太Q喇,睇落去咁细个,实比嗰几件嘢虾啦!耶~~~~~~~妳帮我啦~~~
-顶你唔顺!最怕比人爹.

我拨咗拨D头发,拉翻正件衫,从个位度行咗过去啊细话嗰个男隔离.
未行到过去,距隔离嗰乍女好似FEEL倒有"杀气"咁一齐啤住我.哎~~~~~~~~冇以为人多就得先噶,成乍金鱼眼瞪到好似想甩出离咁款!呵呵~~~~~扮串我就最得噶喇!我对住距地冷笑咗一下,顺手电埋啊细想沟嗰个男.係E+地方眉来眼去已经好平常,唔洗自己走过去问,嗰个男就係堆女度行出离,笑住咁对住我话
-靓女请妳饮杯嘢吖.
哇~~~~D眼光唔好咁暧昧好喔.仲要讲埋晒D咁行既嘢.
-咁你D女呢?
我望吓嗰边嗰乍非常之唔妥我既lady.
-哦,嗰D我D朋友离噶乍,我係西宫嗰边仲有张台,过去坐吖不如.
-好吖,唔介意我叫埋D F离吖嘛?
-梗係唔Mind啦!
嗰边既啊细好醒目咁知道我搞掂咗,唔洗我叫距已经行梗过离.

唉~~~~~~蒲得多觉得有D闷同烦先!都唔知自己点解要出离玩.但係又唔想留係嗰间得我一个人既冷冷清清既屋里面,所以一无聊就同D F落Bar落D蒲已经好似家常便饭咁...郁闷ING...
啊细同嗰个男倾倾吓就出咗舞池,而我又唔想应酬其他人,于是就自己行开咗.

行到去一个静少少（其实都唔净得去边,不过係少D人经过)既角落度,谂住打个电话比大佬Miu问吓距岩先响我机咩事.（大佬Miu其实都係契既,哎~~~~哩个年纪好兴契E个契嗰个家嘛)
岩岩拨通咗个电话,见倒岩先嗰四个女恶S能瞪咁行过离.见倒距地咁既款就知咩事啦.
-0靓妹!妳好嚣喔!
真係佩服距地,矮我成个头都好意思叫我0靓妹!
-点吖?auntie?
其实距地都讲得冇错既,某D时候我的确几嚣,特别係想起"钢"（打人)嗰时.
-妳唔好咁串吖!係**度玩,妳识得边个吖,踩我地场咁大胆!!
真係顶距地唔顺,讲嘢劏猪咁声.
-我唔惯同人闹交噶喔,一係打啦,妳地咁臃肿,挨几拳好过去mic脂吖!
-死...
-------+---+--啪---+------
距未讲完,就比我一巴Come咗落去,係红咗少少,我都係带咗三支戒指姐,唔似得啊细夹D刀片係手指嚹度come人咁激.
嗰个女即刻Umm住块面,另外嗰三个就成个呆咗.可能古唔到我真係郁手.
见过我打交D人都话好恐怖,如果距地试过差D就比人打死,可能就唔会咁觉得.
-妳同我企係度唔好走!Irean过去叫啊sir过嚟!
哩几条都算衰咯,自己走过嚟撩交嗌!come距两巴又话叫灰佬.
-好吖~一齐上去饮咖啡咯!
-睇妳一阵仲有冇咁大口气!
嗰个叫Irean既女行咗冇几步就停咗係度.
我一望~~~~~~~~`原来係大佬Miu离咗~仲有啊细,Baby仔仲有十几个F都过晒E边!
-（大佬Miu）妹,岩先边个虾妳吖?
虾我?岩先好似係我咩咩人喔...
-我...
我正想讲係我郁手先,啊细就话
-（细）哇~~~~~~~啊sea,妳块面做咩咁红既?係咪有人打妳吖?
距同我做咗个眼色
-（ME）55555~~~~~~~~~~係吖~~~`岩先哩几个auntie come我吖~
-（aunties）喂!妳唔好乱UP喔!明明係妳...
-（miu）妳地几条**係咪想搞事吖!叫啊SIR咯,我最熟噶喇,到时惊妳地告距唔入乍!
-（细）呵呵~~~~惊妳地一把年纪行得出差馆行唔出哩个区喔.
-（aunties）....你地好嘢吖!我地走!
-（细）咩走得咁易吖!好似漏咗嘢未讲喔!
-（aunties）对唔住咯!得未吖!

2:45PM沿江路同大佬miu吹梗风
-Sorry吖!大佬Miu,又麻烦倒你.
-妳只衰妹咁大个仲一日聊事斗非!
-我都唔想噶!係距地...
-得喇得喇,妳有事我几时唔撑妳噶,不过我E+少咗出离行噶喇,唔係次次都帮倒妳噶!
-我知噶喇!我E+有翻学噶,乖咗噶喇~嘻~~~~~~
-係至好讲吖!点吖?奈奈话妳去咗距果间美校喔!识翻个正经D既男仔好过啦!好过我E D啦起码...
-吖~大佬吖!你间Bar E+搞成点吖?
听倒距讲到哩度,我就即刻转移话题
-都算可以啦,有时有人係度搞事都要搵班兄弟去撑场.妳得闲咪多D同奈奈距地离坐吓咯......

直到今晚我先知,原来大佬Miu仲中意我既.已经两年喇,每次距想认真咁讲我地两个之间既事既时候我都专登避开.因为我一直都当距好似好好好好既大佬咁,而冇中意既感觉,虽然我对以前既BF都冇嗰种感觉,不过我只係同距地玩吓,从来都冇认真过.我唔会玩我大佬,所以都唔会勉强同距开始.

Part4

我用残余力气抚摸
证实你转身擦过
将生命承担不起的难过 放手给我
也许相恋这条路 挤逼的怀抱
不够让我高攀进内才摔倒
踏上分手这条路 才令我突然看到
你的天空宇宙只够我流泪 不可跳舞

校园漫步中......
-（奈)寻日隔离**中有几个女过离沟我地Azo师兄吖!激死我喇!
-（细)妳见得少咩!哩度方圆十里D学校D女不嬲都对Azo虎视眈眈噶啦!
-（奈)但係寻晚嗰几个女都非一般索喔~~~几惊Azo从此比人沟走咗吖!
-（ME)哎~~~~~~有冇咁夸吖!咪好似日本漫画嗰D校草咁样...
-（奈)係噶喇!乜妳仲未见过Azo咩?妳都翻咗个几星期学噶喇喔!
-（ME)未喔!距一係就闭关咗,一係就太普通,我见倒都唔觉得距係校草!
-（细)妳晚晚都蒲倒片晒身先翻学,朝朝都晕驮驮咁,比妳见倒都冇心机去及真D啦!
-（ME)呵呵~~~~~咁又係!不过我今日鬼打咁精神喔!比我见倒距要弹翻几句先得,等你地赞到距飞啊拿!
-（奈)讲落呢,Azo好似有条女噶喔以前,仲话由细玩到大添,D人仲传距比嗰个女飞噶!
-（细)嗰件8婆咁串,连Azo都飞!
-（奈)都係听人讲姐,不过见距都唔受界既,莫非仲好霖件旧菜!?
-（细)人地未见到岩胃口乍!比着有D劲正既....係喔~~~~~~~~诗甜!嗰日你帮我界仔嗰时咁鬼掂!不如妳上啦!一于妳去沟距,自己人食都好过落入D邪门外道口中!
-（奈)係喔~~~~~差唔记得仲有个诗甜先! 喂~~~~~~日透冇讲人吖!Azo吖~~~~~~~~係篮球场吖~~~~~
-（ME)哇~~~~~~乜食食声咁难听吖!边水Azo吖?（目光于篮球场搜索中...)哇~~~哩间学校D人个个都咁鬼高大既!
-（奈)呢~~~~~~~嗰个吖~白色波衫,左手绑住条黑毛巾嗰个呢~~~~~哇哇~~~~~带波喇带波喇~~~~~哇好劲吖好劲吖!!!WoO wOo~~~~
-（me)顶~~`死嘢妳冇WoO woO声咁叫得咁肉酸啦!带波嗰个啊嘛~睇吓先~~~~~~
EEE~~~~~`真係似乎好似大概几劲喔~~~~~~~~~~`D动作好快吖,係其他大旧衰之间闪吓闪吓,好轻易就避过一次又一次既拦截.唔好净係挂住睇人打波,及吓距咩衰样先!!哇~~~~~~唔好闪得咁快啦!叫人点睇清楚喔!D头发好长吓,浅棕色既,距一路跑,D头发就一路弹弹吓,侧面轮廓係几正喔,个鼻几高吓.虽然瘦瘦地,不过又唔会觉得弱不禁风咁,打起篮球都几"帅气",D动作几洒几型!D taste呢~~就咁望好难睇得出,不过见距个头都几型,加上对鞋係reebok既（我最喜哩个牌子)应该都唔会差得去边.
咪住咪住!话咗要弹距几句,做乜谂倒嗰D都係度赞人噶!唔得!我唔可以同奈奈距地班花痴一般见识噶!一于搵距缺点!
---+BI+---------
教练吹BB喇喔,停场喇~及真D睇距有咩衰嘢比我弹先!
哇~~~~~~~~~距咁似嗰日比我支画笔飞中嗰个既!E+距停低正面对住我哩边我先认得出,虽然我嗰日蒙蒙松松咁,不过实冇认错,原来距就係Azo吖~~~~~~~~哇哇~~~~~`再睇真D,点解距个眼球同距D头发一样浅棕色既,好鬼靓吖~~~~~~~好似水晶球咁!距嗒咗条黑色毛巾係条颈度抹汗,好型咁吖~
-（奈）诗甜~~好时机吖!距地停场吖!上啦!
-（ME）咩,咩吖~~~~~~咁唐突,无端端走过去沟人!
-（细）我地平时出去玩都係咁噶啦!妳冇同我讲妳净係识界蒲仔,对住距就怕羞吖!
-（ME）边个话架!哼!沟咪沟!
死啦~~~~~~讲真唔知点解自己真係有D紧张咁,一步一步行过去都有D犹疑吖!早知今日会比E两只S婆逼我去沟仔就着得索D啦!
-E!?二年级嗰班靓女师妹喔!
嗰班打篮球既师兄里面其中有一个人讲,跟住成乍人望晒过嚟!哇~~~~~~好唔好意思吖...>_<
-係喔,~~~~~~邢均惟,行梗过嚟嗰个咪你话嗰个新转嚟嗰个靓女!
吓~~~~~~~距唔係讲梗我啊哇?咁比面吖~~~~~~原来距隔离坐係度嗰个就系邢均惟~唔错喔~呵呵~有少少babyface,对眼好精灵~~~乜距识我噶咩!
咪住先!我E+係行梗过去界Azo噶喔!好!整翻个型样出嚟先.

行到过Azo身边,嗰班师兄又係度起哄
-哦哦~~~~~~~~~~~原来靓女师妹又係睇岩Azo哥既~~~~~!!
妖~~~~~~~师兄们唔好咁直接啦~会影响我信心架!
我抬头望吓Azo,距都望住我,哇~~~~~~~果然係浅棕色噶个眼球,距係咪戴咗有色CON吖??定係混血儿呢?
嗰阵隐隐约约既香水味又係距耳珠传过离,我E+真係离距好近.
-你係Azo吖?
死啦~~~~`我做咩问D咁废既问题噶!
距只係一边抹住颈上既汗一边点咗吓头.
-Er...我...你...
距点解好似定晒咁望住我膊头咁既,仲慢慢咁靠过离,伸咗只手好小心咁拨开我披係肩上既头发.
距唔係想锡锡吖嘛~~~~~~~~~~咁快~~~~SSSS~~~好紧张好紧张~~~~点算点算点点点....
点知...距唔知係我锁骨度捉咗D咩,然后松开咗捉住嗰只嘢既手指,一只七星瓢虫飞走咗....
-妳做咩带只七星瓢虫出街吖?
鱼死喇~~~~~~`距做咩讲D咁奇怪既说话吖!距唔係以为只七星瓢虫真係我带出街架啊嘛!?我有冇咁白痴吖!!!只S人七星瓢虫咁鬼衰噶!係要E个时候痴鬼住晒!仲要痴係锁骨度!搞到我好似养虫咁!T_T~~~~~~~~~
我当场呆晒唔知答距咩好...唔知係咪我嗰时个样好搞笑呢,距对我笑咗笑.然后另转头同班F讲话
-我翻上去先啦!下半场均惟替我啦!
Part5
哎~~~~~好鬼纳闷吖~~~读亲间间学校都有哩一幕,冇几耐就比人叫咗去办公室
-（教导处主任)秦诗甜同学,虽然学校对学生既仪容仪表冇特别严格既要求,不过妳D形象实在係比较出位.
-我唔觉有咩问题喔!
-首先,妳条裙太短喇,加上上身既衣服比较紧身同太过清凉.
-我都係着翻岩自己Size D衫姐,唔通要我着妳嗰D咩,当睡衫就差唔多~
-妳...!好,秦诗甜同学,其次,妳戴得太多耳环喇,睇吓妳,1,2,3,4....12,13!係十三个耳环,妳咁样打扮同社会青年无异!人地会以为我地学校係D不三不四既学校!
-我本身就係社会青年嚟噶啦!係哩个社会既大好青年~加上间学校係咪野鸡学校都唔係睇我戴几只耳环啊哇?
-什么野鸡学校啊?妳要注意一下自己既言谈.好,再讲另一样,妳D头发既颜色太过金喇!
-哇~~~~~`妳咪讲到我咁凉啦!金色!哩只係麻色吖!
-总,总之,就希望妳将头发染翻深色D去!同埋注意吓自己既仪表!
仲话我D头发浅色,不如望吓坐咗係妳隔离嗰张台度画梗嘢既安祖凝同学啦!距D头发嗰只色又叫咩吖!见人画画叻就唔话距!
Azo唔知点解会係办公室度,又唔知係张台度画梗咩.我仲见倒距岩先一路画一路听我同主任讲嘢,仲一路偷笑.等我一入嚟见倒距仲鬼咁尴尬,其实都唔知自己尴尬D咩!不过上次真係鱼吖嘛!

-陈主任,各位老师,够钟去开会喇!

哩个时候,有一个好似小丸子啊爷既教授行咗入离,叫晒D老师去开会!真係救星吖~~~~~~~我唔洗再听哩个陈主任扮晒形象顾问咁UmmUmm寻寻喇~~~~~~~~~小丸子啊爷你好可爱吖~~~~有机会我一定推荐你去做小丸子真人版既配角噶~!!!

-秦诗甜同学,妳企係度同我好好思考一吓,我开完会再好好教育妳!
讲完哩句话,距终于舍得走喇.
当我Short噶咩,企定定等妳翻离讲耶苏....妳走咗我仲唔有咁快闪咁快!
唔係喔~~~~~睇吓Azo係度做D咩都好!

-安祖凝!
距抬头望一望我,好似认得我係嗰个"带七星瓢虫出街"既女仔,露出好亲切既笑容话
-係妳吖?衰妹吖,师兄都唔叫!冇礼貌吖!
哇~~~~~距叫我衰妹??听落去好亲切吖,距都唔係咁cool姐!
-如果我有礼貌,岩先你听我同陈主任讲嘢都唔会听到笑笑口啦!
-哈哈~~我都係第一次听倒有女仔咁同陈主任讲嘢.
-女仔?咁男仔呢?有冇人搏距嘴噶?
-有吖~~~~`呵呵
-边个师兄咁威~~~~~~~~~?我要识吓距先得!
-妳E+咪同梗距讲嘢咯!
-哇~~~~~係Azo你吖!!?睇唔出喔~~~~~~
-乜你觉得我好乖噶咩?
-乜唔係噶咩?呵呵~~~~`係喔~!你係度画咩吖?
-哦~设计梗今届艺术节既标志之嘛!
-哇吓~~~~~~~~`个标志由你嚟设计架?係厉害喔~!
-哈哈~唔係吖.画个标志有几难,妳都得啦!
-吓~~~~~我~~~~咪讲笑喇!我唔识画画噶,我转......
唔得~我唔可以咁快就话比Azo知我转学过嚟嗰时冇经过正式考试噶!咁距就会觉得我不学无术,又觉得我唔识画画,觉得同我冇咩共同话题噶喇~~~~~~我点解会咁在意距点睇我既...
-係吖~~~~我睇过你个个人画展喇!
又发挥我转移话题既本领!
-真既~?觉得点吖?
-好靓吖~~~~天使同魔鬼既相遇,唔同色彩既画好似有两种截然不同既风格咁!
我竟然讲得好似好Pro咁
-（笑）唔错吖!妳睇得出我想表达既嘢喔~~~~
-唔~~~~~~我最中意既就係嗰一幅画天空,有D白雪雪既云嗰幅.
-呵呵~嗰幅画叫<未来>吖.
-哇~个名有D深度喔~我觉得睇上去个心好似好平静咁吖!咁点解会叫<未来>既?
Azo只係淡然一笑,冇答到我.哩个笑容代表D咩呢?
突然间好想知道关于距既一切,好想了解哩个一时会好cool,一时又好close,仲会画出一方宁静既晴空既Azo师兄.

弒神天使 发表于 2005-10-6 18:24:57

Part6
今日上昼好开心吖,我同奈奈走去小卖部卖嘢食,唔单止见倒安祖凝同邢均惟成班师兄,Azo仲笑住同我打招呼,仲请我地食雪糕先~
跟住D同学见到我地好似同班师兄好熟咁,就投嚟羡慕既眼光~突然间令我有一种好幸福既感觉
哩种感觉,就算系系D Bar度比成乍男围住都唔会有,嗰D只系虚荣既感觉,但E+哩种幸福就令人系心度笑出嚟
我发觉自己越嚟越唔似自己,每次系Azo面前,我都会除咗嗰个倔强带刺既外壳,只系想做一个普通既师妹.
如果比距知到我另外既一面,嗰一个会蒲夜场,会随便界仔,会打人既我,咁距会唔会好似其他人咁觉得我好曳而唔睬我呢...

数学课上......
喀嚓喀嚓~~~~唔唔~~~~~~~~~喀嚓喀嚓（食梗卡乐B既声音）
系我同奈奈既威迫利诱之吓,坐系最后嗰两个同学终于肯同我地调位.
我地栋高本书,又借助前面好认真听课既同学嚟遮住,呵呵呵呵~~~~~~~~系最后E度我地有自己既一片小天地~YEAH~
-（奈）衰婆吖~几时同Azo咁熟都唔话我知!
-（ME）熟?唔系好熟噶乍!
-唔熟距就唔会主动同妳打招呼,仲请我地食嘢啦!
-其实系师兄距nice姐~我同距讲过一次嘢乍~咪上次比陈主任叫去办公室嗰次咯!
-哦~咁我知点解妳会见倒距喇!Azo嗰个星期日日都系办公室搞艺术节D嘢!
-呃呃呃...-_-妳果然好清楚Azo D动向喔...
-哦呵呵呵呵~~~~~~梗系啦!我仲知道艺术节我地就有好嘢睇先~
-（瞪大双眼）真既~~~~??咩吖咩吖??
-你到时咪知咯!呵呵~~~系喔!到时我地班都要出节目噶喔!我地搞D咩好呢~
-都唔洗我地谂啦~实系D好学生表演乜合唱小品,闷到发毛嗰D嘢噶啦~唔通会比我地跳舞咩!
-EE~~~!!!跳舞都好喔~!!妳同Baby仔跳舞都咁掂~整翻part流行舞实正爆灯啦~
-奈奈姐乜咁睇得起我吖~~~-_-~~~不如妳跳吖~我硬系觉得系哩间学校D人做咩都慢半拍,跳古典舞就岩,流行舞喇喔......
-咁到时Azo师兄都系度睇噶喔!妳唔想比距见吓妳最叻嗰样嘢咩~~~!??
--（偷笑）系喔~~~
-呵呵呵呵~~~~~~~~~~~~~果然冇古错!
-古咩吖?
-秦诗甜同学,妳是否愿意与安祖凝同学结成夫妇~同谐白首~连生贵.....
-STOP!!!傻咗吖妳!再讲打妳噶!
-睇妳吖~讲吓就咁紧张!其实虽然话Azo系靓仔,条件好~不过其实我地系出面识既都有大把靓仔又有钱啦,点解妳偏偏中意距既?
-咩喔...
-拿,好似妳之前拖过嗰D,有几个都同Azo有得挥噶喔,点解妳又会对人冇FEEL噶呢?
-车...嗰D点同喔,距地出离玩既!
-睇离有一句话讲得冇错!越系生活系两个唔同世界既人,越系容易互相吸引...吖~!!谂落咪好似Azo个画展咁~"魔鬼与天使之相遇"~
-......
-系时候要讲D嘢比妳听喇!
Part7
天使总是无条件地关心着所有
包括魔鬼
但魔鬼 害怕看到自己身上的刺
更害怕看到天使的泪
原来 魔鬼也会有爱

-妳D表情做咩突然间变得咁认真吖?
-妳知唔知我地班边个系余颖吖?
-鬼知乜水余颖吖!
-坐系第三排最左边嗰个呢~~~距系Azo前度女友余莹个妹嚟噶!
-Azo以前条女??!!原来真系有噶!
-哩D嘢我都系前排先知噶!Baby仔同均惟师兄都系跳街舞家嘛,我咪借D二系邢均惟度打探吓咯,距同Azo好鬼F架!不过点知距把口又好密实喔!后嚟我话帮诗甜妳问,距先肯讲我知乍!吖~~~~~讲落点解均惟师兄系要妳问先肯讲呢...
-（怒视ING)妳,讲,咩,话......
-妖~~~~~~~唔好咁既样啦!听我讲埋先!
-原来嗰个余莹同Azo小学就识噶喇!大家住埋同一栋楼,真系由细玩到大架,而且Azo细细个就开始中意余莹,不过余莹就一直冇理会到,仲系Azo面前拖其他男仔.
-条8婆E+死咗去边吖!!!
-听我讲埋先啦!
-到咗距地好似我地咁大嗰年,Azo终于都同余莹讲出自己既心意,距地就拖咗一年多D,后嚟因为余莹中意咗第二个,距地就散咗喇!
-有冇搞错吖!乜叉女人嚟架!
-妳唔好谂住搞嗰个女先吖,听讲Azo仲对距余情未了架!
-顶~~~~~~唔系吖化!咁既女执倒都喊三声啦!
-妳谂吓啦!从小学就开始既感情边有咁易放低吖!仲有吖,余莹E+条仔出离行架,距都好似跟埋距条仔出离玩,Azo距可能...er..
-咩吖?讲啦!
-距可能会好憎D人出离玩噶,连距最中意既人都咁样,距...er...总之就会好伤心啦
-......
-哎呀~~~~我都系古吓噶乍!不过妳都系暂时唔好比距知妳出离玩喇,睇定D先啦...

到咗哩一日放学,由于系秋天,个天好快就变黑咗,D空气都特别凝重.
虽然街上五颜六色既霓虹灯慢慢一盏一盏咁着咗,不过秋天总系比人惆怅莫明既感觉.
我一个人行出校门,行行吓见到安祖凝系我前面,都系一个人.
距着咗件粉红色T,咩住个打斜既黑bag,行得好慢咁...
-Azo~
我追上去叫住距
-系诗甜吖?
-呵呵~~~~~~~你记得我个名吖~好开心吖~
-妳个名咁特别,好易记姐!
-好特别咩?
-有个甜字既,好似妳个人咁可爱咯!
距赞我可爱~~~~~~第一次有人赞我可爱噶乍~~~~不过如果比距见倒真正既我,咪会好失望咯...

-喂,樽少!你睇吓嗰边嗰个咪啊sea离既!
我突然间听倒后面有个男人咁讲,就另后去望,Azo都跟住望咗后去
死喇~~~~~~~~~咪上次系新冶嗰几条柚
-系喔~樽少!真系嗰条女喔!
点办......E+咁样继续讲落去实会比距地爆晒我D嘢出离噶喔!
-（Azo)妳识距地噶?
-（ME)唔识吖...点会识D咁既人姐,我地走咯.
我拉住Azo加快脚步咁行
-喂~啊sea~~~~~~~sea~!!
嗰个叫樽少既仲死心不息咁跑上嚟拉住我
-（ME)做咩吖你!我都唔识你既!
-（樽)妳唔记得我喇?上次系G2我地饮过嘢噶呢!妳仲一个人对咗半支chivas架!!!
顶~~~~~~系咪变态架!洗唔洗E D都讲埋出离吖!
跟住距D Fds又走埋过离加把火
-（樽"s Fds)咪系!靓女妳都好识玩嘢姐,比咗个假num樽少,搞到人揾唔倒妳几伤心吖~哈哈哈哈哈
正一lao佬!当街讲嘢咁大声,惊死人唔知咩!
点办吖~~~~~~~~E+应该点样解决...
我望吓Azo距企系我隔离好似仲未知咩事咁,有D迷惘咁望住我
另一方面,我见倒今朝奈奈讲嗰个余颖从校门口行出离,仲用D奇怪既眼神啤住我地哩乍人.后嚟我一望住距,距又即刻另翻过去继续行
-（樽）靓女,哩排唔见妳出嚟蒲,原来识咗个乖仔男朋友吖~
嗰条柚笑笑口咁望吓我又望吓Azo
-（me）你地想点吖!
-（樽"S F）无它既,话晒都比妳玩过一次,难得樽少心情好,今晚请妳出去玩咯~哈哈哈哈
笑你条命咩!如果唔系Azo系度我唔打鬼你
-（樽"S F）定系你惊你条仔吖（望吓Azo）靓仔,一齐去咯,我地介绍D靓女你识~哈哈哈哈
-（ME）你地唔好玩咁大喔!要玩得吖,叫埋我大佬出离咯,无谓搞我个F吖!
-（樽）唔洗搵妳大佬离哒我!!Miu爷吖嘛,半年前仲舍（惊）距,E+咪收晒山~
-（ME）你.....
-（Azo）你地当我流架!当住我面话带我条女出去玩!
我呆晒咁望住azo,点解距会突然间咁讲既,而且D表情变到好似另外一个人咁
不过...好鬼Man吖~~~~~~~~~~~5555~~~~~~~Azo~~~~~~
-（樽）0靓仔,你乜水吖.
-（Azo）系咪想去Toxic个堂度饮嘢吖?
-（樽）你,你识Toxic?
嗰班人突然间变得好惊咁,哩个Toxic究竟系咩离噶呢,Azo又点解会识距既...
-（Azo）点吖,樽少啊哇,睇吓边个大边个咯.
Azo D神情好冷漠吖~甚至有D串添吖...我都系第一次见倒咁样既师兄噶乍~~~~
-（樽）费事同你玩...你好嘢!

弒神天使 发表于 2005-10-6 18:25:21

又系经典既散场金句......

-（Azo）妳点解会识嗰D人噶?
-（ME）Er......
死啦!点答距呢...唔惊!
-（ME）咁你点解会识嗰个Toxic架!?
-（Azo）细路女唔好理咁多!
距仲叫我细路女...唔通我系距心目中仲好似细路女咁纯...边有可能吖~
-（ME）唔制吖~~~~~~你唔讲我都唔讲!
-（Azo）人地问妳先噶喔!妳唔乖啦~~~~~~~
Azo好似我啊哥吖,我一直都好想有个啊哥可以照顾自己噶,啊爸啊妈唔系身边,如果有个啊哥可以care自己几好~~~~~
我觉得距真系关心我先咁问噶,不过比距知道我D衰嘢,距一定会嫌弃我噶...
-（ME）吖~~~~你睇吓天都黑晒喇!夜喇,我行先喇~BYEBYE~
讲完我就跑走咗~跟住听倒Azo系后面嗌
-衰妹~妳一个人翻屋企有冇危险架?洗唔洗我送妳吖~~~?
-唔洗喇~~~~~~~~听日见!!
事实上,我梗系想你送我啦,不过我都好惊你会继续问落去
我知你为我好,不过...sorry吖.
Part8
哩个星期日,我去咗表姐同人夹份开嘅舞蹈班做教练,哩个舞蹈室叫step by step,有两层嘅,第一层係教古典舞,霹雳舞,爵士舞同社交舞,第二层有三间室,其中两间係流行舞班,另外一间就租比人自己排舞.
因为表姐佢地成日都要去第二度做show,所以我经常嚟E度帮手架
上咗二楼,听倒租出去嗰个舞蹈室有D好正好强劲嘅音乐喔~~~~係w-inds嘅<because of you>吖~超级中意!n_n
入去及及先!
哩个舞蹈室由于够阔落,地板靓,音响正,所以我次次上亲嚟都有唔同嘅型人係度跳舞,有时仲可以偷倒师添~
哇~~~~~~~~~~型到呕电吖~有七个超潮嘅男仔跳梗<because of you>,D动作好齐好有力度!
E?!中间嗰两个其中一个咪係baby仔嚟噶咯!S仔D舞功越离越得~
佢隔离嗰个係边个离噶?好掂喔!
成Team人比佢地两个灵魂人物带住,真係好夹吖~~~~~
E!~哩个男睇睇吓有D熟口熟面喔...哦哦~~~~~~原来係邢均惟师兄!
果然好似奈奈所讲咁,佢D舞好劲吖!D打扮都好衬佢吖!
虽然佢冇Azo咁高,大概係一米七六啦,不过就更加适合跳舞.唔戴咗顶深灰色嘅板帽,条裤係深绿色好阔嘅,上身入面着咗间间灰间粉黄嘅背心,外面係长袖黑卫衣,不过冇拉埋条链,跳舞嗰时件衫扬吓扬吓,好有动感!
转歌喇!係仓木麻衣嘅<make my day>,哩首歌好适合均惟师兄吖,佢个样够Q,D头发gel起身又够街.
最神奇嘅係佢地竟然可以用一首流行歌嚟跳街舞.佢地跳梗嘅好似係OLD SCHOOL.
均惟师兄D BREAK同POPING都冇得弹,而LOCKING就更加睇到我眼都唔眨,每一吓动作都正好係音乐嘅重音处,佢D节奏感好强吖!!

佢地休息嗰时,baby仔见倒我就叫我过去
-（Baby)诗甜~又嚟帮妳表姐撑场吖?
-係吖!岩先睇倒你地排嗰两只舞吖,劲掂吖!!!
我发觉均惟师兄笑住咁望梗我咁兴奋嘅样
-Hihi~均惟师兄.你D舞好劲吖,我第一次见乍!!!
-哈哈~係咩.我谂住同BABY仔佢地排嚟艺术节表演噶!
-怪唔知奈奈话艺术节有好嘢睇啦,原来个个都咁认真准备梗.
-梗係啦,我地学校话晒都係艺术学校,年年艺术节都好大阵象架!
-哇~~~~~~好期待吖!
-呵呵~~~~讲翻只舞啦.我地E+烦梗简边只好吖,听BABY仔讲,妳都有跳开舞噶喔,不如妳比D意见啦.
-唔~~~~~~我就梗係中意w-inds多D啦,不过讲真,可能<make my day>会适合你地跳多D,因为只style好特别!
-...唔...（考虑ING）
-唔阻你地喇!我嗰边D学生都到齐喇,过去上课先!

-------------------------------------------------

唉唉~~~~~话晒我教哩个都教高级班吖,点解D人学嘢好似咁......
从下昼2:30上到5:30,终于教咗半只<成人礼>嘅舞步.攰到晕~~~~`
好啦!夹埋最后哩次就落堂!我要加油~撑撑撑~!
放学去买杯麦乐酷补翻吓先!（当麦乐酷係补品嘅怪人）
-各位同学,今日辛苦大家喇!我地夹埋最后一次就可以散band喇,大家快D埋位啦!一阵夹music嗰时大家要望住块镜睇吓自己有冇边D动作未到位.如果唔记得就望吓我啦~
做教练虽然好辛苦,不过有时都好自豪嘅
播音乐喇~~~~~DANCING...DANCING...DANCING...
-好啦~今日大家都做得好好吖,E+落课希望下次有机会再同大家一齐学舞,byebye
D学生陆陆续续咁走晒出去lu,哩个时候我发现邢均惟企係门口度喔
-师兄!
-走得未吖?请妳饮杯嘢吖!
-...好吖!不过...唔落bar噶喔!
落BAR见倒熟人就S得快...-_-
-咁...去M记饮麦乐酷啦!
-哇哇~~~~~~你点知我想饮麦乐酷架!

----------------------------------
街边...一路行一路饮...
-（邢）诗甜,妳有冇兴趣艺术节同我地一齐表演吖?
-吓..?我?表演咩吖?
-仲洗问!梗係流行舞啦!!
-点解侵埋我玩嘅?我惊我跟唔上喔.
-点会呢,我岩先见过你D舞,好正吖!
-哈哈,正嘅?
-嗯嗯!我同Baby仔谂过,如果跳<make my day>嘅话,有个女仔会好好多噶!妳有冇兴趣先?
可以同D劲人一齐排舞就梗係有兴趣啦,不过.......唔好谂咁多喇!秦诗甜妳得嘅!!一于比D好嘢Azo同其他同学仔睇!
-嗯!好吖!!!
Part9
故事的小黄花 随记忆一直飘到现在
和你翘课的那一天 花瓣从蓝天缓缓飘落
刮风这天 我试过握着你手
但偏偏 雨渐渐
大到我看你不见
从前从前
有个人爱你很久
但偏偏 风渐渐
把佢离吹得好远

接落离嘅哩半个月,平时游手好闲嘅我变得多嘢做起离.
星期三,五,日就要去step by step准备艺术节嘅流行舞表演,
而其他时间就学梗画画.谂起都好笑,一开始仲以为自己打死都唔会掂支画笔噶
就係因为一个人嘅一句话
-艺术节嗰阵礼堂会有优秀作品展噶!我都未见过诗甜妳D画嘅,不如我地一齐比心机,到时我地两幅画放埋一齐吖!
仲洗问,哩句话梗係Azo讲噶啦.
听倒佢咁讲嗰时个心真係甜到漏吖,佢话佢真係好想睇吓我画嘅嘢,仲话想我地嘅画摆埋一齐...呵呵呵呵

E+上梗水彩画课吖,我係度好认真咁画梗,谂住係艺术节拿一幅画海滩嘅画去参选.
我岩学冇几耐,係对色彩比较敏感,至于画功就...差差差啦....连揸住支画笔都手震震嘅

-啊~~~~~~~~死喇死喇~~~`唔好意思吖!SORRY吖~~~~~
衰喇!唔小心将一pat颜料弹咗过隔离嗰个同学块画板度,係嗰个余颖吖,（Azo以前条女余莹个妹)死啦~~~~~~~~~~人地仲画咗好耐家嘛,我一个唔小心就将佢幅画整花晒...点赔翻比人.唯有一味say sorry啦
-对唔住吖!我帮妳抹翻啦!
-（颖)E+点抹都冇用啦!有冇搞错架妳!点画架!E+我幅画唔洗要啦!
强忍ING...强忍ING...洗唔洗咁嘅态度吖!我都同妳讲咗对唔住啦,如果唔係上梗课,我唔打......係嘅係嘅,好,我唔岩.
-（ME)SORRY吖,我唔係有心架...
-（颖)睇妳画咗D咩,画成咁就唔好係度献世啦!
2222~~~~~~~我D耐力有限架,妳唔好得寸进尺,逼我发脾四...!>o<
-（奈)捞婆!妳得啦,妳今日唔洗旨意出倒校门!!!
奈奈即刻行过离扯住佢D头发讲.嗰个余颖虽然D表情有少少痛苦,不过D眼神仲好唔妥.
-（颖)妳地冇以为痴埋去Azo度就得先架!我家姐一翻去佢身边佢咪一样踢开妳!
佢啤住我嚟讲.
以我嘅忍耐度,做到咁已经好比面妳,係妳自己受硬唔受软乍!
我一盘颜料泼落佢块面度,然后自己行咗出科室.

---------------------------
去到学校后门一个好清静嘅地方,抱住膝头坐咗係地吓度.
係学校围墙好近嘅地方有一棵好粗壮嘅榕树,佢中间有一个好大嘅树叉,个叉有一个人咁高,D倔强嘅树根从树干一直伸到落地吓.虽然係秋天,榕树嘅树叶依然好浓密.而地下,就生满晒好多淡黄色嘅小花,睇上去好清新,似乎就係应哩个金黄嘅季节而生嘅.我面前仲有两张终日沉默嘅石凳.
秋风一起,大树嘅树叶就沙沙咁响,满地光影随住摇曳.而小黄花就努力支撑住纤细嘅身体.
一滴滴嘅眼泪不断滴落枕係膝头上嘅手上.
点解听倒余颖讲嗰D嘢我会咁Hurt,比佢话我D画献世,话余莹一翻离Azo就会踢开我.
唔通我真係永远都画唔倒可以触动人嘅画,永远都唔可以好似Azo咁叻.
仲有,或者我之前真係太高估自己.
我同佢先识咗两个月,点同识咗十几年嘅人比.其实我都好清楚,Azo只不过当我係一个普通嘅师妹,最多只係一个朋友,佢对所有人都好好噶,妳古净係对妳咩!
死啦~~~~~~我真係变咗好多吖,几时变得咁懦弱噶.竟然为一个男仔喊.
眼泪嘅味道係咁嘅...好苦好涩......
秋风好快就将面上嘅眼泪吹干,然而,眼眶中嘅泪依然任性咁向外渗.

嗒.嗒.嗒.嗒.嗒.......啷.啷.啷.啷.....

有脚步声嘅!仲有啷啷声!E+上梗课,平时应该冇人噶!
係乳白色嘅阳光中,有一个天使蓝色嘅身影係光嘅环抱中行梗出离,好似从天而降咁.
唔通真係天堂派落嚟嘅天使送我归西?-----NONO!啋~~~~係安慰我E个失意嘅人?
越行越近嘅身影有一头浅棕色嘅少凌乱中发,有洁白嘅肤色,同埋粉红色嘅嘴仔,仲有水晶球一样嘅浅棕色眼球.
係Azo!?
果然係佢!点解佢今日着得咁QQQQ嘅?着咗件天使蓝色嘅短袖T,间T上面仲要有个桃红色心心,然后佢又揽住条灰蓝色嘅颈巾,颈巾里面仲有一条链咀係银色啷啷嘅链!
咪住~~~我仲定晒係度望!快D抹干净D眼泪先啦
不过....已经太迟喇,佢已经见到我抹眼泪嘅动作,仲见倒泪痕同红红地嘅眼眶同鼻尖
佢一见倒我咁嘅样,就跑快几步过离
-诗甜!??妳做咩吖?点解对眼红晒嘅?
佢弯低腰,伸个头埋离好惊奇咁望住我
我唔好意思咁另咩面,话
-冇,冇嘢吖,我係度吹风之嘛
-上梗课喔,妳吹咩风吹到喊咁面口吖?
-我....我戴CON戴到对眼干晒咪飙眼泪咯!
-乜妳有戴CON噶咩?
-关你咩事喔!讲起CON,你係咪带咗有色CON吖?点解眼球咁嘅色嘅?
-吓?我冇吖,细细个开始就咁噶喇!
-哦哦......
哩个话题讲完喇喔,揾D嘢讲吓先!费事佢又问我做乜
-（ME）係喔~你做乜又係度嘅?
-走堂咯!
我冇听错吖嘛?Azo师兄都会走堂!?佢仲要讲得咁自然先,唔通佢成日走嘅?
-讲真架??
-嗯!妳走唔走吖?睇妳心情唔好,同妳出去行吓喇?
我又谂起余颖讲嗰句,咩佢个家姐一翻离AZO就会唔理我.我就嘟住个嘴托住下巴係度谂,好唔好同佢保持佢离呢,好过到时比人踢开咁惨吖......认真考虑ING
Azo见我冇出去嘅意思,就扶住树干,好轻易咁一滥滥咗上大树中间个叉度
-哇...你都好熟手姐
我拍拍身,行到大树隔离望住树上嘅佢讲
-妳真係唔走啦嘛
-...（犹豫ING）
佢又延住嗰条打横生嘅树干行到围墙上,准备跳落去出面嘅行人道嗰度

-喂!你两个学生做咩吖!!!
我地即刻望咗过去,原来係学校嗰个保安!
-（Azo）诗甜!走啦!比佢捉倒唔S都一身蚁吖!
谂落又係喔!我拿拿林学Azo岩先咁样爬到围墙果度,Azo等我过到去就跳咗落另一面嘅地吓
-（Azo）快D跳啦!
-喂吖~~~~~~~好高喔...
係入面睇都唔觉咁高,企係围墙度望外面嘅人行道就足有两米几
-唔洗惊架,妳眯埋眼跳落离,我接住妳啦!
死就死啦!
一跳跳落去,点知企都企唔揾,成个中咗前去.Azo果然即刻迎上离揽住我
卟卟.卟卟卟.卟卟
喂喂~~秦诗甜~妳D心跳声唔该细D啦~~~~~~
我好只手好自然咁箍住Azo条颈,个头又贴住佢心口,闻倒嗰阵淡淡嘅香味.点解佢係心口特别温暖嘅...
-喂!你两个学生好大胆啊吓!!!咪走吖!
原来学校嗰个保安拿条锁匙开咗后门,追到出离
睇离E+唔係我ENJOY嘅时候...-_-
-走啦!
Azo拖住我只手跑得好快,哇~~~~~~~~~第一次掂佢只手咋,虽然係瘦,不过D手指好长好有安全感吖.我跟住係佢后面跑,见到佢D头发飘飘吓,银色嘅耳环闪闪吓,条颈巾又弹弹吓,一路跑就一路啷啷声,仲有D香味散后离
係街口,佢打咗部的
-司机唔该去流前吖!
Part10
幸福 不是每一天都有
错过以后要等很久很久
不要你的快乐在我怀中变成泡沫
至少 我们依然是朋友
如果我不适合握你的手
带着我的祝福好好地过
藏起心疼
我想我还能忍受 这点寂寞
用最沉默的温柔
微笑对你挥挥手
IF U CRY 我会明白
IF U SMILE 我也会温暖
走累了 IF U DON"T MIND
和我坐下来 看看天的蓝

-Azo点解离流前嘅?
-冇吖,想随便行吓之嘛!
-咁...不如我地去打机咯!
-妳话事啦!
----------------------------------
打机哩边好嘈吖~~~~~不过都好热闹吖~呵呵呵呵
心情突然间好好吖!因为係我第一次同佢一齐出离玩,比起落D蒲BAR开心好多!
我地E+玩梗"链"车吖~姐係嗰D坐上去要郁个身带住部车转左转右嗰D呢!
-哇~~~~~~~~~死嘢等埋我啦!
-衰妹妳都唔係傻架!玩哩D机边有得等埋妳噶!
-你开慢D啦~耶~~~~~~~~
-哇~~~~妳都得噶喔!又话输咗一阵请食嘢!妳摆明就要我请啦!
-HYA HYA HYA（奸笑)係吖~~~~~比唔比吖??
-比比比~~~~~~~~~开快D先!费事比妳E只甜耶耶怪兽追倒!
-吖~~~!!你话边个甜耶耶怪兽吖!我撞撞撞S你!
讲完,我成个身中过去Azo度,点知佢真係成个趴低咗係车头
-师兄~~~~~```你唔好死吖~~
我一路忍住笑一路拍佢
-我已经死咗,听唔倒妳讲嘢
-E~~~~~~~~~~你呃人嘅~!!!快D起身快D起身!
我係咁死摇死摇佢个身,最后干脆拉住佢条颈巾成个扯佢起身,噢吓噢吓佢
-咳咳咳~~~~~~咳咳~妳只死婆!想谋杀亲夫吖~~~`
哇~~~~谋杀亲夫~!!?我係佢老婆吖?哈哈哈哈~~~~~`虽然係讲吓笑,不过都好开心吖~~~~
我一只手"ON"佢个头
-S啦你!岩先话人怪兽!!
点知一"ON","ON"得太大力,搞倒佢个头成个撞咗埋个屏幕度!
-吖吖吖~~~~~~好痛吖~~!!!
-真係架?死啦~~~~~SORRY吖,我都唔係好大力姐!
-我要喊喇!5555~~~~~~~~~~
-妖!玩我!!
------------------------
我行咗过去D贴纸相机度望梗
-点吖,衰妹,我地一齐影啦!
-好吖好吖!我要影哩种!
影嗰种好似卡咁嘅,影一次就有两张唔同嘅卡,影出离大张D,咁以后我挂住佢嗰时睇张卡都睇得清楚D!
而且仲可以打两个人嘅英文名上去张卡度!
-简好要边个背景未吖?
-简就简倒,不过...咁嘅...
我指住嗰个背景,上边有D字写住"forever couple"
-唔紧要啦!好睇咪得咯!妳睇我简嗰张上面都有好大个"LOVE"噶~係咪好得意呢~
-呵呵呵呵

1,2,3~~~~~咔嚓 咔嚓
影好LU~~~~~~`好令令吖!我嗰张係Azo mic住我一边面嘅,傻更更咁,Azo嗰张就係我地两个係度扮大细超人嘅~~
----------------------------
（回转寿司店中...)
-唔唔唔~~~~~~~~~~``好味好味~~Azo快D试吓D北极贝寿司~
-喂我啦~~~~~~~~~~~啊~
-拿~
-（食ING..)点解咁....>o<...T_T T_T
-哦呵呵呵呵~~~~~~~係咪好好味~~~
-咳咳咳~~~~~~`（即刻饮茶先)..哇~~~~~``我都唔知妳只衰妹咁关照我!醒咁大旧WASABI比我叹!
-呵呵呵呵~~~~~~好过瘾啊呢?
-妳睇吓我D眼泪!
我望过去,见倒浅棕色嘅水晶球水汪汪咁,佢嘅鼻尖又红晒喔,好趣致吖~

----------------------------------------
夜晚7:30pm,Azo送我翻屋K路中
今日真係玩得超级开心吖>_<~~~~~~~
-妳今日有冇功课做吖,连书包都係学校!
-车,有我都唔....有我都唔记得噶啦!
差D讲咗心里面嗰句"有我都唔做"先...
-听日翻去妳惊唔惊比嗰个保安捉架?我又係嘅,带师妹逃课都有!
哎~~~~~师兄~~其实妳师妹走堂当食生菜噶乍!
-唔惊!YEAH~
-（笑）无端端YEAH咩吖!喂,妳咁夜翻屋K惊唔惊架!?
Azo做乜S问我惊唔惊哩样惊唔惊嗰样咁
-我一个人住之嘛,惊咩喔,都冇人话我嘅!
-吓?点解嘅?妳啊爸啊妈呢?
--离咗婚N年lu~几年都唔翻离一次嘅~仲好啦!冇枉管~~~~~
-咩冇枉管吖!以后我就CHECK住妳,睇妳有冇唔翻屋K!机num呢?
-真係要吖?
-快D讲啦!
-137********
-拿,我E+响你电话.
-哇~~~师兄你部机好正吖!最新噶喔~实係你老豆买比你噶啦!你就好啦~~~
-咩吖!自己攒钱买噶!我老豆?佢同我啊妈係我四岁嗰时沉船死咗喇...
我呆咗咁望住Azo,佢扮到好唔在意咁一路Gum手机一路笑住讲
-唔洗咁望住我喔,都咁多年喇,我冇事噶喇!
-Azo吖...
-不过呢~要同妳讲,唔係妳惨晒架,有啊爸啊妈点都好过冇吖嘛,E+怪佢地,都冇咗嗰时妳就知!
-哎~唔好讲E D喇!你点解今日会走堂嘅?
-冇吖,冇灵感画嘢咪出离行吓咯,好过係课室藕吖!咁妳呢?妳唔洗唔认喇!我知妳嗰时係度喊梗嘅!快D讲点解
-吓...我...师兄,你以前係咪有条女叫余莹架?
Azo听倒我提E个名,定咗一阵,然后点头话
-...嗯.做咩吖?
-姐係呢,Er,如果佢翻离你身边,咁你会唔会唔理我噶?
-唔理妳?
Azo好似唔係几明我讲乜
-er....姐係话你会唔会因为佢而唔理我咯...死啦~唉是但啦!我都唔知自己讲咩!你当我冇讲过啦!
-哈哈~~~~梗係唔会唔理妳啦
-真係架???!
-嗯~~妳係我师妹,我都当咗妳係我半个妹啦,点会唔理妳喔!
哦......原来係啊妹咁...怪唔知你咁中意叫我衰妹啦...
Azo吖~其实我都係中意你叫我诗甜多D噶.不过,既然你觉得咁样好D嘅话我就做你个乖妹啦.
我好中意你,好中意好中意你,哩句话我只会係心底不断同自己讲
或者我应该满足,至少有一个关心自己嘅啊哥......

IF U CRY 还有我在
IF U TRY 陪你等待
你永远都不会孤单
有个人 只为了你存在
Part11
从心去爱你 从感觉爱你
从说话及目光载种出蔷嶶
从嘴角吻你 从肩膊吻你
从气味 熟睡中都记起
庇护你 抱着你 听着你

（化学课.于后排中...)
ＧＧＧＧＧ　．ＧＧＧ．ＧＧ（饮梗果汁先生嘅声）
－奈奈~比D嘢妳睇~
－（睇ING)哇~~~~~咪Azo同妳只衰婆~HYA HYA HYA~妳S喇~~两个静静鸡去影卡~发展到咁嘅阶段都唔同我讲!几时开始噶!
－咩几时开始喔!张卡就前两个星期影嘅!
－哇~~~~仲要前两个星期先~得啦~睇你两个几亲密!点吖~~~?搞到边一步吖~~?（好邪嘅眼光)
－咩搞搞声咁难听!我就係知妳会误会先咁迟比妳睇乍!
－乜仲未拖噶咩??
－拖鬼咩!人地当我妹咁噶乍!
－唔係挂~~~~哩个年头仲搞D啊哥啊妹咁嘅嘢?
－係吖,开始我以为佢讲吓噶乍,不过唔知点解后离同佢倾倾吓电话,玩玩吓就佢叫我啊妹,我叫佢啊哥咁咯.
嗰个时候,自己觉得叫佢啊哥有一种比佢保护嘅感觉,而听佢叫我啊妹,又觉得佢好锡我咁喔......
都好嘅,有个咁叻咁靓仔嘅啊哥!
－喂~叫咗啊哥就冇发展机会噶喇喔!妳以前都係因为唔中意啊Miu先认佢做大佬噶喔
－顶~~~~~~~今次唔係我话认佢做啊哥架,佢自己话当我妹乍!
－唉~~~~~~我都未见过妳咁嘅,为咗条仔晚晚唔出去玩,留係屋K等佢电话!
－喂~係啊哥吖!
－得喇~啊哥吖嘛!妳自己收好张卡去吖,妳都唔係唔知余颖条癫婆有病噶啦,都唔知佢点解特别唔抵得妳同Azo一齐咁,妳比佢发现张卡,到时望都冇得妳望吖!顶~~~不如叫大佬MIU揾班人嚇吓条8婆啦!
－傻咩,算啦!到时比Azo见倒兄妹都冇得做吖!

－－－－－－－－－－－－－－－－－－－－－－－－－－－－－－－－－－－－－－－－－－－－－－

要发生嘅嘢点避都避唔倒,只係古唔到会发生得咁快
同埋,我唔去得罪人,人地会专登撩起我把火

今日中午,我同奈奈,仲有啊细一齐去小卖部,一去到就见倒余颖係Azo耳边唔知讲D咩
只係见倒余颖D表情好似好委屈好惨咁,跟住Azo嘅表情就好震惊咁
－（奈）又係嗰条PK!!!我过去的开佢!
我拉住咗奈奈
－（ME）等阵先.
终于佢地两个都讲完,Azo好愕然咁望住我,定咗係度嗰几秒变得好漫长
你唔好用D咁嘅眼光望住我啦,我已经知道佢同你讲咗D咩,你想闹我打我都得
但係,唔好用咁嘅眼光望住我
佢终于行咗过离
－妹,上两个星期係后门见倒妳嗰日,妳係咪用颜料泼余颖吖?
－（ME）.......
－妳讲啦!误会嚟噶係咪吖?妳同啊哥解释,啊哥会信妳噶!
－（细）妳条癫婆乱UP也四!妳唔好屈诗甜喔!!!
啊细好大声咁喝余颖
－（ME）算啦,细.
－（ME）係吖,係我泼佢嘅,点啊?
－（Azo）妳...妳真係咁做!妳又话应承我乖D嘅!点解吖!
－（ME）佢!佢话我...（唔可以同佢讲噶）我中意泼佢就泼佢,中意打佢就打佢!
－（Azo）妳知唔知妳自己好任性好自私吖!妳咁大个人唔该自己谂吓啦!唔係咩都妳大晒架!
係....我好任性,好自私...我都好想问吓自己点解会咁样,为咗乜?
我已经冇嘢好讲,都唔可以解释D乜,的确係我咁做
我好恶咁瞪住余颖
Azo一路摇头一路苦笑
－好啦,秦诗甜,我对妳真係好失望吖!
Azo,你知唔知你一句失望,对于我离讲就係绝望吖...
听倒你咁讲,我个心真係好痛好痛.从来都未试过嘅痛

原来爱一个人,就係学会伤害人
同时学会比人伤害

我另转头,用剩余嘅力气走,
走开哩个困局,走出一个唔应该开始嘅故事

Part12
这种感觉从来不曾有
左右每天思绪每一次呼吸
是你让我着了迷
给了甜蜜却保持佢离
我一天天失去勇气
偏偏难了难忘记

下昼嘅第一二节课,我都哩係洗手间度喊,关埋门不断咁喊
咁大个女,就算比人gum住离打,都唔会流半滴眼泪
一个带刺嘅魔鬼,竟然会为天使泪如雨下,真係好笑
而奈奈同啊细同我做咗咁多年姊妹,已经好了解我
佢地只係係外面静静咁陪住我

到第二节课落课,眼泪终于喊干,我洗咗个面,係两个F嘅陪同下翻翻去课室
一入倒课室,竟然听到另一把喊声
仲居然係余颖
望真D,连学校最大粒嗰个主任都围晒係佢隔离
－（X主任)秦诗甜同学,妳终于翻离喇咩!睇吓妳点同我地解释!
苦笑+无言...余颖唔係咁无聊将两个星期前嘅事藕到今日先解决啊嘛?
好,陪你玩咯!
－（Y主任)我地各位老师真係古唔倒妳咁劣性难驯噶!妳竟然为咗报仇整烂余颖同学嘅手提摄录机!!!
痴孖筋!我几时搞过佢部DV啊!!!
－（奈)主任!诗甜冇咁做过吖!我地岩先一直陪住佢噶!!!
－（Y主任)哦~~~得妳两个"好朋友"陪住佢,咁有冇其他证人吖?
簁气啦,你地D主任点会信我地E D"劣性难驯"嘅学生吖,点都听佢地D好学生讲先啦!
－（余)（扮晒喊得好惨咁嘅样)我...我古唔到妳咁噶,大家一场同学,我都係同人地讲事实姐,妳係有用颜料泼我吖!但係妳都唔洗转头就整烂我部DV啊嘛!部DV我谂住用离帮我地班拍艺术节D片段架!!!
好伟大吖妳......唔做演员都簁晒!
－（ME)我讲多次!我係冇做过!你地唔信就算!
我翻埋位拿翻个袋就走,再留係哩个班都冇意思.
－（余)妳唔好走吖!妳赔翻部机比我吖!!
余颖企起身追住我
－（ME）死开啦!赔妳条命吖!
佢一扯扯住我个袋,个袋最开面嗰格嘅嘢全部跌晒出离
包括我同Azo影嗰张卡
佢竟然即刻执起张卡,撕碎晒,全部碎晒
－（余）妳E+知道比人整烂D嘢係咩感觉啦!
我个心突然间沉咗落离,唔係因为佢嗰句话,而係见倒嗰张碎到面目全非嘅卡相
烂咗嘅笑容已经无法补救
最后我望住余颖嗰个眼神,我知係我以前从未有过嘅
我清楚,奈奈同啊细都清楚,我接落离会做D咩

－－－－－－－－－－－－－－－－－－－－－－－－－－－－－－－－－
7:15 我屋企中
－（奈）顶佢个痴总制,今次唔打到佢训接都对唔住自己!!
－（细）死婆咪咁嬲先啦!喂~妳话用铁通好定木棍好吖?
－（奈）仲洗问!梗係铁通啦!
－（细）不过D木棍有钉噶喔!
－（奈）拿晒去啦,四也几人边够用吖!
_（细）其实我谂呢,打条废柴都唔洗咁多人啦,斋我地几个都搞掂有凸啦!
－（奈）顶~揾D人睇水都要挂!

－（Fds）Sea姐,Franky佢地话的咗条八婆去后巷喇!!
－（me）嗯.行啦!

哩一刻嘅我,已经觉得咩都唔需要理,因为佢已经唔会再理我
灰沉沉嘅天,狭窄阴深嘅后巷,只係听我地D高踭鞋嘅kok kok声,同铁通,木棍相撞嘅声
我知,好清楚咁多人一齐打一定会搞出人命,所以我只係谂住同奈奈啊细佢地郁手
带咁多人离只係想嚇吓佢,出咗啖气

弒神天使 发表于 2005-10-6 18:25:42

－（余）妳地想点吖...?妳地唔好乱离吖...
佢未讲完,我已经一棍係佢背脊勾落去,佢即刻成个训係地
－（ME）妳唔好咁啦~妳平时唔係好多嘢讲噶咩~费事妳话我人多虾人少喇
我掟开支棍
－（ME）妳地唔洗帮手,余颖同学啊嘛?嚟啦~咁唔妥我咪打咯!
－（余）妳...妳敢打我,我翻去话比家姐知,妳以后都唔洗旨意见倒Azo同妳讲一句话!
听倒哩句话我更加眼火爆,係咁一脚兜落佢条腰度.
再链住佢下巴话
－妳同我听住,妳....

－秦诗甜!!!
我另转头,係 安 祖 凝!
佢皱住眉头用一D极之唔相信嘅眼神望住我
点解?点解我一见倒佢咁样就会停晒手,郁都郁唔倒.
一切都係沉默之中
Azo走过离抱起咗余颖,係我身边走过,一眼都冇再望到我
其他人呆晒咁望住佢抱住余颖,一直到佢走出条巷嘅尽头

我用振梗嘅手拿起一支有钉嘅木棍,
係心里面讲咗句
安祖凝,哩D係我还翻比妳条女个妹噶!
跟住用木棍上嘅钉狠狠咁从自己右手手臂刮落去
我E+先知,魔鬼嘅血同一般人一样,都係鲜红色嘅...
突然间,好晕,好晕.......
－诗甜!!!诗甜!!!!!!

Part13
哩度係边度离噶?点解周围黑猛猛咩都睇唔倒嘅,净係前面有一个光点
我向住个光点,不断向前行,越行个光点越离越大,逐渐变成一个光团
光团里面有一个全身着住白色衫嘅人--------唔係,係天使--------佢有一对好大好洁白嘅翼
个天使个背影点解咁熟面口嘅,佢慢慢另咗过离
-Azo!!?啊哥~~~~~
-我唔係你啊哥!我冇D咁衰嘅妹!
-啊哥吖...
-妳整烂人地D嘢,仲搵成大班人去打一个女仔,咁狠毒嘅人点会係我个妹!
-我冇整烂佢D嘢吖!!!点解你唔信我?
-妳应承过我D嘢都做唔到!我唔会再理妳噶喇!我要走喇.
-走?你走去边吖?唔好走吖~~!
-天使唔应该同魔鬼一齐噶!
Azo另翻转头,拍住两只雪白嘅翼飞咗起身,越飞越远......
------------------------------------

-哥~!啊哥!!!
-妹,妳醒喇?我係度啊!!妳见点吖?
原来係发梦,但係唛大眼,见倒嘅唔係我最想见嗰个,而係大佬Miu
朦朦胧胧中,我见倒周围有好多人围住我,有好多对殷切嘅眼
我一郁只右手
-啊~!!（好痛)
-（Miu)妳唔好乱郁吖!等护士离啦!
-（奈)诗甜,妳训咗十几个钟喇!岩先嚇死我地喇...如果妳有咩事...
奈奈讲讲吓就喊咗出离,仲有啊细,Franky佢地,个个眼眶都红晒
原来大家都咁关心我...
-（Miu)岂有此理!!!究竟边个搞到妳咁架妹!
大佬Miu个样突然变得好嬲,D眼神好恶啊.
-（细)咪就係嗰个...
-（ME)啊细!
-（奈)哎~哎呀~~~`大佬Miu,诗甜岩岩先醒翻,比佢透吓先啦!唔好问咁多喇.

-----------------------------------

训醒嘅时候,已经係夜晚喇,病房里面得我同奈奈,奈奈係疏发上瞌着咗
唔知Azo係度做梗咩呢...佢E+一定好憎我喇
我係佢面前扮咗乖囡咁耐,E+终于比佢睇清楚,係条巷度,佢见倒我地咁多人围住嗰个女
佢一定会觉得我地打得佢好惨,会觉得好好狠毒,仲会好似梦中咁离开我
但係,我都冇后悔到.
E+连张卡相都冇埋,好挂住佢吖...如果有张相係度咁几好
有得睇吓都唔洗咁辛苦
吖~!我记得喇!上次我同Azo去流前玩,佢送我翻屋K嘅时候惊我冻就比咗条颈巾我箍,E+条颈巾仲係我屋K!!
上次,真係好开心吖...不过,哩一切都已成回忆......

-奈奈,奈奈
-（蒙蒙松松）E...诗甜,妳醒喇!?有冇边度唔舒服吖?今晚係我留係度陪妳吖,听朝大佬Miu就离噶喇.
-大佬Miu佢......
-放心啦,我冇同佢讲吖.不过,我谂唔瞒得好耐,佢真係好紧张吖,一直逼住我离问
-唔该晒吖,奈
-傻啦,我斟杯水比妳啦
-唔洗喇.奈奈,我想翻屋企吖.
-翻屋K?唔得~妳岩岩至醒乍,医生话妳失血过多吖!
-我真係好想翻屋企吖,妳帮我啦...
-唔得噶,妳咁样点得噶
-我要走吖,我唔留係度!!
我副开张被,好艰难咁行落床,仲准备撕开绑係右手上嘅绷带
-诗甜吖,妳唔好咁啦!
-妳明知我要做嘅嘢边个都阻唔倒架!
-哎呀~好喇好喇,我帮妳去搞埋D手续喇

-------------------------------------

终于翻到屋K,哩间屋仲係一样静英英,冷冷清清
一入到去,我就即刻跑入间房,係嗰堆衫度死剿条颈巾
-喂,妳做咩吖,妳要揾咩我帮妳啦,妳个伤口未好架!
-係度吖,揾倒喇!
係哩条灰蓝色嘅颈巾,好暖吖,捧住佢就好似Azo係我身边咁
-唉......又係Azo架呢?
-......
-见倒妳地咁真係好睇唔过眼吖!妳竟然为咗佢自杀都有嘅!!!
-咩自杀吖!
-妳都唔知妳自己几危险吖!医生话个伤口差D就到条大动脉喇!!!
-我,我之不过係谂住还翻比嗰个女之嘛!
-妳谂住还翻比Azo乍挂!
-.......
-Azo电话几多吖?
-吓?
-讲啦!
-妳想做咩吖?
-我去帮妳同佢讲清楚吖!余颖又唔知同佢讲咗D咩噶喇!实话我地整烂佢D嘢又群殴佢啦!盏Azo咩都唔知就嬲咗妳!
-算啦,唔洗喇!佢唔会信我噶喇!
-但係妳谂住就咁就算吖!你地可能以后都......
-我唔想佢觉得我狡辩梗吖.我搞成咁,更加唔想佢知.妳应承我唔好同佢讲啦.
-咁...哎~好喇好喇
Part14
接落离嘅一个星期,我差唔多日日都藕係屋K,係有时D朋友离探我就陪我落楼下个公园仔行吓.
佢地个个都惊我有咩事,要我透多几日,唔好翻学住
打电话翻学校请假嗰阵时,学校好似好唔信我咁,係要坚持要家长打电话去
直到我好嬲咁嗌咗一句
-我冇家长架!!!
然后好大力咁cup咗个电话
讲出哩句话嘅时候,内心好难受,好似好孤单咁
唯一庆幸嘅事係,我打余颖嘅事,学校似乎仲未知

哩个星期,我冇收到Azo一条短信,一个电话,更加唔好话离探我
我唔翻学校咁多日,佢好似一D都唔care,可能佢真係好嬲我唔想理我,或者,谂死我都係出咗去玩
反而有一个人

-------------------------------------------
係屋企藕嘅第二日
噔 噔 噔 噔~~~~~~~（手机信息声)
（Baby仔:诗甜!妳係咪係屋企吖?我同邢均惟练完舞吖,不如上离探妳吖!)
（诗甜:好吖!我闷到发毛吖!你地上离啦!)

---------
-（邢)点吖妳?冇咩事啦嘛?本来想买杯麦乐酷上离噶!不过又惊妳唔饮得!
-（ME)哈哈哈~~~~我饮得架!下次记住买喇喔!
-（Baby仔)师兄你咪听佢讲吖!佢都唔锡身嘅!
-（ME)嘻嘻~~~~係呢?你地今日练舞练成点吖!
-（刑)诗甜吖......
刑均惟D神色变到好凝重咁
-（邢)er...妳E+身体唔係咁好,不如...艺术节嗰个流形舞表演,妳唔好参加喇...
-（ME)点解吖?你惊我拖慢你地嘅进度吖?我E+冇事噶喇!我可以去排舞噶!!!
-（B)师兄都係惊妳身体顶唔顺乍!
-（ME)我冇事噶!妳睇我只手!好翻晒喇!!
我係咁FING只手比佢地睇
-（邢)好喇好喇!我地都好想妳可以一齐跳噶!E+咁啦,妳休息多两日再算啦!

-----------------------------
之后,刑均惟就用DV拍低佢地排舞嘅片段,经常上离我屋K拿比我睇,仲教我点样夹翻佢地,点样走位
-师兄,其实我可以去舞室练噶!
-妳只手整亲吖,咁快做D大动作唔好吖!休息多两日先啦!

就係咁,休息完两日又两日,到咗个几星期嘅时候,佢终于係我多翻恳求之吓肯比我去排舞
-哇~~~~~~~好兴奋吖!好耐未离过舞蹈室哩度啦!哈哈哈哈
-诗甜,妳每日只可以练一个钟,其他时间就坐係度睇啦

休息嘅时候...
-诗甜,妳觉唔觉攰吖?手有冇痛吖?

就係咁咯...均惟师兄真係照顾得我太周到喇,仲要日日开部车（两个碌嗰D跑车)离接我去,送我翻屋K
不过都好嘅,好多时候,我就趁机打探有关Azo嘅嘢
-师兄吖,你同Azo师兄好熟噶呵?
-嗯嗯,识咗成五年喇
-咁.....佢D嘢你好清楚噶啦?
-都几架
-我想问呢,关于佢同余莹D嘢吖...er~~~~冇咩架,八挂问吓噶乍!
-我识咗Azo冇几耐,佢就介绍咗啊莹比我识喇,嗰时我以为佢地拍梗拖架,因为啊莹咩都同Azo讲嘅.后离先知,原来好多年离都係Azo单方面中意啊莹,不过啊莹唔知係FEEL唔倒,定係FEEL倒扮唔知.佢仲成日讲自己同条仔牌拖嘅嘢比Azo知,我谂Azo都好难受噶
-有冇搞错!!...嘻~~~我係话咁都得吖....
-跟住到咗我地係美校读职二嘅时候,有一次啊莹失恋,仲要係失得好痛苦嗰只,Azo就日日陪住佢,唔知係咪因为咁感动咗啊莹,定係佢想揾个依靠,咁佢地就拖咗一年多D,跟住呢...
-跟住点吖!!?
-跟住好似话有一次啊莹中意咗一个出离蒲嘅男,仲为咗佢屋K都唔翻,又食烟,又HI嘢.Azo劝极佢都唔听,后离就话唔会再理佢,不过我地班兄弟都知,佢係冇办法先咁讲,佢希望有日啊莹自己可以谂通
-咁E+呢?姐係嗰个啊莹点吖?同埋......Azo师兄仲有冇中意佢吖?
-Azo点我就唔知喇,至于啊莹仲係同梗嗰个男吖.哎......佢踩得太深,冇办法翻转头喇,佢个妹...
-佢个妹??姐係嗰个余颖吖?
-係吖!好似係妳地班噶.佢个妹就好想佢变翻以前咁,佢屋企E+啊爸就一把年纪,啊妈又比啊莹激病咗,以前佢地成家人都靠啊莹攒钱,E+啊莹跟咗嗰个男,成年冇翻过屋企.余颖好多次"毅"啊Azo同翻佢家姐,想佢家姐变翻好,唉~~~~~~~不过Azo都冇办法架,不过听讲边个女仔一近Azo,佢就会耍手段噶喇,哩个女仔有时都几恐怖,不过佢都係想头家好姐,咁细个就要面对咁多问题,都几惨噶...

原来係咁,好彩有均惟师兄乍,E+好多嘢都清楚好多喇!
咁谂落余颖都几可怜嘅...
不过!!!佢咁样勉强Azo都唔得噶!仲要谂埋D咁嘅乔嚟屈我!暂时都係冇得原谅啊!!!

------------------------------

刑均惟份人好倾得,可能因为哩排闷,而佢又差唔多日日都係我身边
所以我渐渐同佢讲多咗好多嘢（当然除做我同Azo嗰D啦）
估唔到我讲晒我以前D衰嘢比佢知（真係有几衰就讲尽晒,冇保留架）
佢竟然笑笑话
-哦~~~~~~~哈哈~~~~咁姐啊嘛!
-吓?我又...又...又...喔,你唔觉得我好曳咩.
-唔出奇吖,哩个年纪好多人都会噶啦!我以前咪係,打交仲凶过妳好多~哈哈
-你唔会觉得女仔咁样好唔好咩!
-唔会喔~呵呵~相反我仲几欣赏妳添,敢作咁为
-但係我....（咩咩咩咩）...喔
-呵呵呵~~~~~~~得喇得喇~
Part15
第二个星期喇.哩两个星期嘅夜晚,我都係揽住Azo嘅围巾,闻住上面嗰阵残存嘅香味,离度过思念蔓延嘅夜晚
哎~~~~~`搞到自己成个变态恋物狂咁

-（细)诗甜~~食得喇!快D出离试吓我D手势啦!我第一次整嘢食噶乍!为咗妳算唔话得喇挂!
-.......（无声)
-（细)诗甜~~?喂~~~~~妳仲坐係床度揽住条烂鬼颈巾做乜吖!挂住人咪翻学咯!还掂妳都好得七七八八啦!我都想妳翻学陪下我地!
唔知点解,我E+反而好怕翻学,惊见倒佢唔知点面对
又要谂住人,又要逃避人,唉~~~~~~~~~
-（细)妳唔係惊姓余嗰条柚又搞鬼啊嘛!不如直接叫大佬Miu搞掂佢啦!!
-唔好吖!其实...其实佢都衰唔晒噶!..........
我将邢均惟师兄讲嘅有关余颖嘅嘢讲咗比啊细知（不过其他就冇讲到)
-喔~~~~~~得啦!有邢均惟做证!一于讲比Azo知係佢玩嘢啦!
-喂!唔好啦,话晒都係关于人地D家事,妳想唱通街咩!
-哇~~~~~`秦诗甜!妳几时变得咁仁慈吖~~跟得你个Azo师兄多吖妳!
-哎!总之妳就唔好乱UP嘢啦!!!

-----------------------------
不过,奈奈同啊细日日见住我咁坐係张床度,学又唔翻,做咩都冇心机咁,边度忍倒口吖
一日夜晚
噔 噔 噔 噔 （信息)
（奈奈:诗甜,SORRY吖,我同啊细岩先揾Azo讲清楚喇!原来余颖真係同佢乱UP也四吖!佢唔知妳为佢界自己架!我地咩都同佢讲晒喇!佢话佢E+上离搵妳啊!妳快D执到间屋靓一靓啦!~~~~~~呵呵~~不过妳一定一定唔好怪我地吖!!!)

妳地两只S婆~~~~~~~~咩叫"咩,都,同,佢,讲,晒"吖~~~~!!?
死啦死啦~~~~点解咁噶我,明明好想见佢,E+知佢要上离点解会咁惊!个心跳到就离弹出离咁!
唔得!!
-------------------
都唔知咩事,换咗套衫就行咗落街,行到好快好快,好惊比佢撞倒
一谂起佢曾经咁样望我嘅眼神,谂起佢唔信我嘅表情,我就觉得好心痛
甚至有D恨佢...

行吓行吓,去到我平时成日去嗰间DISCO楼下,我企咗係度
听住嗰D好震撼嘅BONG BONG声,又望吓楼上闪吓闪吓嘅灯光,先至醒起自己原来为咗一个人,已经好耐冇离过哩D地方
哩个时候,我双脚好似比人操纵住咁,好自然咁行咗入去
见到係闪到有D眩目嘅灯光下,个个都忘晒情咁跳舞,饮酒
我係度谂,自己郁得咁辛苦做咩呢...
-靓女,请妳饮杯嘢呢?
好耐冇听过哩句话喇
我接过杯,一饮而尽
冇几耐,就觉得个身好似好轻好浮咁,个脑有D涨涨地嘅感觉
不过过咗一阵,就情不自禁咁係度FING头
杯嘢有料到!!我比人落咗摇摇
虽然自己意识到哩样嘢,不过发觉根本唔可以控制倒自己,成个身轻飘飘咁,个脑一D嘢都谂唔倒
怪唔知咁多人一唔开心就HI嘢,原来真係咩烦恼都冇晒嘅
不过....我E+係比人落药,睇住岩先比杯嘢我饮嗰条柚係个舞池度越跳越近,HI身HI世咁,
我仲发晒癫咁死FING烂FING,我真係一D都控制唔倒自己
死....!咁落去迟早都...

哩个时候,我只右手比一只好温暖嘅手拉住,係咁拉我出舞池
係边个吖?我好晕好晕,睇唔清,不过受过伤嘅右手就开始痛
-放手吖!好痛吖!
我几乎用尽全身嘅力气先FING得开嗰只手,但我个头仲係係度摇吓摇吓
-秦诗甜,妳跟我走吖!
哩把声---------係Azo!??
我一定发梗梦!!
但係我点会认错呢?哩把日日都想听倒嘅声,同哩个日日都想见到嘅身影...
不过,唔知点解,係佢面前我好想发烂乍,好想发脾气,等佢知道我有几嬲佢
嬲佢唔信我,唔揾我
-你走吖!!!我唔洗你理啊!!!
-妳睇吓妳自己E+似咩样!仲学人HI嘢!
-关你咩事喔!你走吖!你唔信我仲揾我做咩!!!

-喂!靓仔,人地叫你走吖!
岩先落我药嗰条柚走过离同Azo讲
然后又拉住我只手话
-靓女,我地过去嗰边饮过咯!
-唔!好吖~我地去~去饮过
我发现自己做梗D背叛梗个心嘅嘢
-（Azo）即刻放开你只手!
Azo又过离扯住我
-喂!你知唔知我係边个啊吓!!!咁**!!
嗰条柚又係度话.唉~~~~~~~出亲离玩D人个个都扮晒有料咁...

-Toxic哥
-Toxic哥,Toxic哥
围住晒我地几个嘅人群让开咗一条路,好多人好似好毕恭毕敬咁叫住一个似曾相识嘅名
-Toxic哥!
竟然连嗰个落药佬都转晒声气咁同嗰个Toxic打招呼
-Azo!好耐冇见!
嗰个Toxic识Azo嘅?
-係吖.今次麻烦你喇!
-你朋友吖?
Toxic望住药力仲未过嘅我.S喇~~~~~失礼死人!
Azo拖住我话
-係吖.
一听倒Azo咁讲,Toxic就啤咗落药佬一眼,然后落药佬就成只WO WO咁一路话唔好意思一路退后去
跟係Toxic后面嗰几个男就叫D人散开唔好围住晒.
Azo带咗我去一边,然后同Toxic讲咗几句,就行翻过离
-走啦!
-唔走!!!
-妳想点吖!
-想点都唔关你事!!!
讲完我又准备行过去舞池嗰边
Azo一扯扯翻我转头,一另过离,佢就用杯冰水兜头淋落离
-妳醒未吖?
Part16

别信孤单也可美妙
妳的伤势 时间可治疗
被我这么爱惜照料 瞳孔已动摇
其实妳早心软了
明日我会令妳 更觉重要
深感到人世 没太多缺少
妳会漫游幸福中老掉
下世纪 仍不退潮

条路已经够静,我地两个仲要粒声唔出咁行,行,行
行得好慢
Azo冇话我落D,又冇问我点解HI嘢
净係係我身边沉默不语咁行

翻到上我屋K
-妳饿唔饿吖?
-唔饿!
-睇妳吖!面青口唇白!整亲就唔好去玩啦!
-......
-睇吓只手.
-有咩咁好睇喔!!!
Azo唔哩我讲咩,捉住我只右手,拉高个袖（E+差唔多到冬天,所以着长袖衫）
佢见倒一条成"览"长嘅界痕,成个呆晒
然后好辛苦咁透咗啖气,话
-妳坐係度,我帮妳拿D药离敷!
但我就自己跑翻入房,坐係张床度发呕斗
Azo见我唔理佢,跟入离坐係床边张凳度,话
-妳係咪好嬲我吖?
-........
-对唔住吖,我知道晒喇!我唔应该咩都唔问就误会妳噶..
-........
-妳係咪唔舒服吖?
我都唔知,净係觉得成个头都好"兴",但係个身又发冷咁,觉得好冻好冻
Azo伸手过离放咗係我额头上一阵
-妳发烧吖,梗係岩先嗰杯冰水....唔得!我E+落去买药比妳
讲完,佢就好心急咁想行出门口
-啊哥!!
-做咩吖?
-你留係度陪我.
-但係......
-你可唔可以坐上离啊?

----------------
Azo坐咗係我隔离,张棉被Come住我地两个,佢知到我冻到个身不断咁震,就用双手围住我个身
我挨係佢心口度,虽然个身仲係好冻.不过可以感受倒佢嘅体温,我已经觉得好满足好满足
间房度不断咁播住Gareth Galtes嘅<TOO SERIOUS TOO SOON>

I wonder where you are
I wonder what you thinking of tonight
I wonder
maybe you"re alone
maybe you"ve been crying just like me
I wonder
.......
maybe you get scared
maybe I had nothing else to say
but love you

-妹,妳仲未答我吖,有冇嬲我吖?
-有,好嬲好嬲吖......以后唔比咁吖!
-妳以后都唔准咁样遭质自己吖!

係你身边,我有一种想喊嘅冲动
总会有一种莫名其妙嘅感动
我默默咁流泪
觉得你好似眯埋眼 双唇贴住我D头发咁
只係感觉倒 而唔敢抬高头望
因为好惊好惊 我一望哩一切就会消失

如果做妳个妹都可以永远咁样嘅话
我或者一早就应该满足
Part17
我还是相信直觉
受伤是一份学费 为了下一个机会
我想幸福滋味 沾着眼泪的咸味
因此才能对照
酿出其中的甘美

-（细)...ER...哩幅..应该係一个煎饼!
-（ME)有冇搞错吖!!!边忽似煎饼,梗唔係啦!!再睇!再睇!!
-（奈)HEY~~~~等我睇过~~?一睇就知係朵蓝色嘅花啦!
-（Baby仔)妳哋全部都错喇!照我睇...哩幅实係抽象画!!
-（ME)妖~~~~人哋画得好辛苦架!!乜真係咁差咩!咁都睇唔出我画乜!?
-（邢)睇吓先~~~~~唔...係咪个湖离噶?
-（ME)师兄~~~~~~`你实在太醒喇!不过都古错咗...正确D离讲应该係个海滩~~~哈哈!
-（细+奈+B)吓~~~~~~~~~~!!?
-（ME)好喇喔!!你哋自己D鉴赏能力差仲话我画得唔似!
-（B)好心妳啦!睇得出嗰D先叫有问题吖!连均惟师兄都睇唔出~
-（ME)>_<咩吖!师兄起码都古得差唔多啦!师兄你话喇!我画得好滑突咩!
-（邢)ER......
-（ME)55555~~~~~~~~~~
-（邢)其实离艺术节仲有两日时间,都可以重新画过嘅.
-（ME)你哋画晒都学咗几年啦~~我学咗一个月乍喔!画极都係咁噶啦!!
-（邢)哩幅画最大嘅问题就係冇立体感吖,好似个平面咁.其实个沙滩可以画大D,係岸边加D礁石,做D阴影同水花撞击嘅效果.其次嘅问题就係色彩变化,要.....仲有.......同埋......最后呢......基本上係咁多喇!!
-（ME)（晕...)咁咪姐係话成幅画都有问题...

死啦,如果拿去参选,人哋实眼尾都唔哨吓.
我都係唔好拿幅野去献丑喇!比Azo见倒盏笑死佢,都係揸紧时间连好D舞好过!
仲有两日乍~~~~~好紧张!好紧张....

-------------------------------------------

学校嘅艺术节係夜晚举行,大概六点钟倒,有唔少同学陆续翻到离学校
唔洗表演嘅就去礼堂嗰度行吓.礼堂挂满咗入围嘅优秀作品
每位入去礼堂嘅同学都可以係门口拿一张卡,然后选出自己觉得最正嘅画
将卡放入哩幅画下面挂住嘅透明箱度 以选出全场最令令嘅一幅
虽然我今次冇拿我嗰幅四不像嘅画去参选 不过都好有兴趣去及吓人哋D靓嘢
同埋撑吓啊哥

BUT BUT BUT E+真係好忙吖!我哋跳<make my day>嗰七个男仔同埋我,五点几就翻到离係邢均惟嗰个课室（即係Azo嗰个)度排练
因为师兄话唔想我哋只舞係演出之前比人哋睇倒,如果唔係就冇惊喜同新鲜感噶喇
我哋搬开晒课室里面嘅台凳,关住门,拉埋窗帘咁排练
係咁跳完一次又一次,跳到身水身汗
其实我哋已经练到熟晒,可能因为就到表演,个个都好紧张,搞到有D复杂嘅哋方就成日有人跳错

-（邢)好啦!休息一阵先!等阵夹多两三次就去舞台走位啦!
-（Eric-跳舞师兄之一)听讲到时个晚会会选出五个最掂嘅节目喔,你古我哋有冇份啊拿?
-（Baby仔)掂硬都得喇!只舞我哋摆咗咁多心机落去,仲要难度咁高喔!
-（Eric)但係我收倒风,有四五个节目都係跳舞喔..不过流行舞就得我哋同专三嗰班女姐
-（B)嗰班嘢吖?日日中午开到部机大大声咁练.惊S人哋唔知佢哋识跳咁!仲有佢哋D衫吖~~~~~~好似跳夜场咁!
-（E）哈哈~人哋搏仔沟姐!喂~讲落我哋D衫真係好鬼掂喔!衬到只舞Dum一声~
-（B）D衫诗甜同均惟去天河城简架!佢哋Dtaste不嬲都好好噶啦!你都未见过诗甜平时出去玩嗰D衫吖,型到啊~~
-（ME）边有咁夸吖!!D衫只色係我简噶乍!D款全部都係师兄简架.

弒神天使 发表于 2005-10-6 18:26:02

讲真,我都好喜D衫吖
我哋D衫D色係粉红同黑为主,同首歌一样,刚柔并重
加上今期男仔兴粉色,夹埋仓木麻衣嘅超正<make my day>真係掂到晕吖~
我哋D衫係邢均惟带我去天河城一间佢成日帮衬嘅铺度简嘅
个个都唔同款,不过主色就一样
我嗰套呢~玩晒Mix&Match,上身就係Under cover,睇上去有D复杂,不过好Sharp
下身係好简单嘅桃红色百折短裙仔,衬埋对黑BOOT同粉黑间嘅膝箍,有D Q得离又型嘅感觉
而其他师兄嘅型衫加上D饰物吖,帽吖咁,都好Perfect

-（E）我觉得E+最大嘅劲敌就係跳古典舞嗰D人吖!你知我哋E D艺术学校,点都中意D有艺术气息嘅嘢噶啦!我哋E D流行舞喇喔...
-（邢）我哋只舞又唔係普通嘅流行舞,係街舞同霹雳舞,Jazz结合架!难度咁高,净係诗甜SOLO嗰Part都赢佢九条街啦!
哇~~原来佢摆咗咁多希望係我身上...
讲起我SOLO嗰PART,我惊惊哋架..咁大个囡都未试过跳D咁难嘅动作
所谓嘅SOLO,即係一个人跳咯!
话说我哋排晒只舞之后,均惟师兄仲嫌难度唔够,就稳佢专业搞音乐嘅朋友,重新帮首歌混音,加快节奏
仲加咗一Part斋Band鼓嘅过奏落去比我Solo
而嗰段成两分钟嘅过奏一到,师兄佢哋就好似木偶咁定晒係度
我就要一个人係度跳
嗰Part舞的确编得好正好型,不过到E+我都仲未有把握可以十足十咁跳晒出离
因为D复杂同高难度动作太多喇,之前师兄见我整亲只手叫我唔好练嘅原因就係咁,惊我应付唔离

Kok koK kok
E~有人敲门喔!D同学应该係晒一楼彩或者睇画噶喔,点解仲有人上离课室嘅
-（邢）边个啊~~~~~~?
-我咯!开门啦!
-Azo?你翻上离做咩吖?
-我要拿嘢吖!你开门比我入去先啦!
-唔得我哋係度秘密练兵吖~~~~点可以比你睇到架!!
-哎~晕吖~~~~（係门外嘅啊哥好无奈咁嗌）咁你帮我係我柜桶拿支嗻哩水同发泥比我啦!
邢均惟係门嚹度摄咗D嘢比佢
啊哥又好无奈咁係门外嗌
-真係服得你交关!咁紧张都有!祝你哋演出成功啦!
-大家咁话!
照咁讲,姐係啊哥都会表演啦!仲专登上离拿嘢扮靓添~
之前都冇听佢讲过话表演D咩嘅...
Part18
我想我还要继续学习
悲伤的时候不闭上眼睛
趁眼泪还未形成前 就蒸发到空气里
我想我还要继续努力
听完了情歌可以不决堤
那些蠢蠢欲动爱的回忆
会让思念都哭泣

舞台係係室外嘅中心广场搭嘅.今年搭得特别高,特别靓,仲搞倒成个T型台咁
D彩灯闪闪吓,仲有一几盏银灯可以做到闪电咁嘅效果
一眼望落去,千几张凳係台吓拍到齐一齐,都咪话唔壮观
完全可以想象倒台下坐满人,千几对眼注视住你嗰种压迫感
谂到E度变得好紧张添>_<~~~~~~~~

哎~~~~~终于比我见识倒专三嗰班师姐,果然好"索"啊吓....D衫!
E+11月初,天气都开始凉啦!佢哋着晒TOP咁唔冻架咩!十几个女个个披头散发
跳嘅舞有D怪怪哋咁,有D似disco,又有D似Parapara
点解咁耐架!唔止我哋哩team人等上台走位,其他人都排住队等梗,仲开始有D唔耐翻
但佢哋似乎仲好enjoy企係台上咁
-快鬼D啦!阻住哋球转!!
直到后面唔知边个嗌咗一句
师姐门终于支支喳喳咁行落离,到我哋上去
正係我哋两team人擦身而过嘅时候,我FEEL倒有火花!!
嗰班师姐好似当正我哋係敌人咁
-（师姐A)喂!佢哋好似又跳舞喔!!
-（师姐B)係咯!!E~~!嗰个咪邢均惟?听讲劲人离噶喔!
-（A)车~!佢掂姐!恐怕有人唔掂喔...
-（B)咪係!（啤一啤我)一个女仔跟住成榨师兄!都唔知有冇料嘅!

哎~都预咗佢哋会咁谂!通常见倒D师妹同师兄咁friend都会嫉妒噶啦~~~~呵呵~唔抵得咩!
有冇料一阵咪知咯!

-----------------------------------------------

到咗七点半,个天黑晒,凉风习习,晚会终于开始!
舞台灯光闪烁,周围坐满晒好期待嘅同学

我哋换好衫坐係后台准备梗
但係我哋抽签抽倒最后嗰个出场吖!咁咪有排等!而且D同学会唔会睇到最后,攰晒就冇心机睇我哋个节目噶
唔係喔~~换个角度睇~我哋做压轴吖~跳得好嘅话可以将成个晚会推向高潮噶喔~!好耶~~
係后台等到唔耐烦,我就走出去及咗一阵
净係睇倒D小品,朗诵,合唱嘅表演,闷ING...
又翻入后台坐......

到晚会举行到一半嘅时候,突然间听倒外面嘅同学拍晒手好开心咁!连后台都听倒佢哋嘅喝彩声
邢均惟跑翻入后台,索晒气咁话
-快D出离睇啦~~~~~~~~~~`到Azo佢哋出场喇!!!

哇~~~~~~~~~~~~好耶吖~!!Azo果然有表演!唔知係咩节目呢~~~~!?好心急好心急!!
我琴琴青咁冲咗出观众席嘅一个角落度

哇~~~~~哇~哇~~~~~~~~型吖~型吖~~~~~~~
原来係fashion show吖~!!
D师姐师兄个个都好高吖!佢哋一路行cat-walk,个T型台一路播住细细声嘅净音乐,隔离仲有一把好甜嘅声介绍梗个花生骚
原来D衫係佢哋自己整噶~~~~~好特别好犀利吖!!

-（邢)E~係Celia喔!
台上面有一个好高短头发嘅女仔行梗出离,着住件紧身粉黄色露膊衫同一条不规则边嘅超短裙
好鬼索吖~~~~!!!
佢D肤色有D古铜色,瘦到好有骨感,行起离又有自己style
-（ME)哇~~~~~哩个师姐好靓好PRO吖~!边个离噶?
-（邢)Celia係我哋级花离噶!梗係PRO啦~~佢係专业model离家嘛,同Azo一间公司嘅!
-吓~吓~~~!?咁讲姐係话Azo都係...
-吖~~~!Azo出离喇!

哇哇~~~~~~~~嗰个真係我吖哥吖!!?好难相信佢係平时嘅Azo啊!
佢着咗件黑色嘅恤衫,两个袖好随意咁"掖"到手争嘅位置.
领口至到心口嗰几粒钮都冇扣,条颈搭住一条打得好松好松嘅灰色领肽,下身係一条DIY过嘅牛仔裤
裤脚同膝头高D嘅位置cut到烂绒绒咁,好洒好Man吖~~~~~都未见过咁男人嘅啊哥嘅
仲有仲有,佢带咗副银色超,D表情cool到结冰咁,睇到台吓D女仔晕得一阵阵（当然唔包括我......就奇啦!)

-（邢)Azo从初三开始就做兼职model喇.佢好细个嗰阵,啊爸啊妈就唔係度.E+佢D学费同生活费都係靠佢做兼职攒翻离噶!好在只衰仔生得高,行cat-walk够型够格,所以成日都有job接
啊哥好叻吖...咁细个就自己攒钱养自己,但我仲係靠老豆老母寄钱比我洗,净係识玩,真係废...
相比起啊哥,我好幼稚吖...

次次一到Celia师姐出场,D男仔就瞪到眼都碌落离咁款,一到Azo呢~就轮到D女仔E哇鬼叫
到最后就震撼咯~~~~~~因为Azo同Celia一齐出离
仲一齐着住白色毛毛衫,成对angel咁,仲......拖住手.....添..

点解我个心会突然咁难受,见倒啊哥同第二个女仔係台上拖住手,听倒人哋话佢哋好衬
就会觉得心里面有D酸酸哋嘅感觉
我想啊哥永远都只係属于我一个
但係冇可能噶,我只係佢个妹,只係啊妹咁简单
点可以咁谂噶呢

-------------------------------------------
翻到后台,我有D麻木咁拿出盒粉底开始化妆,係咁S拍S拍D粉上去,但係个心仲谂梗岩先嗰一幕
-（Baby仔)哇~~~诗甜!E+叫妳拍鬼片吖!查到白嗮嗮
我又拿只唇膏出离查
-（Baby仔)Azo师兄~~~~~~~~~~~哇吓~岩先好cool吖~~~~
Azo入咗后台!!
我一谂嘢~一时紧张,支唇膏一岔岔开咗,係个嘴度画花咗~
-（B)哈哈哈哈~~~~~~~~~诗甜妳有咩问题吖!扮完鬼又扮小丑!
我拿拿声拿张纸巾死抹烂抹
Azo行咗过离
-妹~~~~一阵到妳喇喔!
-係吖!不过实冇你咁威噶喇!!!哼!
哩D係咪叫瞌醋,我无端端又发啊哥脾气
-我帮妳化妆啦.
-你边识吖!!?
-做model嗰时睇过吓人哋化咯,妳信唔信得过啊哥先?

-------------------------
e+嘅感觉,就好似Azo係我面上画画咁,
唔同嘅,就係唔係揸画笔,而係眉笔,眼线笔同眼影扫
但係啊哥嘅表情就好似佢画画嗰时咁,好专注,仿佛其它嘢都唔存在咁
佢快面离我好近好近,连佢呼出离嘅气都感受倒,
双眼都好近好近,佢眨眼嘅时候,我可以见到佢嘅睫影
啊哥嗰对艺术家嘅手,好修长好清秀,E+就轻轻咁贴住我块面好细心咁画啊画
原来做啊哥嘅画纸係咁嘅感觉嘅

-对眼向上望吖!唔好郁喔,我嚓睫毛液噶喇!
第一次比男仔帮我化妆,搞到块面"兴合合",唔知E+捧住我半边面嘅啊哥feel唔feel倒呢
只係知道佢好认真,好认真
最后嚓埋唇膏就搞掂
-（ME)淡淡哋好喇!!唔好嚓咁浓吖!
点知我一讲嘢,一郁搞到佢手上嘅唇扫跌咗落哋吓.
-（ME)吖!死喇......
-（Azo)算啦.
讲完,佢用只中指帮我扫淡嘴唇上嘅颜色......佢掂梗我个嘴吖~~~~~~点算点算
我会唔会未上台就心跳到晕咗架
啊哥真係好温柔吖~~~~~~~~佢嘅中指好细力咁係我唇上滑过
我定晒咁望住佢,望住佢棕色头发间嘅双眼
佢眼中嘅温柔同专注係哩一刻只係属于我一个
佢嚓完嘅时候,见倒我望住佢,佢又定晒咁望住我,
两对眼好近好近咁对视咗几秒,然后佢有D尴尬咁笑一笑话
-...er...OK喇!
-嗯嗯~~~唔该啊哥.....咁...我都係时候上台喇
-...哦..嗯...
气氛从一般尴尬上升到非一般尴尬
-咁...我走喇.
-哦哦....吖!!妹~
-加油吖!啊哥撑妳!!
-n_n!嗯!

------------------------
上到台...唔掂吖~~~~~~我咁大个囡从来都未试过係台上对住咁多人噶!
皆因以前无论咩比赛咩表演一律冇我E D坏学生份嘅
E+脚震震,头晕晕咁,我会唔会企唔揾跌落台架~~~~~!?
我见倒嗰班专三师姐吖,佢哋翘住手好得戚咁,好似等住睇我出丑咁!
NO NO!!唔衰得噶!我见倒奈奈吖~~~~~~~~~仲有啊细吖~~~~~~~佢哋对住我做咗个YEAH嘅手势,仲笑到四万咁口
好感动吖~~~~~~~~~~仲有我哋班好多人都嗌梗我个名吖
因为我代表我哋班,去同其他班嘅师兄一齐出一个节目噶,连平时好恶S嘅MISS都对住我笑吖
咁啊哥呢?啊哥呢~~~~~~??

音乐开始喇!集中精神跳好D先!
唔得吖~~~~~~~见唔倒啊哥我根本集中唔倒精神!脑里面一片混乱,仲开始有D跟唔上!
点办吖!!!咁样落去,辛苦练咗咁多日嘅舞就比我搞祸晒噶喇!
死啦~~~~~~~踩错节拍~,呼~~~~~~好彩仲兜得翻!!
连均惟师兄都睇得出我好紧张,係后面细细声咁同我讲咗佢
-诗甜,唔洗惊架,好似平时咁跳啦
我都好想吖~~~~~BUT BUT BUT~~~~~~~
离Solo嗰段仲有几秒钟乍!咁样落去我一定跳唔好嗰part架!

吖~~~~~~~~係啊哥吖~~~~~~~~~~~原来佢一直企係最后望住我架!!
虽然好远,但係我都见倒佢做口形同我讲"加 油"
个心即时定咗好多,D信心唔知几时翻晒离

Solo嗰度跳得好成功吖~~~~~每咗一个难D嘅动作台下嘅同学都拍晒手咁
到最后我哋一齐跳嘅时候,全场嘅气氛都好high,仲有好多人企咗起身一路睇一路喝彩

当然最后嘅精彩节目头五名我第有份啦~啊哥个fashion show亦都走唔甩
嗰晚我哋一齐去唱K庆祝嘅时候,啊哥仲话古唔到跳舞咁叻叻,咔咔~~~~~~仲赞我型吖
呵呵呵呵~~~~~~~
Part19
你那边是个晴天
应该会比过去快乐些
我心里还是雨天
等待某个人给我好心指点
明天会不会晴天
我会不会潇洒一点
明天会不会晴天
快乐离我远不远

今日,下午放学嘅时候,均惟师兄话係学校后花园等我
心情好,所以一放学就轧轧跳咁走咗过去
我见倒均惟师兄有D唔妥咁,虽然D行为冇咩异样,但係佢望我嘅眼神好似有D...暧昧咁
-师兄,妳揾我咩事吖?
-沟妳咯!!
-....呵呵~~~~~~哩个玩笑开得多冇人信噶喇!
平时我哋讲玩笑嗰时佢都会沟沟声咁
-同妳开玩笑洗唔洗专程叫妳离哩边吖!
-吓~~~~姐係....
-今次讲真架!做我条女啦!
听倒哩句话,我有种好奇怪嘅感觉,就好似几个月离嘅友谊係哩一刻变咗质咁
-不过我......我又唔係咩乖女,师兄你其实可以揾过D......
发觉自己讲梗D好凉嘅嘢
-我又唔係要咩乖女!中意妳就中意妳噶啦!
-多谢你嘅心意先吖,不过......
-点解吖?妳有中意嘅人喇?边个吖!?
-吓...Er..冇,冇吖
-咁点解唔同我一齐吖!我好似...对你冇咩FEEL咯....
-妳再考虑吓先啦,一个星期后比答复我!
-师兄~~~~喂~~~~
哎~~~~~~~~好似搞到佢有D唔开心咁...夹硬叫人考虑一个星期,自己就走咗
点解咁突然架!我都唔知原来佢咩咩我嘅.
点办!会唔会我拒绝咗佢之后连朋友都冇得做...
哎~~~~~~~~烦S人喇!无端端整单咁嘅嘢
-------------
发条信息比啊哥睇佢走咗未先!
（诗甜:哥~你走咗未吖?）
（Azo:仲係课室吖!就走噶喇!）
（诗甜:我去你课室揾你吖!）
（Azo:怕咗妳!快D啦!）

----------------
-E~你哋班D人走晒喇喔!你未走嘅!?
-边度走晒!均惟个书包仲係度!可能一阵翻离噶喇!
-哇~啊哥!你快D执嘢啦!我哋一齐走啦!快D快D!
-妳神神化化咁嘅!
我暂时仲未谂住同佢讲岩先嗰件事

终于离开咗栋教学楼,总算脱离危险区!呼~~~~~~~~
-妹吖,妳E+同余颖D关係点吖?
-做乜无端端提佢喔!
-妳仲嬲人吖?
-唔啦~不过对佢冇咩好感姐!
-冇咁啦!其实佢个人都唔坏嘅,上次嗰件事佢都冇同学校讲啦!
-讲起上次!我都想问係咪你叫佢唔好爆我大锅啊!
-哩D是但啦...总之人哋都算帮咗妳一次啦!
-车~就算我唔嬲又点姐!我哋班D人都唔中意佢嘅!
-哩层我都知,不过如果唔係佢屋K有问题,佢都唔会搞成咁啦...
-哼!你係佢啊哥定我啊哥吖!咁紧佢做乜!
-哎~我E+都唔理噶喇,前几日打咗个电话比佢家姐叫佢离理咯
-佢家姐?余莹吖?
-嗯......
-你仲有同佢联络噶咩?
-......
讲到E度,啊哥又有D开始变沉默喇,为咗打破僵局,我就笑住话
-唔~~~~~~~今日天气有D冻添!我哋去学校门口间小食店度督鱼旦咯!
-好吖!我请吖!

------------------------

-唔~~~~~~岩先D鱼旦热辣辣~好好味吖~不过饮咗杯沙冰搞倒E+冻冰冰咁....>_<
-话咗妳啦!咁凉天仲饮冻嘢!
-我中意吖~吹咩吹咩~~~~~~~呵呵~
得闲无事,我就最中意讲D嘢离激吓啊哥,睇吓佢无晒我乎嘅样
-我比妳吹胀就真啦!除件衫比妳着啦!衰妹!!
啊哥除咗嗰件好大嘅外套比我着,件衫着係我身上好阔吓~不过仲带住佢嘅体温,好warm
-嘻嘻~~~~~~~个袖长到扮鬼都仲得
我抬头望吓啊哥,见倒佢用一种我从未见过嘅神情望住前边

前边,有一架颇为豪华嘅黑色房车
係部车度有一个好娇小玲珑嘅女仔落咗离
虽然佢着咗对尖头鞋,都係显得好细粒.一米五八左右
但D打扮就好成熟,睇上去有二十一二岁
而且望真D,佢D五官都算精致,成个人望上去有种弱不禁风,不过就好优雅嘅感觉
係D男人好想保护嗰类型

-祖凝!
嗰个女竟然识得啊哥嘅!!?
-...啊莹,妳嚟咗喇?
Part20
忘了怎么来 也要记得怎去走
能忘记为何哭 便能张得开笑口
明日开始 心跳汗流
仍然像招呼好朋友
无论多尴尬也能够和平分手
宁愿单手拥抱你
和平散开
不舍得诅咒便喝彩
祝他人与你会有个什么未来
仍难及这种友爱

佢就係余莹!?
同我想象中Azo会中意嘅女仔唔同...
我想象中嘅係好似Celia师姐咁,有翻咁上吓高
而且无论身材同样貌都好出众
可能我以为Azo要求高啦
讲真嗰句,余莹冇我谂得咁省镜
E+先知原来Azo中意嘅只係好平凡嘅女仔
佢有一头黑色嘅中发,块面好细----典型嘅巴掌面,个样望落去都几顺眼
佢着住净色嘅啡色连衣中裙,白色尖头高踭鞋
成个人望上去比人娇滴滴嘅感觉

余莹同身后嘅黑色房车嘅司机讲咗声,部车就开走咗
照计佢条仔出离行,部车应该係佢条仔嘅
佢行咗过离,对住我微微一笑,然后同Azo讲
-啊颖係学校入面吖?
-嗯.我带妳入去啦.
-今次真係唔该晒啊.我哩个做家姐嘅真係......
-唔好咁讲啦~佢知道妳离接佢实好开心.
-嗯!麻烦晒喇!

佢地好似准备行入学校,不过就遗忘咗企係隔离嘅我
-啊哥...
我扯一扯Azo衫尾,望住佢,好似係度问梗"咁我点吖?"咁样
-我带人入去做D嘢吖!妳翻去先啦!
-我又要去!!唔知点解我冲口而出弹咗句好细路仔嘅话出离
-妳听话啦!夜D我再比电话妳.
-点解我唔去得喔?
企係隔离嘅余莹有D唔好意思咁望住我地
-（莹）...er...祖凝吖,不如你同我讲啊颖边个班,我自己揾啦
-（Azo）得喇~我带妳去啦!
Azo望一望仲係好硬颈嘅我,就转身同余莹入咗去学校
佢竟然就咁头都唔回就走咗,反而余莹就有D唔好意思咁另后离望一望我

咁大个囡第一次比人dum低係条街度,真係好鱼好冇面
我都唔想夹硬痴住Azo,佢做咩我都要理,仲要咁唔要面係要跟埋去
从来都未见过咁样嘅我,一个越离越唔似自己嘅我
然而,令我最伤心嘅係Azo为咗余莹先会咁做
曾经以为,哩几个月离我地经历过嘅一D嘢,同埋佢嘅一句"啊妹"会令我係佢心里面有一D位置
但係佢望住余莹嘅眼神,渐渐离我而去嘅背影话比我知,
哩D一切一切,对于佢曾经深爱过嘅人离讲,都只係好渺小...
Part21

一起出走感觉多好
但天黑黑哪里也去不到
拥抱可这样暖 你使我领会到
这一对流浪汉 被忘掉也好
飞天更加好
像飞鹰飞到最远的古堡
我不想记大个 也不要变大个
我躲进幻角全日拍拖
难道竟是错

跟住,我冇翻到屋K,直接去咗大佬Miu间bar度
-诗甜,咁好离探大佬吖!
-哇~~~~~~~~~冇离一排,旺咗好多喔!爆晒棚咁!
-饮D咩吖?随便叫啦!
-百利甜加苏打水啦~
-睇妳~~~~一放学就饮酒!
-有乜所谓喔!度数咁低~~哩段时间日日唔係饮水就饮果汁,饮到寡晒!係呢~~~听baby仔讲话你唔止做老细,仲学埋调酒喔~
-哎~~~~~见冇嘢做咪咩都学吓咯!
-大佬,我真係好鬼服你架!话收就收,E+打理吓酒bar,清清闲闲咁几好吖!
-哈~~~~~讲真E+係开心咗好多,唔洗理埋晒D无谓嘢.过翻D正常D嘅生活.
大佬Miu好感慨咁讲完,索咗啖烟,吐出白色嘅雾,然后消散係酒bar迷离嘅空气中.
我希望佢真係揾倒真正宁静嘅生活啦.同时我都明白到,一个出离行咗十几年嘅人,想修心养性,不问世事真係好难
好可能大佬係经营哩间bar嘅时候,已经遇过好多以前有过节嘅人上离踩场
不过佢唔想我地担心,至唔同我地讲姐
-大佬吖,其实呢..E+你唔理事啦,如果我有D嘢想问嘅话...你会唔会答我架?
-都知妳个S妹丁冇咁好死噶喇!想问D咩吖?
-嘻嘻~~~~~~~~大佬你识唔识Toxic吖?
-咪住!妳唔係惹倒Toxic啊嘛?
大佬有D紧张咁问
-你同我定啦!我E+好少惹事噶喇!只不过想问吓佢D嘢姐.
-Toxic咪係XX嗰十五个堂嘅堂主咯.E+嗰一带佢坐大,D0靓多到澳门,泰国都有....
-大佬....其实我唔係想知E D嘢吖!姐係咁嘅,我见佢好似好撑我个F咁,但我个F又唔出离玩噶喔,冇理由会识Toxic架,你知唔知哩几年佢有冇落令要保D咩人咁吖?
-（沉思中...)照计Toxic撑嘅人都係帮佢出声入死嘅兄弟离噶喔......哦!!我记得喇!!应该係十几年前,Toxic嗰时先二十岁,岩岩係黑场有多少人识.有次佢得罪咗东区D人,就走咗去澳门避风头.过咗半年个势定咗D之后,佢揾人接佢老婆过澳门.点知原来有人係只船度做手脚想整沉佢.当时船上只有一部救生艇.有一对夫妇见倒Toxic个老婆大咗肚就将个位让比佢坐先,仲交咗自己四五岁大嘅仔比佢照顾住先.后离嗰部艇赶唔切翻转头救人,嗰对夫妇沉船死咗.后离Toxic就係黑道落令,或以后哩个0靓仔佢撑,边个搞佢就姐係同佢过唔去,不过唔知当年嗰个0靓仔係咪妳个F.

Azo曾经讲过佢四岁嗰年啊爸啊妈就沉船过咗身,原来佢地救咗Toxic嘅老婆同未出世嘅BB.
怪唔知Toxic咁撑Azo啦...
-仲有呢~~~~大佬有冇听过有个女叫余莹嘅,同咗个男出离行架,你知唔知个男.......
噔.噔.噔...噔..（手机响)
-我有电话入!等阵先!.....喂?啊细吖?揾我咩事吖?....细??....撞鬼妳咩,讲大声D啦!...吓!!?唔係啊嘛!咁大件事?妳E+係边吖?....好啦!我即刻过离!!!
-（Miu)咩事吖?
-啊细嗰边有D麻烦,我E+过去睇吓!
-我同妳去啦!!
-唔洗喇!你唔好再理翻D捞搞嘢喇.我搞得掂噶!!
-咁我揾人车妳去啦!
-唔!!咁我行喇~~~~~~~~啊!大佬,借包烟离洗吓先!!

---------------------------------------
啊细E+比一个叫Sucy嘅女捉住咗吖!嗰个女就係我上次係Disco帮啊细界嗰个男以前条女离噶!
啊细同咗嗰个男之后,Sucy想食回头草,去揾翻个男!点知个男就话咗自己同啊细D嘢比佢知!岂有此理!嗰个咁嘅人渣!!有冇理到啊细嘅安全架!
而Sucy又问嗰个男D F,咁岩问正嗰晚同我有过节嗰几个女,嗰几个女仲唔将我点界佢以前条仔嘅嘢讲晒比佢知咩!!
今晚啊细係KTV嘅时候,比几个女带咗去揾Sucy,点知啊细D脾气同我一样咁火,讲唔够两句,佢就郁手,点知佢一个比九个女Gum住离打!
E+Sucy指定要我一个人过去,佢先肯收手.
我E+最担心嘅就係啊细究竟伤成点,同埋......如果我再去打交嘅,Azo一定会好唔中意噶...
不过!朋友有事我冇可能唔理噶!
都係救咗啊细先算数.

离到一个好陌生嘅地方,因为哩度根本係佢地地头,E+夜妈妈,咩都睇唔倒,只係知道E个係一个弃置咗嘅篮球场
啊细比两个女gum住,企係最前面嗰个应该就係Sucy,金毛铃一个...-_-
嗰个女用对好妖嘅眼打量住我
-妳就係evil Sea啊嘛?界我条仔嗰个啊~
唔係挂~~~~~~~~~哩个名係初二岩岩出离玩嘅时候D人帮我改噶喔!几年都冇人叫过,佢点知架!!
-唔洗咁比面喔,个名铺咗尘好耐!!
-睇妳都算有义气,一个人离都够胆死!!
佢冷笑咗一声.我不屑咁望咗佢一眼,索咗啖烟,望住D雾飘吓飘吓咁.
其实平时我係唔食烟噶!不过哩D时候担住支烟通常都可以免去D不必要嘅麻烦.特别係有D人见倒女仔食烟就觉得哩D人唔好虾.
-喂!!sucy姐同妳讲梗嘢吖!妳聋架!
唔知边条0靓妹好串咁鄂高头一路用手指督住我膊头一路大大声咁讲
最憎人手指督督噶喇!!
-手痕啊妳!!?
我一手扯佢只手过离,一支烟瘌落去
-啊~~~~~~~~~~~!!!!痴线架妳!
嗰个女即时大嗌
-Sucy姐啊哇~妳D0靓点出离NO架!?郁D就鬼实咁嘈.
-妳唔好唔记得妳个F係哩边吖!
佢扯住啊细D头发讲.啊细嘅眼角鱼咗一大挞,只手又损晒
我望真D,佢同我打咗个眼色,意思係叫我郁手先.
我一步步行过去,睇得出Sucy猜度梗我下一部想做咩,但佢仲扮到好镇定咁
一行到过去,我就即刻扯开佢打起上离,咁样啊细对付D"失豆窿"都易好多
通常D人觉得女仔打交好肉酸,讲梗嘅实係Sucy哩种,阴阴湿湿咁.带住只有勾嘅戒指係咁刮
虽然佢应咗我几拳,不过冇几耐我就比佢嗰只铁勾搞到嘴角,额头同手都损晒
仲有我上次自己用铁钉界过嘅右手臂比佢一撞即时痛到拿命
不过我仲係强忍住冇嗌到出离
我地两个对佢地九个唔係办法,加上啊细又受咗伤,我又比只癫婆挂到损晒,咁落去迟早比佢玩残
E+仲有几个唔够打走去拿架撑离
我一脚扫落准备用铁通欧我嘅嗰个嘢度,跟手抢埋支通,
用埋最后嘅力过去扶起啊细,飞咗支通落Sucy只脚度,趁佢未起得身之前拉住啊细博晒命咁跑!!

----------------------------------------------------
-诗,诗甜,我唔得喇...停一阵先啦!
-妳冇嘢啊嘛?佢地应该追唔倒离哩度噶喇!我扶妳过嗰边坐低先啦!
-诗甜,Sorry吖!拖埋妳落水...
-傻啦!我地不嬲都唔计哩D嘢噶啦!睇妳只手损晒喇~阴公~~~~~
讲吓讲吓,啊细就喊咗起身
-做咩吖?係咪好痛吖?唔好喊啦...
-唔係啊...我係觉得自己好蠢,明知身边有人对自己咁好唔识得珍惜,出去识埋晒D唔三唔四嘅男....
啊细讲嘅身边嗰个好男仔係baby仔吖.
我地成班一齐玩嘅人都知道Baby仔对啊细係点.
不过啊细一直话当佢兄弟,所以一路逃避.佢地两个甚至係对方面前乱咁识人.可能係互相激梗大家挂
人通常都要係自己最落魄嘅时候先会谂起对自己最好嘅人

我都叹咗一口气挨住身后嘅石墙
哩度周围嘅黑猛猛同冷冰冰令我谂起Azo温暖嘅笑容
E+嘅我地一定係处于唔同嘅世界
我岩岩先同人打完交,成身伤痕累累,D衫都烂埋
而佢可能带完余莹去学校之后,又同佢做係某间coffee shop度天南地北咁倾计
我一次又一次咁望吓周围嘅黑暗同闻吓手上伤痕嘅血腥味
又谂吓Azo所处嘅嗰个充满希望嘅世界
我係生存係黑夜,而佢係生存係白昼

有人话两个唔同世界嘅人係埋一齐,彼此之间就多咗一个世界
如果真係咁就好喇,我可以拥有埋Azo嗰个光明嘅世界,但係,佢又会愿意进入我哩个只有斗争同颓废嘅世界咩?
係佢身边嘅时候,我觉得一切都变得好明朗,仿佛所有唔好嘅事都冇咩大不了
我嘅温纯同可爱嘅一面,只係属于佢一个,亦都只有佢可以延续咁嘅一面
然而面对住E+嘅自己,一个残忍同肮脏嘅自己,我点可以相信我嘅生命里都曾经有过白昼

魔鬼有咗爱,就变得特别脆弱
係面上不断滴落离嘅,已经分唔清係汗水,泪水,定係血.

弒神天使 发表于 2005-10-6 18:26:23

Part22
太美丽爱情 快乐有限
但下雨的天空中
仍然享受蔚蓝
让妳安躺在臂弯
让雨点完成夜晚
我未曾 期望快感变成习惯

凌晨三点几,我同啊细终于翻到屋K,嗰个山卡拉地方,我地揾路出翻去都行咗个几钟
翻到屋K,直程成个散晒,郁都郁唔倒
因为啊细伤得太犀利,唔敢翻屋K,惊比屋K人见倒,所以就离咗我屋K训
到第二朝我醒嘅时候,已经係上午11点几
我成朝冇翻学,唔知啊哥会唔会担心
不过谂真D,佢寻日都可以DUM低我唔理,我都唔会重要得去边
我冇嬲佢,反而有D发自己闷气

我冲咗个凉,洗埋头,好努力咁洗去D血迹---不过都係好明显见倒身上离度鱼一哒嗰度损一哒
啊细话今日唔会翻学,下昼去医院睇吓先,同埋哩两日要留係我屋K住住先,等D伤好翻D再算
我已经决定咗今日下昼要翻学,虽然知唔会受到咩好对待,不过都要帮啊细请个假
同埋......

---------------------------------------
-企係度!!!
我行梗翻课室嘅时候,听倒一把好严厉嘅声
-陈主任...
-妳成朝做咩离啊!妳冇以为我唔知妳旷课啊!仲有,同咩人打交闹事啊!搞成咁先翻学!!!
-主任,我想同专二（3)班叶小小（啊细)请一日假!讲完!係咁!!
-秦诗甜!妳E+连主任都唔放在眼内架啦!
-又咩啊主任...
-妳哩个假我唔批!!
-咩话!?点解啊?
-叶小小肯定同妳一样出去撩事斗非搞到唔翻学!总之我唔接受任何理由!佢今日无论如何扑都要扑翻离!!!如果唔係我就当佢自动退学!
-有冇搞错吖!妳有冇人性架!人地E+伤到鬼咁仲叫人翻离!!!
-秦诗甜同学!妳岩先话咩话!
-我话妳冇人性吖!妳要踢佢出学校咪踢埋我出去咯!
-妳古学校好稀罕妳地E D学生啊!?我E+比个机会妳!妳同我企係校祖石像隔离悔过!我未叫妳妳唔准离开!
-妳都唔係傻架~?叫我对住樽石像!妳以为妳地校祖好靓仔咩!
-妳以为我真係唔敢踢妳出学校咩!妳哩种学生出到去仲有学校收咩!?我E+比个机会妳!妳唔要咪怪我唔客气!
讲完,陈主任就翘住手嬲爆爆咁走咗!

要我企係度!?露天架!鬼咁大风,唔冻死都望住校祖呕死啦.
仲有最重要嘅係哩度对上去三楼,正正係Azo个课室.我先唔会咁蠢出丑至死吖!!!
我走!!!
噔.噔...噔.....
-喂?...哥啊?
-曳学生!!
-咩啊!!
-妳望上离!
我一望上去,原来Azo已经係佢地课室个窗度望住我,仲一路听手机一路扁嘴
-妳做咩整到周身伤晒吖?
-寻日啊细有事,我去咗帮手吖!不过唔係我撩人地打架!!!
-唔,我信妳.痛唔痛吖?我落离揾妳啊!
-唔好吖!好肉酸啊损到.而且陈主任罚我企,我谂住走喇!
-妳又试咁啦!
-最多咪比佢踢出校!!
-唔得吖!!!
-吓?
-妳以后仲想唔想同我一齐翻学放学吖?
-你都有余莹啦~车~
-唔好讲哩D住!妳应承我撑埋落去啦.我係上面陪妳
-点解喔!我都冇错!
-大个囡有好多嘢都要容忍架,妳连书都唔读,係咪唔想见啊哥吖?
--得喇!我企係咯!

--------------------------------
打咗钟之后,全个校园都静晒,得我一个人企係度食西北风
哇~~~~~~~~~好冻吖D风,吹埋D伤口度好似洒咗D盐落去咁,我觉得好似全身都就离撕裂咁
落咗课之后仲衰,D人落离小卖部买经过用D好异样嘅眼光望住我,仲Umm住嘴笑添
仲要比我见倒上次跳怪舞嗰班师姐
-（A)E~~~~~!?嗰个咪跳舞好"叻~~~~~~~"嗰个女仔!
-（B）係咯~~~~~~~比人罚企咁折堕吖!
-（A）哈哈~~~~妳睇吓佢快面,损到比鬼where咁喔~~~~~~
-（B）哎呀~~~~我地都係快D走喇!妳睇吓佢啤住我地几恶死!
-（A）费事比D不良学生打吖!

短短十分钟课间,我企係度,咩难听嘅说话都听倒晒.D人见我成身伤,又比人罚企仲会有咩好嘢讲吖!
上咗课冇几分钟,个天突然间黑沉沉,乌云翻滚,冇几耐一粒粒好重嘅雨点就越滴越密
直到淋到我成身湿晒,係十几度嘅空气中,冰冻嘅雨水浸住仲淌梗血嘅伤口
身体上嘅痛混住寒冷不断向我眼睛嘅位置涌,佢地好想化成泪水冲晒出离
我同自己讲:妳唔可以再喊,妳已经喊得太多喇!再喊个天都唔会怜悯妳噶喇!

仲係小学嘅时候,每日放学我都係眼甘甘望住D同学仔拖住爸爸妈妈嘅手好幸福咁翻屋企.
我冇,爸爸妈妈一早係吵交声中离我好远好远,冇一个肯照顾我
我冇,係我比人抢去冬天嘅外套嘅时候,冇啊哥,冇家姐帮我.再冻嘅冬天都係咁过.E+嘅冰冻又算得D咩...
到咗初一,照顾咗我六年嘅嬷嬤都过埋身,第一次明白係命运面前,所有人都係咁无助
眼泪,根本唔可以为不幸挽留一丝一毫
初二嘅时候,唔係得大家姐帮我,我一早就比学校嘅同学虾到体无完肤
所以,踏上哩条路都係我心甘情愿
就算比D女煎完一巴之后好大声咁闹我唔知丑
就算比阴暗嘅巷仔比十几个人打到几乎断气
经历完哩一切之后,令我明白到一样嘢,对敌人仁慈,下一个死嘅可能係你
之后,学识咗点样利用自己嘅拳头,学识咗用烟头瘌人,亦都学识咗无情
再难听嘅话我听过,出去玩嘅时候有,翻学嘅时候有,外表坚强嘅我点会比人睇得出自己心里面嘅介意
不过都好,听过哩D话之后,其他嘅攻击已经近乎麻木

然而,我只係一个女仔
我真係一个女仔咩?
如果唔係遇倒你,我可能已经忘记咗自己原来都係一个女仔
可能到E+仲未知咩叫笑,咩叫爱
咁大个人第一次比人关心,比人因为紧我而闹我,
比人撩嘅时候有人出头,病嘅时候有人揽住,无论几大嘅痛苦,只要你一个微笑我都可以通通忘记
就好似E+忍受住寒冷同疼痛,用几乎睁唔开嘅双眼望住你嘅嗰一方
谂住你曾经讲过嘅嘢,曾经为我做过嘅好少好琐碎嘅事
每一句"早晨",每一句"加油"
同埋嗰句令我又幸福又心痛嘅"啊 妹"
我心中阴暗嘅一面,你可能永远都唔会知道
我要我係你心入面永远都係开心嘅啊妹

AND...
希望你会慢慢明白
我嘅微笑,我嘅眼泪,我嘅任性,我嘅脾气
全部都因为你
因为一旦失去你
我会觉得失去咗全世界......
Part23
偌大嘅校园里面空无一人,净係听倒无情嘅大雨滴滴嗒嗒嘅声音
我觉得自己好似就离撑唔倒喇......
企咗几耐,淋咗几耐都已经唔记得
身上伤口嘅痛转化成麻痹

前面有个身影冒住雨冲梗过离
跑到离我面前成个怔住咗,瞪大只眼好吃惊咁望住我
係邢均惟...
佢双手扶住我膊头,好紧张咁话
-诗甜吖,妳做乜咁傻吖!!边个罚妳企架!!
-你...你走啦,你淋湿晒喇...
我用有气无力嘅声音讲.密密麻麻嘅雨点好快将邢均惟由头到脚都淋湿晒
-妳!?妳身上点解有咁多伤架!!?
一条条嘅伤痕比雨水浸到周围都红晒,已经分唔清係痛定係麻
-我带妳走!!唔好再企喇,妳顶唔顺架!!!
讲完,邢均惟就拉住我只手行.
-师兄吖...唔紧要架...我..我支持倒噶...再企多一阵就..就得噶喇.
佢仲係唔听,係咁拉住我行,我根本冇力松开佢嗰只揸得咁实嘅手

-诗甜!!!
係我地后面有一把熟悉嘅声音嗌
係Azo......
佢跑过离拉开邢均围
-（Azo)你做乜啊!!
-（邢)我话你做乜就真啊!你见唔倒佢就离顶唔顺架咩!!
-（Azo)佢肯为自己做过嘅嘢负责,我应该係隔离支持佢架!!你带佢走会累佢比人退学架!!!
-（邢)你点做佢啊哥架!!比自己个妹係度淋住雨企几个钟!佢女仔离噶乍!!
Azo听倒佢咁讲,皱住眉望一望我,然后好嬲自己咁咬咗下嘴唇
我知到其实啊哥都唔好过,佢只不过想我去面对自己做过嘅嘢,唔好好似以前咁做错嘢翻到学校咩都唔哩,读唔落去就退学
-（ME)唔好再讲喇....我,我会...会企落去
-（邢)诗甜啊!!
-（Azo)啊哥企係隔离陪妳...
Azo都係成身湿晒,发端不断滴住水.浅棕色嘅双眼比雨淋到几乎睁唔开
-（邢)你睇吓佢成身都震晒喇!!仲伤得咁紧要!仲企乜鬼吖!
Azo企係我身边淋住雨,冇出到声
係空旷嘅广场上,三个人变咗僵持,令本身冰冻嘅空气进一步降温,落魄嘅大雨依然飘洒住
咁样气氛维持咗冇几耐,一条闪电放出摄人嘅耀眼光芒
然后,我双脚一软,连最后一丝力气都消耗尽,成个身向下坠
Azo即刻另过离几乎係震惊咁叫咗我个名一声
而均惟已经快佢一步抱起咗我,好激气咁回头对住Azo"吼"咗一句
-你睇吓!!!!!

然后就抱住我跑咗出学校,佢个身向前倾,尽量挡住D雨
-诗甜,妳支持住啊!!我知妳好辛苦,不过一定要撑落去啊!!
佢一路跑一路讲
我望上去,朦朦胧胧咁见倒邢均惟嘅面颊不断有雨水滑过
佢嘅双眼同Azo唔同,黑而明亮,散发住锐气
比起Azo,个样好Baby face嘅邢均惟冇咁似师兄,反而好似我同年嘅朋友咁
但E+我发现原来佢都会有好成熟,比人好有安全感嘅一面
佢企係路边,似乎等梗的士咁,E+落咁大雨,多数的士都有人,佢好焦急咁望住一部部车开过
又望望我
-妳唔会有事架!!我E+带妳去医院!
-我唔去医院...唔去啊......
-咁样点得架!!妳成身都伤晒,仲谂咗咁耐雨,岩先争D晕低吖!!
-唔好去医院啦......
-咁......咁我送妳翻屋企
我中午嗰时比咗条短信baby仔,叫佢去我屋K睇吓啊细,E+佢地应该好好咁倾梗,如果我翻去,佢地一定会好紧张咁挂住理我噶喇.都係唔好阻住佢地
-我都唔想翻屋K...
-妳傻咗咩!妳E+咁一定要尽快揾个地方换咗D衫,帮D伤口消毒架!
-得噶喇,妳放低我啦,等我自己去D F屋K得噶喇
-去我嗰度啦!

-----------------------------------------------

-（邢)嗱!冲个热水凉,换咗哩D衫去啦!
邢均惟拿咗件好大吓嘅白色卫衣同裤比我
-（ME)师兄啊,会唔会唔係咁好吖......你D屋企人呢?
-佢地去晒旅游啊!快啦!因住D伤口发炎吖!妳一阵开稀D滴露沐浴露离洗吓啦,可能有D瘌瘌地,不过杀菌架!
-......
-放心啦!你信唔过我吖?
-唔係啊!不过......觉得麻烦咗你咯.
-傻啦,中意得妳梗係要比妳麻烦噶啦!!
-......吓...
-定喔~~係妳未应承同我一齐之前我唔会乱离嘅.

冲干净个身,换过D衫之后,成个人都暖咗同舒服咗好多
-好立克~~~~!衬热饮啦!!
-唔该.
-妳坐过离哩边啦,我帮妳搽药水.
-吓......唔洗啦,我自己离得喇!
-快D啦!
邢均惟用支棉签好细力好细力咁点係我手上嘅伤痕度,仲一路搽一路抬头望吓我,睇吓我有冇觉痛咁
-妳痛嘅话就出声啦.
-唔痛吖.
-我都未见过D女仔好似妳咁搽药水都唔嗌瘌嘅
-（笑）真係冇咩嘢吖嘛,少少伤姐,你又唔係唔知我嘅.
-我就係中意妳咁坚强咯...
-......

呤...呤呤呤....呤呤呤呤.....
-我去开门先.

-邢均惟!你有冇搞错啊!打你电话又唔听!你带咗诗甜去边吖!!!
我听倒Azo把声,即刻望过去!
古唔倒Azo揾到上离邢均惟屋K.佢仲係成身都湿晒,有D狼狈,睇离应该係係学校赶离嘅
佢扶住门,喘住气,用D质问嘅眼光望住邢均惟
邢均惟另转身望住我,Azo都随住佢嘅眼光转移,望咗过离我嗰度
佢见倒我身上嗰见好阔嘅白卫衣,同玻璃茶几上嘅药箱
又望吓邢均惟
突然苦笑住,点点头话
-好啦...睇离我紧张都係多余,你帮我照顾佢啦.
讲完,佢湿透嘅背影好快离开咗我嘅视线
-啊哥!!!
我企起身嗌.但係已经太迟,佢听唔倒.

-----------------------
到咗午夜六点几,邢均惟见倒我似乎真係冇咩事,先至应承送我翻屋K
佢仲坚持要执D药水同消炎药比我带翻屋企用,E+係个厅度执梗嘢,而我就行咗出阳台,终于忍唔住打咗个电话比Azo
-啊妹!!?妳点啊??
-冇事喇.好翻好多喇
-Sorry吖.
-你讲咩吖?
-我谂我可能做错咗,明知妳咁,仲要妳坚持企落去.
-唔关你事架,係我自己要企之嘛,你都讲得岩嘅.我唔企嘅话唔单止自己衰,仲会累到啊细都比人退学架.
-妳E+係边吖?
-仲係师兄屋K,佢一阵送我翻去
-都好嘅,有佢睇住妳.
-其实......我更加想今日抱我走嗰个係你...
-.......
-呃......唔,我翻屋K喇.
-哦,bye bye
-bye bye.
....
-诗甜!!!!?
-吓?
-我想见妳啊!!
-....吓...?
-我好想见妳啊!!!
Part24

偷偷爱着你 很快乐
却不知道 你也静静地爱着别人
在这一刻 我终于听到了
心碎的声音
把爱藏在破碎的心喔
有些感觉不一定要说
我能享受独处
却不承认寂寞
静静留在昨天
一个人
走两个人的路


虽然觉得有D对唔住千叮万嘱要我早D训觉嘅邢均惟
翻到屋K之后,我匆匆换咗套衫,戴咗顶白色嘅画家帽遮住自己个残样
就跑咗落楼下嘅公园仔度

去到,发现Azo好似仲未到,就自己无无聊聊咁係公园小径上绕住圈行
一回头,就见倒Azo拿住两支鲜奶係前面嘅便利店行出离

我地坐低咗係一张石凳嗰度,沉默中
E+係夜晚八点钟左右.周围嘅住宅都着晒灯,唔知係边个方向飘离咗好香嘅炒菜味
我闻住哩阵香喷喷嘅味道,想象住家家户户围埋一台食饭嘅温馨情景
又望吓前面食完饭落离散步嘅细路仔同老豆
谂到我同Azo都係冇父母係身边嘅人,哩刻嘅佢,会唔会好似我咁,觉得有D感伤呢......
佢挨住石凳后面,深深咁透咗啖气
而我就嗒低头,捧住手上嘅热鲜奶

今日邢均惟都有冲过热嘅好立刻比我饮
Azo同佢都係係我觉得冻嘅时候,能够比我温暖嘅人
唔同嘅係,邢均惟比我嘅係散发住热气,好浓郁嘅好立克
而Azo嘅係带住微温,淡而香嘅鲜牛奶
虽然两支都令我有幸福嘅感觉
但相比之下,好似手中嘅鲜牛奶先可以做倒我痛苦时候嘅麻醉剂
放係手中,惊佢变凉
放入口中,又怕幸福饮完之后会不再

-食咗饭未吖?
-嗯!岩先师兄带咗我去大西豪食咗嘢
-佢对妳好好喔.
-咁.....我係佢师妹离家嘛!
-仲想呃啊哥!!佢同我讲咗佢沟过妳喇!
-......佢做乜同你讲架!
-係咪我都唔知得先.妳谂住点吖?
-咩点吖?
-咁妳都要比个答复人架?
-我...我对佢都冇嗰种feel.
-佢好仔离噶,今日见佢抱妳走嘅时候,就觉得佢真係好紧妳
-你洗唔洗係咁帮佢讲嘢吖
-咁我都想有个人照顾妳姐
-咁E+你照顾我唔得咩!!!
-唔同噶...
-吓?
我有D唔明白咁望住佢
-比啊哥照顾,同比自己中意嘅人照顾係唔同噶
但係,对于我离讲,佢地係同一个人
Azo又继续讲
-啊哥好想妳揾倒中意嘅人,因为我都係度努力梗
我发觉Azo今晚讲嘅嘢有D奇怪,我又试好唔明咁望住佢
-妹啊,我好似未试过认真咁同妳讲过我同余莹D嘢啊呵?
-Um...係吖.你E+讲比我听吓.
Azo饮咗啖牛奶,望住挂住一轮月亮嘅天
-妳都知好细个,我啊爸啊妈就唔係度,嗰时啊莹住係我楼上,其他细路仔都唔肯同我玩嘅,得佢一直都冇嫌弃我係个孤儿,成日拿D嘢食同玩具比我.所以,唔知係边个时候,哩种感激慢慢变成咗中意
-姐係话你细细个就中意人喇喔
-应该係初中嘅时候先知自己对佢係点咯.但係佢一直当我细佬咁
-吓?佢仲大过你架!?
-Um,大我一年.嗰个时候,佢咩都会同我讲,甚至包括佢同条仔D事,虽然听咗之后,自己会觉得心痛,不过我都係好昂居咁话邓佢开心.
-哩种感受我明白嘅,我都试过.
E+就係度试梗
-到咗专二,我同佢拖过一年,哩一年係我咁耐以离最开心嘅.不过......之后佢就中意咗一个出离蒲嘅男
-点解佢会简个出离玩嘅人架!!
-有时D感觉冇办法解释嘅...见倒佢为咗个男咩都抛开晒,我先知道自己应该放弃
-真係放得低?
-我以为係噶.分开咗三年之后,谂住自己已经睇淡咗.不过上个星期见翻佢嘅时候,先发觉原来唔係噶.我好似....仲中意佢咁
听倒哩句话,突然间觉得心里面一阵抽痛.
有首歌叫<乜嘢係恋爱>里面有句rap话:"总觉得,世界上最远嘅距离唔係生同死,而係我係你面前,你又唔知道我爱你"
哩种距离E+已经double咗,听完佢讲佢仲中意余莹之后,我先至霎时醒觉到
-前晚（姐係我比人打嗰晚）佢係我面前喊,话佢条仔出面有好多女.揽住佢嘅时候我先知自己仲会为佢心痛,好想保护佢唔好比嗰个衰人虾
原来...嗰晚我比人刮到伤痕累累嘅时候,佢揽住另一个人安慰梗佢
余莹喊嘅时候有你保护,有你心痛.咁我呢?我比人打到几乎行唔倒翻屋K嘅时候,有边个会咁为我?
又係嘅,佢先係你中意嘅人,而我,只係你嘅挂名啊妹......
-妹啊,你话我应唔应该同佢讲啊?
Azo,我好想同你讲,我冇咁伟大.
我唔可以好似你咁,听住自己最爱嘅人,讲佢同第二个点发展嘅时候,仲可以比D咩建议,咩安慰...我做唔到!!
如果妳话想见我,就係为咗讲哩D嘢,要我帮你分享或者分担妳同佢之间嘅事嘅话
我谂我会令你失望

噔...噔噔噔....噔噔...
哩个时候,我嘅手机响咗,中断咗我嗰句呼之欲出嘅"我唔想再听!!".
-喂?
（-喂?我係邢均惟吖?妳点吖训咗未吖?
-我E+係出面啊!
（-做咩咁夜仲出去啊?咁点得噶!快D翻去休息啦!）
-均惟师兄啊,你叫我谂嗰样嘢,我谂清楚喇.我应承你吖!
（-....吓...妳姐係话?）
-从听日开始,我就係你条女!
（-真係嘅!!!?）
-Um,我地听日一齐翻学啦!咁,唔讲住喇!听日见.

---------------------------
Azo呆咗咁望住我
-你咪好想我同佢一齐嘅~谂真D佢都几好吖.我谂同佢一齐我会好开心.
甚至连我都唔知自己点解要勉强咁笑住讲出哩D嘢
-妳真係中意佢咩?
-咪当比个机会自己同人地咯!...我会努力揾自己嘅幸福,啊哥你都要吖!追翻人地啦.
哩句话嘅每个字,都好似带住刺一样,每讲一个出离就狠狠咁係心中刮一条鲜血淋漓嘅痕
Azo仲係有D难以置信咁望住我
我饮埋剩低嗰半支鲜奶,苦笑住话
-Hum~~~冬天好似离咗喇!支鲜奶一阵间就冻晒添.....



Part25
实在害怕去担起这份情
难承受这一刻的感觉
实在没法放开一切用情
曾期待每一刻潇洒过
匆匆天已凉 妳仿似受了伤
在瞬息间松开了我的手
不要哭了
妳转身那一刻
已告诉我说世上谁最重要

一个月后......
某日放学,于走廊上...
-（细)唔~~~~~~~~~哩几日天气冻咗好多吖~!!
-（ME)冻就係冻~~~~~~~不过有人好似箍住条好厚嘅围巾喔~~~仲同baby先生嗰条一模一样噶添~~ ~~呵呵~
-（细)（怕丑咁笑笑)妖~~~~~~~咁...我见D"冷"多咗咪顺手织多条比佢咯...
-（ME)哇~~~~~~好一句D"冷"多咗!!唔见妳织条比我~~仲话咁多年姊妹喔~~~唉~忽然间想唱翻首<心淡>添~
-（细)哎呀~~~妳咪玩啦!
-（ME)喂喂~讲真吖~~~~~E+个心有冇D好SWEET嘅感觉吖吓?我见妳呢,做咗人地条女之后好似一日省镜过一日喔~
-（细)咁吖......有时又真係甜到漏嘅~~哈哈哈~特别係E+天气冻吖~~~有个人揽吓係唔同D嘅~~嘻嘻嘻~
-（ME)得!!够晒~~听到我啊~打晒冷阵!!
-（细)衰婆!讲真吖~都係多得妳乍!冇妳做中间人,我地都唔知拖拖拉拉到几时~
-（ME)咁婆妈做咩吖~最紧要就妳地开心~~润少D我就得喇!
-（细)唔知几时有润过妳呢~妳自己又咪鬼咁威~~日日有人揸车接送!
-（ME)...妳又知!
-（细)哇~~~~~~均惟师兄部跑车咁鬼大声~一开过成街人都望晒过去啦!
重申一次,邢均惟嗰部係两个碌嗰D跑车,开嘅时候"HURT~HURT"声咁飙过
-（细)其实个个都话妳地好衬噶~大家都跳舞咁叻,大家个格都咁型,仲要朝朝坐住部跑车飙翻学,妳都咪话唔养眼~
-（ME)唉~~~~~小姐~妳都要睇吓E+咩天气先得噶!冻到鬼咁~虽则话有头盔姐,D风摄入离都好拿命架!我宁愿好似你地咁一齐行翻学喇!
-（细)其实呢~~~~我觉得妳好似拖得唔係好开心咁嘅...
-（ME)我对佢点妳应该清楚架.
-（细)唉~~~见係姊妹我先照讲乍!妳为咗激Azo先同佢一齐,咁对佢好唔公平噶!!
-（ME)我边係为咗Azo啊!我只不过想比个机会自己试吓中意佢之嘛!但...好似到E+都仲未对佢有感觉..（唔经唔觉已经拖咗一个月).
其实真正係点样,我自己都唔清楚...
-（细)妳知架!哩排Azo同嗰个余莹行得密咗好多啊,我地学校D女仲唱得几衡,话佢地搞姐弟恋吖!

自从嗰晚之后,我同Azo都冇好似以前咁成日倾计喇.
只係係学校见倒面会讲两句.我地嘅关係好似已经冇以前嘅契兄妹咁好
反而,中午食lunch嘅时候,有两三次都见倒佢同余莹係学校附近嘅快餐店度,仲有讲有笑好开心咁.
哩个时候,我通常都同邢均惟一齐.见倒佢地之后,均惟会同佢地打声招呼,而我就唔出声.

-（ME)......唔好讲Azo喇~佢自己中意点咪点咯.
-（细)咁讲妳个均惟咯!哩D嘢係baby仔叫我同妳讲吓噶!佢话,均惟师兄未试过对一个女仔咁好噶!佢成日都问baby仔妳中意D咩,有D咩习惯,成日都想囤妳开心啊!
-（ME)...车~~~~冇咩咁特别姐...乜佢对以前D女唔会噶咩!
-（细)唔单止唔会!仲要係掉翻转,以前係D女为佢做好多嘢,但佢都不为所动咁噶喔!而且原来佢第一次沟人架,係妳之前,都係D女沟佢架!
-（ME)係咩......吖!Baby仔离接妳喇!
-（细)好啦~~~咁我走喇!妳自己谂清楚啦!

弒神天使 发表于 2005-10-6 18:26:48

-------------------------------------------
啊细岩行咗落楼,邢均惟就离咗揾我一齐放学.
今日係平安夜,佢话今晚同我去中华广场倒数,咁就揸住嗰部好大声嘅跑车去咗
哇~~~~~~~E度比我想象中仲有圣诞气氛吖~~~~~~广场正门前面有一棵好大好高嘅圣诞树
上面装饰咗白色嘅好似雪一样嘅棉花,仲有五颜六色嘅波波球,好可爱嘅玩具,绕住一条闪住七彩光芒嘅灯,树嘅顶部仲有粒好大好闪嘅金星.
广场周围都係人,仲有D好应景咁戴住圣诞帽添,大家都着得有D臃肿,好多人箍住围巾,三五成群咁一齐行
好热闹吖~~~~~`!!!虽然空气好似急冻咗咁,但个个人面上都有开心嘅笑容,仲有好多係情侣,一pair pair咁翘住手好幸福咁样
不过呢~天气嘅冻係我同均惟身上係体现唔倒出离嘅,可能啊细讲得岩,係某D方面我地真係几夹嘅......

我地拖咗成个月,都仲係好少嘢讲,尴尴尬尬咁.同以前仲係F嗰时,咩都倾得嘅感觉好唔同.
连去边度食嘢都要谂好耐,最后兜吓兜吓,都係上仙踪林饮咗两杯"随便"就算数
E+先至八点几,点等到十二点倒数吖...>_<~~~係咁行广场都唔係办法架~~~
-诗甜吖,妳有冇咩嘢想买吖?简啦~我送比妳吖!
-唔洗喇...我都睇唔岩!
-係呢~~~~听baby仔讲话妳好中意"煲烟熊"噶喔~
-哈哈~几啦~~~觉得几特别,同埋够不良吖嘛!咔咔~~~
-我睇杂志见倒Karen Walker出咗件黑丝嘅煲烟熊jacket吖~觉得妳着上去应该好好睇噶~不如我下次去香港嗰时买比妳吖!
-吓......唔洗喇~其实我都唔係咁中意...
其实我唔想你为我簁钱就真.唉~~~~~~```你越对我好,我就越觉得自己对唔住你.
古唔倒你真係问咗baby仔咁多关于我嘅嘢!
-咁不如上去睇电影咯!
-电影啊......可能会好多人噶喔.

就係咁,行吓,又UP几句,行吓,又UP几句.....
终于均惟见倒D佢有兴趣嘅嘢,就係飞机模型,正係度好兴奋咁睇梗.
我陪佢睇咗一阵之后就係附近一个人兜吓,及吓嘢咁
E~~~~~~!!?哇~~~好靓好精致吖~!!!
我係一间珠宝店嘅橱窗见倒一条个链嘴係水晶心形嘅颈链,最特别嘅係本身已经好的色嘅水晶心心中间又镶咗一粒仲细D嘅银色心係度
个款几特别喔,不过顺便扫埋个价之后,发觉原来嗰D唔係水晶,而係钻石,唔係银,而係白金.
唉~~~~~~~~等于我两个月零用钱嘅钻石链~~~~~~~bye bye lu~~~还掂我都係中意个款姐~都唔中意戴到咁闪扮晒贵妇咁嘅!

-诗甜~~睇咩吖?
-吓!?冇吖~行啦!....E?有冇睇岩D飞机模型吖?
-有吖~~~订咗,下星期先有得拿!
-哦哦.（唉~~~~~E+做咩好呢)吖~!还掂咁得闲,不如行去地王个街舞广场及吓嘢咯!
-好吖!!差D唔记得我地有样共同兴趣先~
-咁行啦~应该係嗰边~
-啊!!~~~~~~~诗甜~不如妳係度等我一阵先啦!我发觉我岩先留咗个旧嘅机num比个模型老板吖,要去改翻先!
-我同你一齐去吖.
-唔洗喇~妳去嗰边睇住嘢先啦!
-OK!!

--------------------------------
10! 9! ......4! 3! 2! 1!!!!Yeah~~~~~~~~~~!!!!
係拥挤嘅广场上,我同均惟,仲有好多人一齐渡过咗哩个热闹嘅平安夜,仲係欢呼声同喝彩声之中过渡到圣诞节!
大声咁嗌完倒数之后,发觉自己D心情好咗好多,似乎好多郁係心中嘅嘢都嗌晒出离咁.
不过一散场嘅时候,D场面就好混乱,D人死逼烂逼.係咁撞係咁ON
均惟拖到我只手实一实,好似惊D人潮会涌散我地两个咁,
最后干脆拉我埋佢度,一只手揽住我膊头.又唔知边个好大力一推
-啊~~~~!!
我成个中咗埋均惟度,佢又即刻揽实我,係挤逼嘅人群中,个个都好似蚂蚁咁逼离逼去咁走,只有我地两个企係度揽住咗
不过唔知点解,我唔单止冇推开佢,仲发现自己竟然有心跳嘅感觉
我块面贴住佢膊头,佢就一只手揽住我个身,一只手蔓住我膊头

等D人散开晒嘅时候,我地就有D尴尬咁分开咗
-er....咁我地E+係咪翻屋K喇?
-...嗯,我送妳翻去啦! er....妳觉唔觉饿吖?去唔去食宵夜吖?

哩个时候,我见倒我嘅正面,姐係均惟嘅背面,
有一个我好想见倒嘅人同一个我好唔想见倒嘅人行梗过离
Azo同余莹.......
Azo仲拖住余莹只手!!!
佢地仲着得好衬咁样,余莹今次着得Young好多,同Azo行埋一齐,虽然身高差好远,不过睇上去好似一对好幸福嘅情侣咁.
Azo仲弯低少少个身,好温柔咁就个女嘅高度,係佢耳边唔知讲咗D乜,余莹就捂住口笑得好开心
-诗甜!!?诗甜?
-啊...吓?
-妳想唔想去食宵夜吖?
-er...唔喇~我地走咯!
-咪住,等阵先!
均惟係个袋度拿咗个好精致嘅扁方形盒出离
-送比妳噶!
-点解无端端送嘢比我嘅?
-唔...咪当圣诞节礼物咯!快D睇吓!
-（打开)E~~~!!!哩条链咪....
-中唔中意吖?
-中意...但係......
佢点解会簁咁多钱买咗岩先嗰条心心链比我噶!!我只係随便睇吓之嘛...
-我帮妳戴起佢啦!
係我仲未反应过离嘅时候,佢已经帮我戴好条链,仲微笑住话
-好靓好衬妳吖!
-均惟吖......
-哩个平安夜我真係好开心噶,可以同自己真正中意嘅人一齐过.
-......
-唔好意思吖,因为我第一次主动咁去对一个人好,所以有好多嘢都唔识.不过我会慢慢学~会做妳最中意嘅人,希望以后嘅平安夜都可以同妳一齐!
听倒哩句话嘅时候,我觉得好感动,因为第一次有人同我讲哩D嘢.
虽然我唔肯定自己对佢嘅感觉,不过望住均惟咁认真嘅样,我D眼泪唔知点解情不自禁咁飙咗出离
-妳做咩吖?係咪我讲错嘢吖?Sorry吖,妳唔好咁啦!!
均惟好紧张咁讲.佢本来就有D细路仔嘅样变得更加可爱.
或者,幸福可以好简单,就好似所以人讲嘅嗰句"珍惜眼前人"
-冇事吖!傻仔!只不过係好多谢你为我做咁多嘢之嘛,同埋......
我眯埋眼,轻轻咁锡咗佢左边面一啖
为咗唔好比佢见倒我锡完佢之后嗰个咁唔自然嘅样,我就干脆揽住佢
我知佢一定觉得好惊讶,因为我感觉倒佢等咗一阵先反应到过离,揽住我背脊
然后好细声係我耳边叫咗一句
-诗甜......

而我,揽住均惟微笑住睁开眼嘅时候,
见倒前面,余莹有D唔明咩事咁望住Azo,
而Azo企定咗係度望住我地,蓦然......


Part26
第二日嘅圣诞节,我带咗好多包装得好得意嘅粒粒朱古力,派比D同学仔!
下昼第二节课落课嘅时候,我帮嗰个好似小丸子啊爷嘅教授拿翻个塑像去扫描室.

行到个室门口,见倒Azo一个人係入面画梗扫描,一时定咗係度谂,一时又好快咁打侧支笔扫D阴影上去
佢双眼一直凝望住纸上佢画梗嘅嘢,好似一潭水咁,闪住神秘嘅光芒.
我停低咗脚步,望住咁专著嘅Azo,望住画版上嘅一幅心血结晶.
佢画嘅唔係其它人,而係余莹.
虽然係好模糊,凭我嘅直觉,可以肯定画中嗰个企係街角嘅女仔,一定係佢!
Azo真係好了解余莹,画中人只有一对眼,而眼中嘅神韵,令我哩个只係同余莹有数面之缘嘅人都可以认得出.

但係,画画吓,Azo竟然发自己脾气,将只碳笔好大力掟落地吓!
-Hum!hum!
-...哎?妹,係度嘅?
-我帮小丸子啊爷拿翻个塑像落离咯!
-小丸子啊爷?
- ~~~~~~~~姐係教国画嗰个教授吖!
-哈哈哈哈~~~~~~~~~唔讲唔觉,谂落又真係几似喔~
我微微一笑,行到佢身边,弯低腰执起佢岩先掟落地嘅笔
-碳笔唔係咁用噶!
Azo接翻住支笔,係手指间转咗几个圈,无奈咁笑笑
-（ME)哩样嘢都係你教我噶乍~~可能你都唔记得喇!
-我记得吖,嗰时比妳只画笔飞正我心口啊嘛!
-哈哈~~~~係吖係吖~你知道D画笔重要就好啦!E+仲拿支笔离出气!!
讲到哩度,Azo又收起晒岩先嘅笑容,DUP低头叹咗啖气.
E+嘅佢就好似一个好需要人安慰嘅细路咁.
以前都未见过佢咁任性嘅表情,一路以离都係佢做啊哥离照顾我,E+到我想囤翻佢开心
-（ME)等我睇吓~~~~~~画入面嘅人係余莹呢?好神似吖!做咩画到发烂乍啊?
Azo哼咗一声闷气,巢乱晒自己D头发,一挨挨落张凳嘅椅背度.
-（苦笑)乜真係似咩?
-Emm~~从D眼神我就认得出係佢.不过呢~~幅画比人嘅感觉就有D忧郁同缥缈.
-我已经画唔出以前嗰个啊莹喇!!
Azo一定好挂住以前嗰个无忧无虑嘅余莹,然而佢画出离嘅,只係E+受过伤害之后,郁郁寡欢嘅佢
-有好多感觉都会随住人嘅改变而消失架!如果真係中意佢,就应该接受同包容E+嘅佢,而唔係执着过去吖!
Azo好惊讶咁望住我,似乎古唔倒我会讲出D咁嘅嘢
-妹吖,其实妳识谂过我噶.啊哥E+对住佢真係好辛苦啊!明知佢只会係唔开心嘅时候先离揾我,但係我仲要心甘情愿做佢嘅避风港.
-其实佢条仔咁花心点解佢仲要同佢一齐架!!你劝佢离开嗰个衰人啦!
-冇用噶!啊莹已经付出咗太多,佢唔会放弃噶!除非......
-除非咩吖?!!
-佢话如果有一日佢条仔赶佢走,佢或者会考虑放弃喔...
-唉~~~~~~冇谂咁多喇!係喔!今日圣诞,请你食朱古力吖!
我係个袋度Umm咗粒紫色包装嘅黑朱古力比佢!
-Thank you!
-食咗朱古力人都开心D噶!
-有妳哩个妹都够晒开心啦!......係呢~Er...妳同均惟好似发展得唔错喔...寻晚係中广见倒你地......

谂翻起寻晚,Azo见倒我锡咗均惟之后,成个定咗係度.余莹拉咗拉Azo,问佢做咩呆晒咁.
Azo就另另头话冇嘢,然后就拉住余颖行去第二边,行吓行吓,Azo仲好似神不守舍咁撞倒人.
我谂佢可能觉得见倒我地咁样,有D尴尬挂!

-Emm~~~都算有DD进展挂...只傻仔送咗条链比我咯!
-...哈哈~（Azo笑得好唔自然)嗰个衰仔可能第一次咁出力囤女仔噶乍!
-係咩...不过佢对我都几好嘅.
-嗯嗯,起码好过我哩个做啊哥噶先啦,圣诞节都冇嘢送比妳.
-咪咁讲啦~~~哩D心照噶啦~

冬天嘅午后,一段温暖嘅阳光係扫描室嘅落地玻璃窗外射入离,照住Azo若有所思嘅双眼.
"最近你好嘛?"哩句话,好多次我都想咁问你.
从係我楼下公园仔倾完之后嗰晚开始,我地就选择咗唔同嘅道路.
我选择咗接受另一个人,比机会自己脱离你嘅阴影.
而你,选择咗挽回过去,留係一个唔爱你嘅人身边,静静咁痛爱.
然而,每次係远处望见你,我都好想行到你身边,只係问一句"最近好嘛",只係要知道你一切安好.
我仲未清楚自己对你嘅感觉係经淡去,定只係暂时隐藏住
係哩一刻,能够同你係恬静嘅午后短聚,近近咁望吓你,就已经好足够.





Part27

圣诞节嘅夜晚,大佬Miu间Bar特别旺.
-（Baby仔)大佬Miu~你去招呼客人啦~今晚个场咁旺,唔洗理我地喇!
-（Miu)咁好啦~我过一过嗰边先,一阵再同你地饮过!
-（奈)喂!啊细~~~~嗰边有靓仔吖!
-（B)作死妳只衰嘢吖!係我面前怂恿我老婆仔去沟仔!!
-（ME)哈哈哈~~~~~~奈奈~妳今次S喇,啊细E+比baby仔食住架!
-（细)咩吖!我E+对靓仔冇兴趣之嘛!
-（B)你梗係冇兴趣啦~全世界最帅靓正嗰个都係妳面前喇!
-（细)（扭梗某人耳仔)你话咩话~~~~~~~~~你唔好咁得戚吖!
-（B)啊~~~~啊~哇~痛S人喇~唔敢喇~唔敢喇~老婆大人~
-（ME&奈)哈哈哈哈~~~~~~~~~

-（细)喂喂,诗甜!妳睇吓坐係酒柜隔离嗰张台,有个着紫色衫嘅女人咁似余莹嘅?
-（ME)EE~~~~!真係喔!直情係佢啦!
-（奈)咁坐係佢隔离嗰个咪佢条仔!?喂~都几型喔~不过就大咗D!
-（细)哇~~~~~~平时睇嗰个余莹斯斯文文咁,离到哩D地方似晒D大佬嘅女人啊,担住支烟翘住脚咁!
-（ME)真係同平时差好远喔.....
见倒眼前嘅余莹,再谂翻寻晚佢同Azo一齐着倒好young嗰个样简直判若两人
E+佢浓妆艳抹,着咗件深紫色紧身衫,同一条黑色漆皮短裙.吞云吐雾咁做係佢条仔嗰乍人中间.
间唔中帮佢条仔,同其他人斟酒.
而佢条仔大概二十七八岁左右,着到好PUNK咁.不时同D兄弟係度大叫大笑.

-（奈)E~~~E+大佬Miu行咗过佢地张台度打招呼喔!
-（ME)等我过去痴吓大佬Miu,顺便睇吓嗰个余莹搞乜鬼先!
-（奈)S嘢你一个人过去唔惊吖?佢地嗰边得余莹一个女乍喔,成乍麻甩佬!妳仲要着短裤喔!
冬天着短裤对于我离讲好平常嘅,因为我係短牛仔裤入面着咗紫啡色丝袜,Match埋长到膝头以上嘅长Boot都唔会冻得去边.
-（ME)唔怕啦~大佬Miu係度啊嘛!我都係过去睇吓姐!
-（奈)咁妳有咩事记得叫过离啊!

--------------------------------
-（ME)大佬Miu~
-（Miu)哎?过咗离嘅!?....离离离,等我介绍吓,Kim哥,哩个係我个契妹啊Sea.妹,哩个係Kim哥.
大佬Miu所讲嘅Kim就係余莹条仔
-（ME)Hello~Kim哥!
我笑住say咗声Hello,顺便同余莹笑吓打个招呼
点知余莹好似好唔想见倒我咁,见我望住佢就另"咩"面,索咗啖烟
-（Kim)哈哈~~~~~~Miu爷你就唔岩啦~有个咁索嘅妹~收收埋埋~E+先介绍我识!
-（Miu)边係啊!我个妹0靓妹离姐,边够啊嫂索吖!
大佬Miu好比面咁讲咗句,余莹听咗之后好不屑咁冷笑一吓话
-我掂嘅话,啊Kim都唔会望住你个妹眼都唔眨啦~
我突然间觉得我要重新认识过离个人,佢D眼神话比我知佢绝对唔简单,比好多人更加攻心计.
-（Kim)咪乱讲嘢啦妳!学吓人地啊Sea,男人讲梗嘢妳就乖乖地坐係度听!
余莹又一啤啤住我"哼"咗一声
大佬Miu见气氛开始有D唔对路,就笑住话
-哈哈~~~好喇!Kim哥你慢慢饮喇~我同个妹翻去嗰边坐.哩支龙舌兰我请!
-哈哈哈~~~好,好!靓女唔陪我饮杯嘢先啊!?
-（ME)哈哈~~Kim哥咁比面吖~失陪先喇!

----------------------------------
行开咗之后...
-大佬!嗰个咁嘅啊Kim乜水离架?!
-佢咪Toxic堂下D人咯.讲得好听就话大佬,其实姐係Toxic D0靓.
-车~~~~~~岩先见佢好似好巴闭咁先~
-咪就係有Toxic照住咁咯!喂妹~妳识佢条女噶咩!同佢有过节吖?
-嗰个女咪我上次讲嗰个余莹咯!鬼知佢咩事吖!由头比佢啤到落脚!

---------------------------------------------

Women"s room
我岩想打开个厕格门嘅时候...
-莹姐~~~~~~妳同Kim哥就各自各精彩啦~!
余莹同另外一个女人行咗入离洗手间
-妳想讲咩先!?
-妳知架!Kim少出去偷食姐,古唔到妳都揾倒个靓仔喔!!呢~~~~上次见妳地一齐行街嘅,个男仔白白净,高高瘦瘦几正噶呢!
-哼~（好恐怖嘅冷笑)嗰个男妳知唔知佢係边个啊!妳应该都有听讲过十几年前有人救咗Toxic老婆同个仔嘅事架!
-（恍然大悟)哦~~~~~~~~~原来嗰个男~就係Toxic嘅恩人个仔啊!!?好似叫Azo架啊嘛?
-都算妳醒啦~咁妳应该都知,当年Toxic话要捧Azo做佢最大嗰个堂嘅堂主,只不过嗰时嗰个傻仔冇应承到!E+个傻仔就好霖我~
-哦呵呵呵~~~~~~果然不愧係莹姐啊吓~妳想借佢离报仇!
-知就唔洗讲埋出离啦!!

-----------------------------------
佢地行咗出洗手间嘅时候,我开门行出离.见倒佢地行出去嘅背影.真係最毒妇人心!
原来嗰个余莹根本上一直利用梗Azo!冇谂到哩个女人生得细细粒,个人就咁毒辣噶!!
只不过,佢地讲梗咩"报仇"呢~!?
我认得岩先同余莹讲嘢嘅嗰个女,一年前係东区嗰度我帮过佢一次,如果唔係佢都比人打到瘫咗喇!
哼哼~~~~~~~余莹妳哩个巫婆~~好快我就要揭穿妳嘅阴谋!!!

-靓女~仲记唔记得我吖~~~吓!?
-（惊惊青青)Sea,sea姐~!!
-跟我过离!
........
-Sea姐...ER...好耐冇见喔,唔知揾我咩事呢...
-係咯~~~~唔经唔觉就成年喇喔!我谂妳都仲记得一年前嗰晚噶呵?
-记,记得~Sea姐嘅大恩大德点敢唔记得吖!!
-咁就得啦!妳同余莹好熟架!?
-ER......唔知有咩事呢!
-我问妳係咪同佢好熟啊!!!!答啦!
真係唔大声喝都唔识精!
-熟就几熟嘅...
-咁妳岩先同佢係洗手间究竟讲梗咩!!
-Sea姐妳听倒晒啊?
-讲啦!
-咁....我好难做噶喔.莹姐佢知道咗会....
-咁妳谂妳喇~!相信妳都知Mandy几憎妳噶啦~如果我E+同佢讲话哩件事我唔插手,妳古佢会唔会将一年前嘅旧帐一次过算晒啊拿!?
-唔好啊!千其唔好啊~Sea姐!
-如果妳将妳知道嘅讲晒出离嘅话,我应承妳绝对唔会比余莹知!
-咁...咁我讲啦...莹姐最近痴埋咗个男仔度,嗰个男叫Azo,佢老豆老母曾经....
-得!哩D可以省略!我已经知道!
-虽然睇上去莹姐好似咩都就晒佢条仔Kim哥咁,其实Kim少对佢呼呼喝喝,仲有一次当住D兄弟面打佢.从嗰次开始,莹姐就对Kim少死心噶喇!不过佢已经踩得太深,又唔甘心就咁咩都放弃,就决定借嗰个叫Azo嘅男仔报仇.佢知道Toxic一直想Azo帮佢手,就谂住要Azo正式跟Toxic出离行,借助Azo同Toxic嘅关係,帮Azo扩大势力,从而提高佢自己嘅地位,然后对Kim哥报仇....
-岂有此理!仲有呢?
-我...我讲晒噶喇!
-讲晒?妳当我流架!
-仲有......莹姐话两日后会约晒Kim哥,Azo同Toxic出离,唆摆Azo同Toxic讲,佢可以出离帮Toxic做事,不过就要Toxic即刻飞起Kim哥.仲要....
-仲要咩吖?
-仲要佢打断Kim哥一只手喔.

余莹!!!妳好嘢!竟然将我同Azo呃咗咁耐!
Azo咩都为晒妳!妳唔单止利用佢离做咁多衰嘢,仲想逼Azo出离行!
我唔会就咁算数!!!!


Part28

好久没有吹微风的晚上
我们看着山下都市灯光
你说快乐和自由 是穷人的天堂
这种想法我很喜欢
你要我闭上眼睛想象
有我看不见的一个远方
你说地球是乐园 要用心去游览
这种说法多浪漫
心在飞 路很长
我们是彼此的避风港
听着你 聊到从前和未来
你心里所有的梦跟我很像

噔..噔噔..噔...
-喂?诗甜啊?我吖!
-哦~均惟,咩事啊?
-听日后日放假,Eric佢地成班人过澳门玩吖!我谂住揾妳陪我一齐去之嘛!
-吓...er...我哩两日...唔得闲吖!
-点解嘅?有紧要嘢做吖?
-Er...係吖,有个好出名嘅画家开画展啊嘛!奈奈约咗我去睇啊!
-E~!有咁嘅事?边个画家吖?我都冇听过嘅!
-哎呀~我都唔记得喇!不如你同佢地去玩啦!翻离我再陪你补翻数啦!
-唔....咁好啦!难得妳只曳猪肯去睇画展!
-嘻嘻~~係咯!咁你地玩得开心D喇!我迟D再比电话你!
-嗯!记得喇喔~~Bye bye!

Sorry啊,均惟.我呃咗你...
不过,听日可能係我最后一次可以同佢一齐,后日会发生咩事,我会做D咩,我都唔知道.
好可能从此以后,同佢连朋友都冇得做...

Du....du....du...
-喂?
-喂?哥吖,你放假得唔得闲吖?
-听日就应该得,后日啊莹话揾我有事.
果然係咁!!余莹一早就部署好晒!
-咁你听日可唔可以陪我出去玩吖?
-点吖?!妳只衰妹想去边间Disco蒲吖?
-妖~唔係啊!我想去D近D嘅地方旅游吖!一日就够噶喇!
-唔~~~~~~~我都好耐冇去过旅游lu~
-咁就一于同我去玩啦!
-得我地两个乍!?均惟呢?
-Er...佢唔得闲啊!咁你係我啊哥离家嘛,有咩所谓姐!
-好啦~咁妳谂住去边吖?
--我都未谂倒吖!你话啦~
-Emm...咁我地自己搭车去"自由行"啦!


-----------------------------------------------------------


第二日朝早七点几,Azo就带我去客运站搭车去旅游.
虽然E+係冬天,不过晨早就有好温暖嘅阳光照耀住.我地嘅心情都好似天气一样风和日丽!
今日我地两个都着得好casual,简单嘅卫衣加牛仔裤加背囊.

车窗外嘅景物係我地嘅视野中不断向后退,从喧闹嘅城市马路,开到郊区嘅山林田野,最后终于离到我地嘅目的地---西岸
西岸係一个精致嘅乡间小镇,係南海西樵附近
落咗车环视周围,我地兴奋咁发现自己好似离咗一个远离世俗嘅地方,哩度冇一丝冬日城市嘅凝重同烦嚣
满眼係深深浅浅嘅绿色组成嘅生动画卷,满眼係似乎熟悉而又陌生嘅田园风光

-（me)Hmm~~~~~~哩度D空气好清新吖~!>o<
-（Azo)我都係第一次嚟E度噶乍!睇杂志话西岸近近地几靓架!
-E~!咁你识唔识路噶?
-Er......
-妖~~~~~啊哥吖!你唔识路学咩人"自由行"姐!
-哈哈~~妳又知我唔识!有样嘢叫地图家嘛~!
Azo係背囊拿咗张地图出离,好认真咁研究梗
-哩度係茶山,过D係庆云洞,隔离係银溪...我地係哩个位置,不如去古村落先啦!!!

古村落係茶山脉谷下,D村民大部分都搬走咗,只係剩低一座座散发住古朴气息嘅旧屋.
半遮半掩咁向路人诉说光阴嘅故事
一条纯澈嘅消息无声无息咁穿过幽静嘅小村,淌过嗰D雕刻住岁月痕迹嘅青石板
林中嘅小路,只有我同Azo两个,我地好好奇咁周围望
两边,茂密嘅树木青翠欲滴,森林中弥漫住好轻好薄嘅雾
我并行係Azo身边,E+嘅感觉,就好似发梗梦咁

-"求财顺景方方利,出入平安事事成","合家安康......"
我一路行一路大声读嗰D旧屋门口嘅大红对联
-妹吖,妳好似对哩D地方好好奇咁嘅?
-係吖!我咁大个囡都冇去过几次旅游,都冇人陪我去嘅!所以净係识蒲夜场咯!
-其实外面嘅世界有好多好靓嘅嘢架!妳仲细,应该多D出离行吓,睇多D吖!如果妳以后想去嘅话,啊哥陪妳啦!
-真嘅~!?好吖~~~~~~~~!係呢,咁你係咪好中意去旅游架?
-嗯~我小学嗰时就已经好想环游世界噶喇!
-哇~~~~我小学嗰时仲谂梗点样可以做美少女战士乍...-_-!环游世界都几难噶!
-係吖,所以我谂咯,如果有机会嘅话,我要一路旅游,一路画画攒钱.咁咪可以去倒好多地方咯!
Azo眼中闪住充满希冀嘅光芒
-啊哥你咁叻,实得啦!!!
-咁妳呢?妳想做咩啊大个?仲谂住点做美少女战士吖?如果妳想做嘅话,我委屈吓扮住怪兽比妳发吓梦喇!
-Hya hya hya（奸笑)你唔好后悔吖~~~~~~咔咔咔~
-哇哇~~~~~妳想点吖?咁鬼恐怖嘅?
-你咪走吖~~~~~~~我月野兔要替月行动!警恶惩奸!!!
Azo见倒我开始发癫,拿拿声跑,仲一路跑一路另后离撩我
-哈哈哈~~~~~妳跑得咁慢点做美少女吖!
-啊~~~!!!我扭亲脚吖!!
我扮到好痛咁弯低腰,摸住脚腕.
Azo见倒即刻跑过离Dup低头问我有冇时,我就用只手係后面箍住佢条颈!
-啊哈哈哈~~~~~~你只怪兽!仲唔S~!!!啊哈哈哈~~~
-哇~~~咁茅噶!!
-你话咩哇~~~~~~~~!?
-啊~咳咳咳...我话,话妳好聪明吖..咳咳咳~妳想箍死啊哥啊嘛!!

-山水豆腐化~~~~~~~好靓嘅姜汁山水豆腐花~~~~~~~~~~~
前面嘅一间简陋嘅铺,有个婆婆係度卖豆腐花

-E~~!!我要食豆腐花~~~
我好快咁跑咗上去,Azo就好痛苦咁係后面嗌
-衰妹~~~~`玩完啊哥就Pat低唔理!
-哥~快D过离啦~我买埋你嗰碗喇!
.......
-（ME)唔唔~~~~~`好滑吖D豆腐花~!!正斗~!!
-嗯嗯~~~好滑吖~!
-（婆婆)哈哈~~~~后生仔,D豆腐花揾天然山水离整架!食多D啦~
-（ME)婆婆~~~妳整D豆腐花好靓吖!
-（婆婆即时笑到见牙唔见眼)呵呵呵.....E+好少后生仔好似你地咁离D乡村地方拍拖喇!
-（ME)啊吓~婆婆（笑)我地唔係....
-（Azo)婆婆~我地热爱大自然啊嘛~哈哈~哩个就係我女朋友咯~叫哥师拉啊!
-（ME)喂~你!!
-（婆婆)呵呵呵~~~E+ D城市人改名越离越奇怪喇....

----------------------------------

爬山嘅过程虽然好辛苦,不过...
-诗甜吖~行快D啦!
-哎,哎~我行唔郁喇!好攰吖~~~
Azo行后离,拖住我只手
-妳咁行法,天光都未上倒去吖!

一路嘅崎岖山路,佢都係紧握住我只手,拉住我向上行
佢问我点解少咗咁多嘢讲,我只係低头笑笑

----------------------------
由茶山深处嘅涓涓泉水汇流成银坑溪,流泉飞瀑,终年不息,降雨之后就係飞珠溅玉.
银溪一路係石间欢快咁流淌住,溪边係婆娑多姿嘅竹林花树
我地溯流而上,终于离到咗树廊大瀑布

-哇~~~~~~哇~~~~~~~~~~哇~~ 好靓吖~~~~`好靓吖~~~!!!
终于都见倒翻云泻玉嘅大瀑布,好似雷一样嘅水声掩盖住我嘅惊叹
石山上嘅大大小小瀑流千姿百态,层层迭落
冲激落离嘅水聚係一个深不可测嘅绿水潭度,潭水喜透明嘅蓝绿色,温润如玉
-啊妹~妳过离睇吓,离块牌写住揾D泉水洗面可以美容噶喔~~~妳仲唔洗吓~~~?
-哇~真係架!?...咪住先...你家阵姐係话你个妹唔够靓啦~~!!
-咔咔~~唔係吖,边敢咁讲!妳靓晒啦~~~不过...係野蛮咗D咯...
我用手掌捧起D泉水,一泼泼落Azo嗰度
-啊哈哈哈~~~~拿~美容啊衰仔!!
-都话咗妳野蛮噶啦!...得喇得喇~唔洗扁嘴喇!最多妳冇人要,我再带妳离哩度隐居喇!!

我坐係潭边嘅一旧石度,弯低身玩梗水,眼前突然有一条好似链咁嘅嘢掠过
我一另后去,见倒Azo係我颈后绑梗嗰条好似链咁嘅嘢
-妳咪郁住先!
-咩离噶?
我伸手摸住颈上嘅嗰条"链"
-好~搞掂~照吓~!
我用清澈嘅潭水做镜,望落去
-得唔得意吖?我揾D花花草草离整噶!
我见到嗰条"链"係一条好幼嘅草茎,而"链嘴"係一朵好的色嘅紫红色花仔
-哇~~~`点解可以整成咁嘅!?
-哈哈~~好衬妳吖!


Part29
跟住,我地去咗古树园,睇咗好多千奇百怪嘅书啦;又去咗农庄,自己摘新鲜嘅蔬菜瓜果离整农家菜啦.
成日都不停咁行,一路打打闹闹咁游览咗好多地方.虽然行到好攰,但内心就充满咗甜蜜嘅感觉.

一日嘅快乐时光好快就过去,我地行梗落山搭车翻屋K.
我沉默不语,行得好慢好慢,咁样嘅情景,令我谂起几米写嘅一短话:

冬日午后,幽静的树林小径,只有我们两个人.
我渐渐放慢脚步,聆听不知名的鸟叫声.
你不时回过头来,露出灿烂的笑容,唤我快快跟上.
望住你熟悉的背影,一股莫名的悲伤突然涌来.
这么幸福的时刻,可以一直走下去吗>
我愈走愈慢,愈走愈慢....泪流满面
幸福的步道,总是那么短.
我们可不可以赖着不走.

Azo另转头,望住离佢足有三米远嘅我,嗌
-啊妹,做咩行得咁慢嘅?好攰吖?
-唔係吖......
-做咩冇晒声出嘅?玩得唔开心咩?
-就係因为太开心,所以......
-傻妹!!吖~~~~~~~妳另转身睇吓!

原来身后嘅太阳开始懒洋洋咁行落山.将成个西岸染成醉红色
望住天边嘅彩霞,同消亡嘅光,
灿烂咗一日嘅光嘅消亡美丽得令人悲伤
明亮嘅光将山,树,同小溪同游人抱係温暖嘅环抱中,然后松开无比温柔嘅臂膀
慢慢向西方退去
血红嘅晚霞诉说住离别嘅依依不舍

终于明白嗰一句由细听到大嘅说话"夕阳无限好,只是近黄昏"
原来日落真係会勾起人心底嘅伤感
我地走咗之后,哩度依然会日落日出一千次,一万次
但係另一个世界,又会有几多世事变迁
听日,我就要面对现实,去解决一D我希望永远都唔会发生嘅事.
我好清楚Azo未必可以了解我点解咁做,
但我宁愿佢误会,都唔想一个洁白如天使嘅佢,同我一样变成黑暗嘅魔鬼
佢一直都係我嘅好哥哥,照顾我,关心我
听日,我就轮到我要保护我嘅天使.
就算比佢一直误会,甚至憎恨都冇所谓

-诗甜!?诗甜?做咩呆晒咁嘅?
-冇嘢吖...我地可唔可以係E度企多一阵啊?
-但係就离天黑喇喔!
-企多一阵啦...
-E~!?妳仲带住嗰条草链啊?朵花都残晒喇!丢咗去啦!
-唔得吖!我要戴住佢!
-傻噶咩,仲想戴埋翻去吖?妳睇吓?条草都软晒喇!
讲完,Azo轻轻一扯,就扯断咗我颈上嘅草链,随手丢咗係一边嘅草丛中

我地係咪都会好似哩条链咁,保存期咁短暂,轻轻一扯就会断
然后我就好似孤独嘅草链咁,以后都静静躺係比人遗忘嘅角落.
谂到哩度,眼泪就好唔听话咁一涌而出
-诗甜!!做咩吖?Sorry吖,係咪妳想要翻嗰条草链吖?我整过比你啊!唔好咁啦~!!
-T_T~啊哥~我唔想走啊,我好唔舍得哩度吖!!
-傻妹~~我地以后可以再离过家嘛!
-冇机会噶喇!!我知你迟早都会离开我噶......
我任性咁讲住一D Azo听唔明嘅嘢.
-唔会噶,啊哥点舍得离开妳喔.
-你会噶...
-妹吖,究竟妳想讲咩姐?
-你应承我,无论咩事都要信我吖!!
-嗯!!我应承妳!!
-呜呜~~~T_T...呜呜呜~~
-做咩又喊过吖~~~~~!!
啊哥焦急咁望住泪如雨下嘅我,手足无措.
-你应承得咁快!一定做唔到噶!
Azo叹咗啖气,无奈咁笑住望一望我,拉咗我埋佢面前
好温柔咁拨开我额头上嘅头发,轻轻咁锡咗我额头一吓
我成个呆咗,睁大通红嘅双眼望住佢
佢帮我抹咗眼角嘅泪水,皱住眉好心痛咁讲
-唔好再喊喇!妳知唔知啊哥次次见倒妳D眼泪都瘌住瘌住咁架!妳想点,我都可以应承妳,乖啦...

-----------------------------------------------------
终于,旅游巴载住疲惫嘅身心翻到广州,一落车,Azo部手机就响咗
-喂?啊莹吖?
.......
-听日啊嘛!我记得噶喇!....OK,***桌球城啊嘛!几点吖?
.......
-夜晚九点半啊?好啦~Toxic?我叫咗噶喇!不过佢可能得一个钟时间乍!
......
-好啦!我知架喇!听日见!Bye!

-啊哥,妳听日同余莹出去吖!
-係吖,佢好似好紧张咁打电话离问咗几次!
-佢问咩吖?
-问我有冇约到Toxic咯.
-点解佢要你约Toxic出离嘅?
-佢话佢想亲自多谢Toxic带挟佢条仔喔.
嗰个奸婆!咁都谂得出!
-哥吖,其实....你有冇谂过,就算係由细玩到大嘅朋友,都有出卖你嘅一日噶?
-....妳讲啊莹吖?哈哈哈~~~~唔会嘅!佢细细个就好善良噶喇!
或者以前的确係咁,但所有嘢都会变噶......
有时甚至变到你都唔忍心去相信,自己最爱嘅人竟然会出卖你.
嘅然你咁觉得嘅话,我更加肯定咗听日要点做.


Part30
忘了吧 昨天的感伤
谁能救赎谁的过往 谁能填补谁的遗憾
爱不是最后一站 只是借过的小巷
明天的路还那么长
我多想忘记
曾那么爱你
等待某天
一切云淡风清
天涯尽头 只有我寂寞飞行

终于到咗哩一日,夜晚9:10,我同奈奈已经到咗余莹所讲嘅嗰间***桌球城.
佢地约咗係桌球城三楼嘅贵宾房度见面,嗰个余莹唔知搞咗D咩,叫咗咁鬼多人离,
係Toxic离之前,已经有唔少出晒名嘅"江湖人物"行入嗰间房度
差唔多到九点半嘅时候,Azo同Toxic并行住离到,后面仲跟住余莹同"佢条仔"啊Kim
啊Kim仲一手揽住余莹膊头,一手担住支烟大大啖咁索,难为佢仲有心情,搞唔好今晚佢只手都保唔住

我同奈奈企係离嗰间房冇几远嘅一个转角位度
-诗甜吖!我地不如叫多D人离啦!妳一个人咁好危险架!
-冇用架!佢地係黑社会啊!妳古好似我地平时咁打吓交咁简单咩!叫咁多人离,盏Toxic以为我想搞事乍!
-咁妳起码比我同妳一齐入去吖!起码有个照应啊!
-如果想有照应妳就应该係出面等我!唔洗一齐死嘅话,边个帮我地收尸吖!E+起码我Lum咗都有妳抬我翻去啦!
-喂吖!妳咪乱UP嘢啦!不如都係通知大佬Miu啦,或者同邢均惟讲声啦!
-千其唔好啊!!咁样会累咗佢地架!!而且...我都唔想佢地担心.
-其实妳点解唔直接同Azo讲,话余莹利用梗佢姐!!
-我都有咁谂过,不过,寻晚我知道咗咁样行唔通噶.佢地太多年感情喇,唔係亲眼见倒,Azo唔会相信架!今次就等佢自己睇清楚哩个人啦!
-咁....但係妳....
-好啦~时间差唔多喇!我入去喇!

---------------------------------------
我唔理企係门口嗰两条柚嘅拦截,径直推开门行咗入嗰间贵宾房度
我一入到去,所有人都凶神恶煞咁望晒过离我嗰度
哩间所谓嘅贵宾桌球房,应该成日都有D黑社会嘅人係度开会,聚集.
好宽敞嘅房里面,有一张崭新嘅桌球台,隔离三张啡色沙发围住中间一张玻璃茶几
嗰D所谓嘅大佬,隔离都企咗一D好恶死嘅0靓係度
中间嘅沙梳发,坐住Toxic,佢着住黑色皮嬲,敞开嘅心口分明纹住一只虎.虽然平时係电视见到D咁嘅形象冇咩感觉,不过眼前Toxic嗰种摄人嘅气势,令我有D不寒而栗.佢担住口学茄,用D颇为得人惊嘅眼神打量住我哩个突然间闯入离嘅人.
Toxic左面企住地位好高嘅师爷,同一个好大只嘅女人----------吖!!!冤家路窄!我终于记得,佢係上次同我地有过节嘅嗰个Sucy嘅大家姐!佢几时跟咗Toxic出离行~~~~~~~~今次真係湿制!
嗰个大只女人好似仲认得我,嗰对三角眼盯住我唔放!!我望住佢嗰个似乎好打得嘅身型,有D不详预感...
而左边嘅梳发坐住余莹同啊Kim,余莹见倒我,即刻换咗一种好阴森嘅表情,
係佢地对面嘅Azo,都好意外咁瞪大眼望住我
成间房嘅气氛係阴阴沉沉嘅灯光之下变得更加恐怖

-（Azo)诗甜!!?妳点解会係度嘅?
-（师爷)余莹,哩位小姐又係妳叫离架?
-（莹)唔係喔~我个个都有叫,係冇叫佢姐!有人不请自来~
-（Azo)啊莹,咁讲法...姐係其他人都係妳叫嘅!?妳又话只係想多谢....
-（师爷)Azo!你係度讲咩啊!Toxic哥百忙之中抽时间出离,都係因为你要加入我地**堂乍!
-（莹)Azo,你又话帮我嘅?
-（Azo)我係咁讲过吖,帮妳多谢Toxic啊嘛!
-（ME)Azo!!你咁都唔明!!余莹係想你出离行啊!佢想借你对佢条仔报仇乍!!
我一句话弹出离,情况变得更加混乱,Azo一面疑惑咁望住我同余莹,而啊Kim更加激动到扯住余莹大声话
-莹!!佢讲嘅嘢係咪真架!!吓!!?
-（莹)係又点吖?你唔谂吓你自己平时点对我!!以为自己好巴闭!E+我根本唔洗再靠.....
余莹未讲完,啊Kim就一巴Come落去,佢块面即刻红晒
-（Azo)啊莹!!
-（师爷)Kim!!你係Toxic哥面前郁手,姐係唔尊重佢姐!

-（Toxic)边个再係度随便郁手,咪怪我唔客气!
Toxic冷眼睇住眼前嘅混乱场面,终于开咗句声.
所有人即刻静晒,冇人敢哼一句声
-（Toxic)Azo,你讲,究竟佢地两个,边个讲嘅嘢先係真嘅!
Azo都仲係好迷惘咁望吓我,又望吓Umm住半边面嘅余莹
-（ME)Azo吖,余莹佢一直都利用你架!你听唔听倒佢岩先讲嘅嘢啊!!
-（莹)Azo,虽然我呃咗你係唔岩,但由细到大你都话你会保护我架!E+我比个衰人hup到咁,只有你可以帮倒我噶乍!你应承Toxic哥,出离帮佢啦!
余莹竟然利用Azo细个嗰时嘅心理,仲逢迎埋Toxic先!!
-（Toxic)Azo,我今日叫咗咁多个兄弟离,你点都要比佢地一个交代.E+我唔逼你入会,你谂清楚你信边个,而另外嗰个,唔洗旨意可以行出哩个门口!!
我用信任嘅眼光望住Azo,我相信佢会信我噶!
而余莹就楚楚可怜咁望住Azo
Azo嘅眼光就係我同余莹两对眼之间来回,最后......
佢嘅目光停咗係我身上
-（Azo)我信...诗.....
-（莹)Azo!!!我搞成咁!都係因为佢乍!係佢勾引啊Kim,然后仲想抢走埋你!!
余莹见倒Azo几乎讲出我个名,即刻爆句话出离发挥佢狡猾嘅本色
-（Kim)癫婆!妳讲乜吖!!
-（莹)妳地哩对狗男女!成日係我面前眉来眼去!仲有妳啊!妳竟然仲想呃埋Azo嘅感情!!!

我啤住余莹行前两步,举起手准备一巴煎落去,点知
Azo一把捉住我手腕
-诗甜!!
佢未讲第二句话,大只女人即刻一扯扯住我件衫话
-妳听唔倒Toxic哥讲咩噶咩!!咁老串郁手!!
跟手一把come落我块面度,好痛...好似比火辣过咁...
-（Azo)唔好啊!!!
Azo,你咁样根本冇用噶!!你岩先挡住我打余莹,姐係表示妳信嗰个係佢啊!
我知可能你一开始信嘅人係我,但係你点解要帮佢挡嗰一巴??
我一手抹咗嘴角嘅血,用质问嘅眼神望住Azo
Azo好痛苦咁摇头
-（Toxic)比D教训个0靓妹!!
Toxic一声讲完,大只女人即刻一手揦咗桌球台上嘅几支笃波棍係手,然后成扎棍咁欧落我对脚度
我即刻成个跪低咗,小腿上嘅骨好似碎晒咁,唔够两秒,上身都支撑唔倒趴咗係地吓
我早就感觉到自己撑唔落去,但係都要用唯一嘅一D力气去抬高头,望住Azo,用抖震嘅目光问佢"点解仲要帮佢?点解咁对我"
Azo一早就受唔倒我哩种折磨佢嘅目光,佢想冲上离我身边,但係可恶嘅余莹又即刻拉住佢

Phreeoni… 发表于 2005-10-6 18:26:53

昏迷…这么长…还广东话版…是不是应该放在闲情杂聊版?…

弒神天使 发表于 2005-10-6 18:27:10

-Azo,唔好吖!!妳上去帮佢,咁摊係度嗰个就係我噶喇!我顶唔顺噶...Azo,你应承过我架!"
Azo几乎要崩溃咁制,神情惨然咁企係原地
直到哩一刻,我先知自己已经彻底咁输咗
佢根本唔可以摆脱余莹.如果唔係佢一早就跑咗过离我身边
係嘅,係佢心目中,我点都挨得过弱不禁风嘅余莹,还掂都牺牲咗我,无谓因为帮我而令到多一个人受伤啦
Azo,你係咪咁谂?
係哩D时候,我一早就应该喊咗出离,但係我冇,流出出离嘅只有鲜红嘅血,
我係你面前鲜血淋漓,而你,终究只可以痛苦咁企係我同另一个女人之间.

Toxic嗰班人临走之前,仲大力过男人嘅大只女人又狠狠咁係我身上加多一棍
-比面啊Miu,今次就算数!
然后一大棚人嘅脚步陆续係我眼边经过,
我摊咗係地吓,已经唔可以移动一只手指
Azo冲咗过离,跪係我身边,抱起我上身,係佢眼角嘅唔知係咪叫泪光
-诗甜!!对唔住吖...对唔住吖,我....
我感觉倒佢连透气都好辛苦
但係我呢?你已经用尽晒我对你嘅好,点解要讲对唔住,点解係哩个时候先跑过离??!

-缩开你只手啊!!!!!安祖凝!!我以后都唔想再见到你!!!!!


Part31
我不冷 这是我的宿命
我用尽所有的生命 延续你的体温
放心离开我 我会记得怎么过
那些依旧飞翔着 不可思议的梦
曾经被你温暖过 我冰冷的双手
活下去究竟是为自己 还是追逐一种预料中的惊喜
我 不是远行 不是逃避
毁灭 是为了机会回忆永恒的华丽
你 要照顾自己 不要忘记
那些灿烂过的痕迹

-诗甜!!!!!

我唔係比人打到神智不清啊嘛...点解会听倒邢均惟把声嘅?
朦胧中见到门口有一个紧张万分嘅身影冲咗入离
然后跪低想抱起训係地上嘅我
我隐隐约约见倒一对黑亮嘅双眼,闪住颤抖嘅目光
哩对眼总係係我受倒伤害嘅时候,无条件咁温暖住我
真係均惟!!?佢唔係去咗澳门噶咩?点解...!?
係佢后面嘅,係奈奈,佢一见倒我咁样,就即刻捂住嘴喊咗起离

-啊!...好痛啊..!!
均惟一抱起我,我全身嘅骨就好似断裂开咁
-（Azo)唔好吖!!咁样佢会好辛苦架!!叫白车啦!!
-（邢)你收声啊!!係你搞到佢咁架!!如果佢有咩事,我一定唔会放过你!!
我从来都未见过咁恶嘅邢均惟
Azo面上写满咗愧疚,佢冇讲到咩,只係即刻打电话叫救护车离
-（莹)Azo吖,E+白车都call咗囖,我地走啦!
余莹拉住Azo手臂讲.Azo好大力咁fing开佢只手.
-（奈)八婆!!妳仲够胆开声!!
奈奈两步行到佢面前,一扯扯住余莹D头发,兜巴come落去
-（莹)妳...
余莹正想出声,奈奈又一反手,从佢另一边面煎多一巴 ---+啪+------
余莹好唔服气咁瞪住奈奈,但佢根本唔够力反抗
-（Azo)奈奈!!
-（奈)Azo!!我古唔到你咁噶!!你仲想帮哩条八婆!!妳望吓诗甜!
Azo又用嗰种唔知係怜惜,定係心痛,定係愧疚嘅目光望住我
我令咩面,眼泪几乎要冲出离,点解到哩个时候,见倒佢咁嘅目光我仲会想喊
-（邢)奈奈,算啦!打佢盏整乌糟自己只手!
奈奈"链"住余莹块面话
-妳同我因住离啊!!
然后就一On,On咗佢撞埋墙嗰度!最应都係最尾哩一吓!
虽然我E+心情好混乱,身上又痛到几乎随时都会撕裂咁
但係见到奈奈帮我出咗啖气真係好感动
而余莹,佢应该好清楚奈奈嘅亲生啊哥係边个,佢唔敢得罪奈奈.

我望住围係我周围嘅人,每个人都带住复杂嘅表情
我慢慢咁越望越攰,唔知係边个时候眯埋咗双眼.....

---------------------------------------------------

同以前比人恶打完一样,醒翻嘅时候,我周围就係白色嘅床,同围墙
亦都同每一次入院一样,只要我醒得翻就要坚持出院.
因为我好怕医院嗰阵味,同埋嗰种阴凉寂静嘅环境

比个医生话咗几句之后,佢终于肯揾部救护车送我翻屋K,仲有均惟同奈奈都一直陪住我
翻到屋K之后,我就僵直晒咁摊係铺床度,因为D手手脚脚全部绑住晒绷带,成个木乃伊咁郁都郁唔倒
我只手伤得唔算好重,只係关节位肿咗,同损咗少少
不过对脚就真係好痛好痛.係我咁大个人受过嘅伤,最痛嘅一次.
医生话我右边嘅小腿骨折,E+用D夹板定住位,等断咗嘅骨生翻正,短时间内都唔可以落地行路.
谂翻起比大只女人拿住成扎棍扫落离嗰一刻,真係好似发咗场恶梦咁.
然而,谂起Azo係我比人打得最惨嗰阵,企係离我两步远嘅位置,始终冇冲到离我身边保护我
嗰两步嘅佢离就好似相隔住汪洋大海咁
哩种失望同抽痛已经盖过身体上嘅痛楚

-奈奈,对唔住吖,我有亲咩事都烦倒妳嘅...
-妳吖!成日做嘢都唔理后果噶!以后唔好再咁样喇!!
奈奈一边用热毛巾帮我抹面,一路带住D责备嘅口吻话
-知噶喇...均惟呢?
-佢落咗去超市买嘢翻离比妳食吖!
-我都冇胃口.係呢,佢点解会去咗桌球城嗰度嘅?
-妳入咗嗰间房之后,仲係放心唔落,咁咪打个电话同佢讲咯.话晒佢都係妳条仔吖,有咩事佢都应该知架.
听奈奈咁讲,我真係觉得好对唔住均惟,佢一知道我可能会有事就即刻赶翻离!
之前我仲呃佢话哩两日去睇咩画展
-（奈)其实妳咁样为Azo,真係值得咩?
我艰难咁叹咗啖气
-我谂哩样係我最后为佢做嘅一样嘢喇.以后我要行翻自己嘅路.或者一开始,我就唔应该识佢.

本来好好地,天使有自己宁静嘅天堂
魔鬼唔小心闯入咗一个唔属于佢嘅世界,先会惹离一个个美丽又痛苦嘅误会.
无论你点样对我,或者以后会变成点
你始终都係我心里面嘅Mr.Angel,我冇办法去嬲你,亦都唔忍心再去责备你
或者所有嘅错误都係由我而起
都怪自己扰乱咗你嘅生活
放手,会心痛,都係因为曾经深爱过

-妳自己识谂就得喇.邢均惟买咗D嘢翻离喇!我去整比妳食啦!
奈奈叹咗啖气走咗出房.均惟行咗入离,坐咗係床边
-点吖?係咪仲好痛吖?
-冇啊......
-仲想死撑啊!?
-点解你唔问我点解搞成咁嘅?
-到妳想讲嘅时候就自然会同我讲噶啦..E+妳要休息多D.学校嗰方面我会同妳搞掂噶喇!
-你又唔係我家长,点同我搞掂吖!
-咩吖~话晒都係妳半个老公吖!
我望住均惟,见倒佢个细路样上面懒成熟嘅表情,忍唔住笑咗两声
-哈哈...哇~~~好痛>_< >_<
-妳痛就唔好学人笑啦!都唔知人担心嘅!
-咩喔...
-诗甜吖...我岩先买嘢上离嗰阵,係楼下见倒Azo吖,佢想上离探妳...
-係咩...
-不过我赶走咗佢啊.Sorry吖,我嬲得制,所以...
-算啦!我都唔想见倒佢...

Part32

忘记会不会比较懂事
纪念的照片 看来多讽刺
想念算不算一种窥视
反正没有人 填心中位置
我站在离你最远的位置
消失在寂寞泛滥的城市
伤心得自以为是
像宠坏了的孩子

唉~~~~~~唉唉~~~~~~~唉~~~~~~想死咁制啊!!
我已经摊咗係张床度两个星期喇!!E+都仲算好,可以自己落床行几步路.
谂起第一个星期嗰阵,连冲凉都冲唔倒,最多都係自己抹吓身,真係超级恶顶!!>_<
后离好少少,可以去洗白白,不过又唔可以湿对脚喔!
咁我冲一次凉,就扯咗几也张保鲜纸包住对脚,小心翼翼咁淋D水上身.
一个唔小心整湿对脚就要去医院重新包扎过
哩两个星期里面,我觉得自己麻烦咗好多人,因而越离越觉得自己好似废柴咁

奈奈同啊细一得闲就上离帮我煮饭,执屋,仲买定晒D罐头之类嘅嘢,等我饿嘅时候有嘢死.
事实上哩两个星期以离我都冇咩胃口,几乎冇认真咁食过一餐饭,体重从本来嘅92斤下降到82斤.
双手就好似两支筷子咁,我都唔敢想象对脚拆咗石膏之后会瘦成点
而均惟呢,佢成日上离陪我倾计,买好多杂志吖,关于画画嘅书比我睇,仲惊我D功课赶唔上,帮我补习添
不过每次佢一拿D课本出离嘅时候,我都会扮晒扭计咁.
然后佢就咩都就晒我,拿本杂志过离同我研究吓今期有咩新嘢出......（其实都好无聊)

点都好啦,有人陪好过冇人陪.
当佢地个个都翻学嘅时候,先至係我最难顶嘅时候.

一个人摊係铺床度,默然咁听住音响里面播住嗰D悲伤嘅情歌,总係会情不自禁咁谂起佢....

谂起我地第一次见面嘅嗰个初秋嘅午后,嗰知飞中佢心口嘅画笔,佢嗰句冷冷嘅说话,同淡淡嘅香味

谂起佢係我比人撩嘅时候,搭住我膊头,大声咁话我係佢条女

谂起嗰一个伤心嘅下午,佢带我越过学校嘅围墙逃课,去到流前打机,影贴纸相,食寿司嘅情景

亦都谂起嗰条阴暗嘅巷仔里面,佢抱住比我打伤嘅人,係我身边失望咁离开嘅身影

谂起佢係嗰个失魂落魄嘅夜晚,从舞池带走我嗰只温暖嘅手,係我发烧嘅时候,包围住我嘅双臂

谂起艺术节嘅晚会上,佢用嗰只艺术家嘅手指,轻轻咁係我嘴唇上扫上最靓嘅颜色

谂起大雨滂沱嘅学校空地上,周身係伤嘅我忍受住寒冷同刺痛,身边嗰个陪我淋雨,鼓励我要勇敢面对问题嘅身影

谂到上两个星期嗰间恐怖嘅桌球房里面,我比人打到无法支撑起身体嘅时候,佢闪住泪光嘅愧疚,同写係眉头间嘅心痛
.......

可能因为哩一切总係係我脑中挥之不去,所以我总係中意呆想住哩一切,听住江美琪嘅<我又想起你>

我想我还要继续学习 悲伤的时候不闭上眼睛
趁眼泪没有形成前 就蒸发到空气里
我想我还要继续努力 听完了情歌可以不决堤
那些蠢蠢欲动 爱的回忆 会让思念都哭泣
当我想起你 有一种绝望的灰心
总会让街头某个相似背影 若得忍不住伤心
当我又想起你 是我躲避不及的原因
总以为可以否定你的爱情
却在不成眠的夜 我又想起你

原来不知不觉中,哩两个月,我地之间已经发生咗咁多难以忘记嘅事
係天使同魔鬼一齐编写嘅童话
虽然童话唔係每一页都咁美好动人,但係里面嘅每一种感动,每一种痛苦,都成为咗我心里面最珍贵嘅回忆
係我决定唔再痴缠你嘅嗰一刻开始,我已经决定依靠住哩D回忆,
一个人坚强咁行落去

----------------------------------------------

-（细)食橙啦,诗甜!
-（ME)555~~~~~~~~又係橙...唔係橙就苹果,唔係苹果就係橙...>_<
-（细)小姐~!妳E+仲係等待康复中吖!唔係食生果妳仲想食咩吖!!
-（ME)唔同妳讲!!...奈奈~~~~今晚买嘢翻离打鞭炉吖!!
-（奈)唔得喔!打鞭炉燥吖!妳唔食得!!
-（ME)5555~~~~~~~~~~好惨啊~!!咩都唔食得!又唔可以出街!!
-（奈)我地E+咪一放学就上离陪妳咯!等阵baby仔都上离噶喇!
-（ME)係喔~~学校嗰边有冇催我快D翻学吖?
-（奈)咁又冇喔,我地有晒医生纸比佢睇家嘛!D主任边敢啊之啊咗!
-（细)不过呢,大佬Miu嗰边就麻烦D喇!
-（ME)佢知道咗喇!!?
-（细)唔知边条柚同佢讲话妳同Toxic班人有D磨擦咯!
-（ME)惨啦今晕~~~~~~~~比大佬Miu知道咗佢实唔会咁易算数噶...
-（细)咪係咯!!不过我同奈奈已经同佢讲话冇咁嘅事噶喇!但佢仲话要亲眼见过妳先得喔!
-（ME)唔係啊化~~~~~点办点办...
-（奈)我地同佢讲话妳係学校好多嘢做,咁佢先勉勉强强信乍!
-（ME)好彩姐~~~~~~~係呢!?咁学校哩排有冇咩嘢发生吖?
-（奈)....妳真係想知?
-（ME)嗯嗯!有咩唔妥吖?
-（奈)听讲邢均惟同安祖凝反咗面吖...
-（ME)...哦,原来咁吖...
-（奈)仲有吖,Azo每次见倒我同啊细都问妳点吖!仲话要上离探妳喔!
-（细)係吖係吖!睇佢嘅表情好似好紧张咁!不过均惟师兄就唔比佢见你,而且妳又话唔想见佢....
-（奈)不过,Azo今次好似好认真咁,今日上梗扫描课嘅时候,佢仲去我地课室话揾妳吖!
-（ME)佢真係咁做...?
-（奈)唔,我地班D人都好意外吖,佢去到我地班嗰时仲插住个袋话"老师,我要揾秦诗甜!"咁,跟住成班人都係度起哄,激到个老师即刻的咗佢去办公室.
-（细)哩件事我地班D人都传得好衡吖.可能Azo太出名喇,E+D女仔仲话....
-（ME)话咩吖?
-（细)...话妳一脚踏两船咯.仲话妳搞到Azo同均惟发面....不过放心啦!我警告过佢地噶喇!

哩两个星期,Azo打过好多次电话比我,不过我次次都冇接到...
可能佢仲觉得好内疚,其实佢唔需要因为内疚而做哩D嘢,我虽然仲有D唔开心,不过已经冇嬲佢.


Part33

今日终于去医院拆咗石膏.不过医生话仲要定时翻去复诊,要敷药同埋唔可以行太多路
点都好啦,冇咗嗰旧石膏,行步路都FREE D!!
我係屋K享受梗行路嘅乐趣（真係戆居)...突然间门铃响咗!
EE~~~~E+奈奈佢地应该仲有两个钟先放学喔~!边个呢?

-嚟喇嚟喇!边个吖~~~~!?
-秦诗甜.
-余颖!?!
余莹个妹点解会离我屋K嘅!!?所谓有其姐必有其妹!鉴于佢两个之前对我嘅所作所为,我即刻进入咗戒备状态!
-妳揾我做咩吖!?
-我可唔可以入离吖?
睇余颖个样又唔似做衰嘢喔!加上佢一个女仔都唔可以做倒D咩.
-坐啦!饮D咩吖?
-唔洗喇!...其实,我今次离係想......
-有咩咪讲咯!
-我想代家姐同妳讲声对唔住,同埋...希望妳唔好再嬲Azo师兄!
-妳咁咩意思吖!妳家姐做错嘢要个妹离讲吖!我同安祖凝已经冇任何关係,妳唔需要专登离讲E D嘢吖!
-妳同家姐,仲有Azo师兄係桌球室D嘢我已经知道咗喇!
-咁又点吖?妳想润我吖E+?妳家姐威晒啦!仲想讲D咩吖!
-唔係啊!家姐输咗喇.
-...??
-係嗰晚嘅前两晚,我地啊妈过咗身...
-吓?
-啊妈过身之前,家姐同Azo都係度,Azo係我地啊妈临走前,应承咗会好好照顾我家姐.可能係我地啊妈由细睇到佢大,加上啊妈走咗之后,家姐係佢面前想介手自杀,Azo先会咩都听晒家姐话...
-哼!我点解要信妳啊!
-妳可以唔信!不过我同家姐仲有老豆迟D就会翻深圳间屋度住,无必要专登走离呃妳啊!
-你地要走?
-因为啊妈过咗身,家姐又变成咁,我地留係度都比唔起生活费...
-Sorry吖,我岩先仲......
-其实谂起,我之前都对妳做过D过分嘅事.嗰时,我仲以为家姐可以变翻好...但係佢已经完全係另一个人喇.佢用啊妈嗰句话,同自杀哩要挟Azo,要佢应承佢一定要帮佢.嗰时Azo根本唔知家姐会要佢做D衰嘢噶.
-算啦,咩都过咗去啦!
-其实Azo帮埋家姐最后嗰次之后,就冇见过佢喇.而且...我谂,Azo中意嗰个可能係妳啊.因为家姐翻离之后,自己係度冷笑住话Azo竟然为咗妳come咗佢一巴.
-......
-一直以离,Azo都係一个好温和嘅人,如果佢唔係咁在意妳,都唔会咁做啦.
-......
-我要讲嘅都讲晒喇!我都係走先喇!
-余颖!妳地几时走吖?
-后日咯!唉~希望家姐翻到深圳之后会收心养性啦!
-哩个係奈奈佢地帮我求嘅平安符,妳袋起佢啦!
-...点解...?
-冇咁婆妈喇!希望你地以后一切顺顺利利啦!
-秦诗甜...多谢妳吖!我离咗哩间学校咁耐,一直都冇咩朋友.我以前咁对妳,妳仲...
-得喇!妳咪咁鬼凉啦!得闲咪打电话比我咯!!

-----------------------------------------------------

余颖走咗之后,我D心情变个更加复杂.觉得好似误会咗佢同Azo咁.
谂翻起嗰日,Azo想冲过离帮我嘅时候,余莹对佢嗌咗句

-Azo,唔好吖!!妳上去帮佢,咁摊係度嗰个就係我噶喇!我顶唔顺噶...Azo,你应承过我架!"
然后Azo几乎要崩溃咁制,神情惨然咁企係原地

原来佢係惊自己违背对咗身嘅余妈嘅承诺,同埋惊啊莹以死相逼...
其实佢见倒余莹变成咁都已经好伤心
而我仲大声话唔想见倒佢,佢一定会好唔开心
仲有,佢真係为咗我打咗余莹一巴....?佢真係会为咗我咁做...?

------------------------
係我仲处于复杂嘅思绪当中嘅时候,门铃又响咗起身

-均惟...
-唔好意思吖,今日冇陪到妳去拆石膏!
-唔紧要啦,Franky同我去咗喇!
-E+只脚仲有冇痛吖?
-....
-诗甜?
-吓!?...
-我问妳只脚仲有冇痛吖?
-冇咩事喇....
-做咩成条失魂鱼咁嘅?
-冇吖!....均惟吖,可唔可以带我去兜风吖?

-----------------------------------

我坐係均惟车尾,带咗顶头盔,揽住佢个条腰, 係白云山一条成日有人去链车嘅路上面风驰电掣.
嗰部两个碌嘅跑车,虽然开得好大声,full full声咁过（D男仔觉得咁先型),不过胜在速度真係好快,同埋"座"得好低.
D风係个头盔瘌度摄入离,吹到块面好似飘吓飘吓咁
道路两边嘅景物真係名副其实嘅一闪而过
係极速奔驰之后,个人会清醒好多

上到白云山嘅一个亭度,我地停咗係度
我企係围拦后面,对住山下嘅城市大声嗌
-啊~~~~~~~~~~~~~~~!!!!好舒服吖~~~~~~~~!!!
比冬天嘅寒风吹到块面几乎麻痹之后,有一种莫名其妙嘅畅快感
大声嗌完之后,更加觉得将好多郁住係心里面嘅嘢都嗌晒出离

我同均惟係山顶嘅士多度买咗两支热嘅维他奶
然后坐係个亭度一路饮,一路倾计
均惟见倒我心情好咗咁多,都变得好开心
从五点几倾到七点几,就离走嘅时候,均惟拉住我只手话
-诗甜吖,哩只戒指係我今日係首饰店见倒噶....
佢一路讲,一路帮我戴咗只戒指係无名指度
无名指!!?係喔!!点解佢会戴係无名指嘅!?
-唔知点解我见倒只戒指嗰时,就觉得好想亲手帮妳戴.虽然E+好似早咗D......
-均惟吖,你讲咩吖?
-如果可以嘅话,我想以后都可以take care妳吖!
-傻咗咩!无端端讲D咁嘅嘢!
-唔係吖!因为我紧妳,所以我好想知道我係妳心目中係点噶!
-咩係点吖...?
-我今日係学校听倒D唔係几好嘅嘢,所以...
怪唔知均惟好似怪怪地咁啦!佢实係听倒人地係度讲我同Azo D嘢啦
-你咪听人乱讲啦!
-咁我听妳讲咯,妳有冇谂过嫁比我吖?
-你....做咩咁问喔!我地仲咁细!
-如果你觉得同我一齐开心嘅话,就应该会谂过噶!!
哩个问题对我离讲太沉重喇!!而且,均惟帮我戴上只戒指嗰时,都唔係嗰种感觉嘅!
如果係真正戴上结婚戒指嘅时候唔係应该有好幸福好sweet嘅感觉噶咩,就好似......
嗰次係西岸,Azo帮我戴上条草链嘅感觉一样......
我除咗只戒指,放翻係均惟掌心
-咩意思吖?
-sorry吖,我冇谂过.
-原来真係真嘅!妳係咪中意Azo吖?
-唔关事架!
-咁妳讲啦!点解啊!?
-同你开始嘅时候,我真係想自己同你一齐可以揾倒嗰种感觉噶!!
-咁妳揾倒未吖?
-（摇头)Sorry吖!
-（苦笑)根本就因为安祖凝!!妳係咪为咗佢先比人打啊!!?
-.....
我低头,无言.
-讲啦!!
-係吖!!唔单止为咗佢比人打!连前一日,我话要去睇画展嗰日,我都係同佢去咗旅游!
-点解要呃我吖!!!
均惟好大声咁质问我.
其实我都觉得岩先嗰句话好Hurt佢,不过我唔止一次咁觉得,自己如果勉强同佢一齐嘅话,先至係继续咁呃佢D感情.
我真係试过去中意佢噶...不过係同佢一齐嘅过程中,我有冇将佢当成Azo嘅替身,我唔知...
我知道自己好自私,係同佢开始嘅时候已经做错咗.
E+我讲咩都唔用,讲对唔住只会令佢更加憎我.
-咁妳E+係咪想散吖!?
佢个身仲震梗,但係D口吻就平静到好得人惊
-唔......
我点咗点头.
就算以后佢会好憎我都好,我都唔想继续呃住佢.
佢越对我好,我就越觉得内疚.我宁愿佢以后都咁憎我.
佢好嬲咁掟咗只戒指係地下,自己上咗部车,Full一声咁开走咗...

-------------------------------------------------
嗰一个心里面无比混乱嘅傍晚,我一个人行咗个半钟,终于行到落白云山脚.
其实哩段路可以半个钟就行完,但唔知因为我只脚越行越痛,定係因为自己一路行一路谂咗好多嘢
行到落山嘅时候,个天已经黑晒
周围又静又冻,D风吹到一棵棵又高又瘦嘅树好似群魔乱舞咁
我坐咗係路边,摸住行唔郁嘅脚,
打咗个电话比奈奈叫佢离接我.唉...我真係麻烦得佢地太多喇!

奈奈一从的士跑落离,我就忍唔住揽住佢大喊咗出离
奈奈扫住我背脊话
-做咩吖~?冇事噶喇!唔好咁啦!
-我觉得自己好衰吖!!
-发生咗咩事吖?妳点会一个人係哩度噶!?
-我岩先同均惟讲咗散喇!!佢...佢嬲得制就自己走咗喇......
-其实都好嘅,应该面对自己嘅感情噶.
-但係...我真係做错咗吖...我一开始就唔应该同佢一齐噶!
-妳唔记得我地一齐睇嗰出电影喇?里面有句话讲"两个人係埋一齐,冇对同错,只有爱同唔爱"吖...
-5555~~~~~~~T_T T_T T_T

喊吓喊吓,我对脚一阵剧痛,一时间冇晒力,成个坠咗係奈奈身上
-诗甜!!!做咩吖!!?
-啊...我..我对脚....

----------------------
医院诊室
-秦诗甜小姐,妳对脚岩岩先拆咗石膏,E+因为过度疲劳令到几乎康复嘅脚骨重新移位,加上,根据我地嘅检查,妳对脚应该唔只一次受伤,以前嘅旧患都得唔倒好嘅治疗,今次新伤旧患加埋一齐.根据我地初步诊断,妳对脚可能......以后都唔可以行翻路...




Part34

-（奈)咩话!!?行唔倒!!?医生你有冇检查清楚吖!!点解会咁严重架!!??

本来以为脚伤只係好少事嘅我,突然间听倒医生竟然话可能以后都行唔倒,成个人都怔住咗,心里面好似打咗个旱天雷咁.僵咗係度出唔倒一句声.

-秦小姐冇注意旧患,积埋积埋.今次仲要骨折岩好翻D就行咁耐路,条骨冇断翻开已经算好彩.E+我地再用夹板固定住小腿.係哩三个月内妳对脚唔可以再用力,要定时敷药,护士会帮妳预约复诊时间.
-（奈)咁...以后呢!!?佢对脚可唔可以好翻架!?医生,你一定要医翻好佢吖!求吓你啦!!
-放心,我地会尽力嘅.不过好唔好得翻就要留待观察先知.暂时离讲,情况仲係比较严重.

--------------------------------------

今次,再出医院嘅时候,我坐係轮椅度,奈奈係后面推住我.
昏暗嘅路灯光下,係我可怕嘅沉默,深夜嘅前路,黑得几乎冇出口.就好似我E+近乎绝望嘅未来咁.
谂到自己可能以后都唔可以好似正常人咁跑跑跳跳,甚至嗰种双脚着地嘅踏实感觉都会离我而去,
我已经感到无比恐惧.
唔敢再谂落去,如果其他人知道咗之后会点.会同情?可怜?定係嫌弃?
我宁愿个个都唔理我,都唔想人地可怜我,同情我,好惊听倒人讲"妳真係惨..."
咁样,我最后嘅一D尊严都会失去.
要点样适应人地嘅眼光?点样面对注视住我嗰对搁係轮椅上嘅脚嘅目光......

然而,最令自己心伤嘅係,E+嘅我必须放弃一切,为咗唔比自己最中意嘅人见倒我咁嘅样,
我会选择默默咁离开,疏远...
甚至连佢见倒我咁,会有咩反应都唔咁谂,又点可以咁嘅样出现係佢面前...
我会舍弃我嘅最爱,换离我係佢心目中嘅最后一个美好嘅印象.

哩一晚,就好似将我一世人要谂嘅嘢都集中係一日谂晒咁,
心情有几复杂只有我自己知道,个脑沉重得几乎要爆炸咁.
我嘅双脚已经从剧痛转为麻痹.麻木安静咁搁係轮椅上.
黑夜中,我揾唔倒出路,前路一片黑暗;亦揾唔倒退路,我知道回头望,见倒嘅只係两条轮椅辗出离嘅痕...

------------------------------------------------------

第二朝起身,明明係一个大好早晨.但係我心目中,所有嘢都改变咗.
我唔再可以好似以前咁,中意去边就去边,可以玩可以跑可以跳.
但E+,连行步路帮自己斟杯水都係一个奢求.

死?我当然有谂过.
而且自从听倒嗰个消息之后就谂过无数次.从此离开哩个世界,唔会再有烦恼,唔会再有后顾之忧.
但係,见倒成晚陪係我身边嘅奈奈,啊细,同Baby仔,佢地通红嘅眼眶,同写晒係面上嘅忧心同关心,我唔忍心就咁离开,唔狠心将所有烦恼留比佢地.
佢地听倒哩个消息之后,成个僵晒,然后係凝重嘅冷空气中默默咁流泪.
虽然大家都冇讲一句嘢,但佢地所有想讲又惊讲错嘅说话,我都完全收倒.
如果我係佢地,我都唔知点样可以安慰自己
如果话世界上仲有一DD嘅嘢,可以成为我撑落去嘅动力,就係佢地...或者仲有一个人,一个我唔敢再去接近嘅人...

-奈奈,妳今日翻学嗰时,可唔可以同我搞埋退学手续吖?!
-退学!!?点解吖!诗甜吖?妳要放弃喇!?
-放唔放弃都唔轮到我去选择噶喇.
-唔好咁啦!医生话可能之嘛!!仲有机会可以好翻架!!
-机会有几大,我地都好清楚啦...我唔想再受学校嘅压力吖,我已经请咗太多假,旷咗太多课喇!还掂我都....干脆退学咯......
-其实妳可以照常翻学架!!画画係用手噶之嘛,又唔係......sorry吖...
奈奈好似觉得佢讲嘅嘢会Hurt倒我咁,连忙道歉
-妳唔洗就住我离讲嘢噶喔.我好清楚自己咩情况.如果连你都就住我,咁我先会觉得难顶啊!
-妳唔好退学啦!!难得妳岩岩先对画画有D兴趣,有我地係度,冇人敢讲D咩噶喔.
我无奈咁叹咗啖气
-可能自己在意人地嘅眼光挂,我真係接受唔倒人地当我"陛"（瘸)妹离睇吖!
-诗甜吖,最紧要我地都冇谂过咪得咯!
-我知你地唔会吖,不过....我真係面对唔倒.....
-咁妳要退学,起码都要同妳啊爸啊妈讲声吖!
-......唔洗噶喇.佢地根本一早就唔想理我.

我啊爸啊妈,E+各有各忙,都唔知几年冇见过佢地.
我一早就唔似其他仔女咁,有亲咩事就依赖父母.对我离讲,好多嘢都要自己解决自己面对.
或者我应该多谢佢地,唔係佢地咁多年离都唔多理会我,我或者一早就崩溃咗.
E+颤抖住嘅坚强,就係係孤单之中练成嘅.
况且,如果比佢地知道我搞到咁严重,一定拉我去外国医.
我唔要离开广州,就算唔可以係Azo身边,我都要知道自己同佢係同一个城市,淋住一样嘅雨,行住一样嘅路...唔係,应该话係一样嘅路上面来来往往.

-咁...妳啊哥呢?
-....我都冇啊哥嘅.
-妳知我讲边个架!安祖凝啊!
-佢.....我唔会比佢知我要坐轮椅噶.
-诗甜吖,妳对佢点,我E个局外人都好清楚啦!!
-妳千其唔好同佢讲啊!我求吓妳吖!如果佢知道咗,我真係连最后嘅尊严都冇埋噶喇!!!
-但係,妳谂住以后都係咁?可以瞒得几耐吖!!
-我唔知.总之我唔会比佢见倒我.妳帮埋我哩个忙吖!!仲有叫啊细佢地都唔好讲出去吖.
-Emm......

----------------------------------
到奈奈放学嘅时候...
-点吖??退学D嘢搞成点吖?
-本来就搞掂咗嘅,点知比嗰个Azo搞祸晒咯!!
-...Azo!?点解嘅?
-校长谂住叫Miss揾翻D学历表,成绩单比妳嗰时,Azo失惊无神标咗出离,仲叫校长唔好比妳退学吖!!
-佢搞咩吖...
-佢问我点解妳要退学,咁真正嘅原因妳又话唔准讲,咁我咪无出声咯!佢就话一定要揾倒妳离问喔,仲同校长讲如果妳退学嘅话,佢都会退啊!咁妳话校长点喇?梗係留住D劲人先啦!
-.....唉~~~佢点解仲要咁做吖!
-我劝妳就算唔比佢见都打个电话同佢讲清楚先喇!如果唔係佢都唔会咁易罢休!!

奈奈走咗之后,我犹豫不决咁拿起个电话有放低,挣扎咗好耐.
我惊听倒佢把声之后,会忍唔住喊,或者将自己D惨嘢都爆晒出离.

终于,我都係慢慢Gum出咗佢嘅电话号码.





Part35

我不会改变 不会挂念
等待乌云散进风里面
明天是晴天 阳光穿过了发线 呼吸自由的感觉
耳边播送着 让心情起飞的音乐
虽然偶尔会发现 我们一起走过的情节 还在城市某处上演
想跟过去 说声再见
那些遗憾像褪色的照片 全还给昨天
多遥远 多辽阔
此刻你和我拥抱不同的天空
虽然说偶尔会寂寞
这样的勇敢才像我

-喂?诗甜!!妳点吖!?点解我揾妳咁耐都唔复吖!
个电话Du咗一吓,就听倒嗰把又熟悉又遥远嘅声音,有一D唦哑
果然係咁,一听倒佢咁紧张咁问我,就会有种想喊嘅冲动
我望一望自己冇咗知觉嘅双腿,透咗啖大气
-Azo,我...我要走喇.
-走!?走去边吖?
-我要去第二度读书吖,去我啊爸翻工嗰个地方吖.
-点解嘅?之前都冇听妳讲过架!!?
-我都係前几日先知噶乍.
-所以今日妳就叫人帮妳退学?咁妳自己做乜唔翻去吖?!
-我...有D唔舒服,所以...
-妳冇咩事啊嘛!?
-冇咩嘢喇!
-对唔住吖....
Azo哩一声"对唔住"太过深沉
我一时间都唔知讲D咩好,只係觉得听倒佢嘅道歉,会觉得好心痛
-（苦笑)我点解会成日同妳讲对唔住嘅...真係好冇用吖.连自己想保护嘅人都保护唔倒...
我紧咬住嘴唇,努力咁hold住,唔比自己把声震
-我冇嘢噶喇!以前嘅嘢都唔记得晒Lu.
-.......
我听倒电话嗰边深深咁叹咗啖气
-咁...冇咩嘢喇,我都係同你讲声姐.
-我以后仲可唔可以揾妳吖?
Azo把声变得好冇心机咁样...
-我要收线喇bye bye...
-咪住吖!诗甜!!诗..
Du...dU....du....

弒神天使 发表于 2005-10-6 18:27:40

CUP低咗电话之后,我终于唔洗再忍得咁辛苦,可以Umm住块面喊晒出离
以前,眼泪冇几可离探我.
变得中意喊,係识咗你之后
有人话,女仔喊得太多,眼泪就唔衿贵噶喇
你话过,每次见倒我D眼泪个心都会有瘌住瘌住嘅感觉
如果係真嘅话,係告别嘅最后哩一次通电话中,我尽量唔喊出离
等你嘅痛都减到最低最低,咁你就会不知不觉咁将我遗忘...
话要离开,我真係迫不得已,比你见倒E+嘅我,你同我一样都唔会好过

-------------------------------------------------

冇几耐,我就搬咗屋,搬咗去恒宝广场附近.因为奈奈係嗰头住,咁岩佢见倒有人出租,就叫我搬去嗰度,有D咩事都可以互相照应吓.
然后,我去将到背脊嘅长发剪成及肩嘅中发,又将好浅嘅麻色头发染深成啡色
唔知几时开始,我中意咗带帽,係寒风凛冽嘅冬天,戴住顶"冷"帽,拉到好低好低,尽量将自己遮得严严实实
可能哩一切,都係想自己尽量唔好受人注视
不过其实坐係轮椅上,明显矮人一截,无论咩人都会有意无意咁望吓啦
有D人望完就算数,然而大多数人,都会係经过我身边嘅时候,抛低一句
"真係阴公/可惜/惨,咁后生就"陛"咗"

以后嘅日子,我都好少落街.
有人陪嘅时候,就一次过买晒D嘢翻离.
哩段日子里面,我开始苦练画功.
房里面同画画有关嘅书堆到几层厚,D画具又摆到乱七八糟
每日唔係研究嗰D书,就捧住个调色盘係度画
唔知几时开始,对嗰D自己曾经认为又闷爆灯又不知所谓嘅画产生咗兴趣
开始欣赏莫奈嘅<日出.印象>,凡.高嘅<向日葵><夜间咖啡店>,蒙克嘅<呐喊>
其中最中意嘅係柯罗嘅<孟特枫丹的回忆>,哩幅风景画比人好恬静嘅感觉.画面上嘅阳光透过瑟瑟树枝叶,係林中隐现浮游,和住林中水泽间蒸腾嘅水汽,形成朦胧飘舞嘅薄雾,好似仙景一样.
睇倒哩幅画嘅时候,会令我谂起某个田园中嘅古村落,同曾经係嗰度有过嘅回忆.
甚至谂起好耐之前,嗰片叫<未来>嘅晴空

E+谂落,之所以将画天空嘅画,叫做未来,係咪因为咁呢
天空每日或晴或雨,都係一个未知数
然而我地总係期待住听日会天晴,一望无际嘅蓝天中,会有一朵朵可爱嘅白云飘浮住
未来或者会雷雨交加,或者会晴空万里
哩D都要我地勇敢咁行落去先至知道
到达咗未来之后,又满心憧憬咁奔向下一个未来

好似我咁,唔係咬实牙关咁撑落离,都唔知道自己嘅未来可以咁样
係哩两个月里面,我发觉自己变咗,而且变咗好多
个人好似冇咗咁偏激,平和咗,宁静咗
每当握起画笔嘅时候,我觉得自己同佢嘅佢离变得好近,
总觉得,我地係度做梗同一样嘢,係唔一样嘅画中寻找一样嘅自由

---------------------------------------------------------------------------

两个月后,我係一个油画比赛里面拿咗第二,只係知道咗个结果,而冇去拿奖
虽然唔係咩大比赛,但係第一次参加比赛,自己嘅心血可以拿倒第二,嗰种开心同欣慰好难用口讲出离
我参赛嘅画叫<自由>,画面係一方晴空下,有一只纤细嘅手伸向天边,抚摸住云间射出离嘅光,好似想捉紧一D嘢,又好似想释放一D嘢咁
自由就係好似我E+咁,做自己乐于做嘅事

虽然有好多次,我都像摇住轮椅去翻以前嘅美术学校,远远咁望吓佢
不过我最后都放弃咗咁做
係我自己选择嘅,佢已经以为我离开咗哩个城市,我係咪应该好似原先咁,静静过自己嘅生活呢.
都係尽量离佢远一D啦,有D感觉可以收係心底,唔一定要讲出口.

----------------------------------------
今日为咗庆祝我幅画拿咗奖,奈奈,啊细,Baby仔,大佬Miu,Franky上咗离我屋K玩.
我同奈奈预先整咗好多烧鸡翼啦,薯条啦,沙律啦,牛排啦,鱿鱼丝....之类嘅嘢,仲买咗三打啤酒比佢地劈到Lum为止
D人玩到癫够之后,摊係张沙发度训倒死G咁款
得我同奈奈仲係清醒
听日就係大除夕,将会係我第一个係轮椅上过嘅除夕
我地靠住阳台,拿住罐嘉士伯,望住街下繁华嘅夜景

-（ME)好嘢吖~~~~~~~听日就係年三十晚!!好快就过年喇~!!!
-（奈)係吖~~~~``今年我要勤力D!逗多D利是!!
-（ME)如果可以嘅话,我就想成世做细路喇!大个咗唔单止冇得逗,仲要封翻比人!
-（奈)仲做细路吖!过埋哩年,我地都十八岁成年喇!
-（ME)唉~~~唔经唔觉就咁大噶喇!过咗十八岁再衰嘅话就要坐监噶喇喔!
-（奈)妳E+都乖晒啦!挂住画画边会衰吖!係都我地先啦!仲係隔几晚就蒲一锅
-（ME)顶~~~妳咪以为我唔想去吖!我行唔倒乍!!
发觉我D适应能力都算强,咁快就接受咗哩个现实,仲成日拿对脚离开玩笑
之不过,可以行嘅话,边个想"陛"吖....
-（奈)喂吖,讲真吖~~妳谂住以后都咁样哩係屋K画画吖?画得一时唔画得一世噶喔!
-（ME)顺其自然啦!E+咁咪几好!谂起我地嗰时排场劈友都觉得好无聊咁吖!
-（奈)妳仲话无聊吖!嗰时好似最中意打架嗰个係妳喔!
-（ME)哈哈~~~~~乜係咩!?
-（奈)梗係架!妳嗰时最兴嗰句咩"够僵就离揾我!无它架~最多咪打栋入打横出!"
-（ME)咔咔咔~~~~~~~讲落有D印象~谂落嗰时我落手都几狠~可能E+"陛"咗都係报应!
-（奈)顶吖~妳只S嘢係咪又乱UP也四吖!
-（ME)哈哈~~~讲吓姐~~好啦!听日我地去买糖果准备过年!!



Part36
爱 倒数在飘雪的季节
依然强烈 那些曾经温热的画面
至今我还不能忘记你的脸
擦肩而过只剩陌生的字眼
心中的遗憾每让你察觉
我强忍着泪水
这命运的重逢 像七十年代的旋律 遥远熟悉
偶然在我心中想起
天注定让我们重逢 在疏离城市里
我深爱过你
才这样后悔失去

ding ding ding....
-（ME)离喇离喇~~~~~~`
开门..
-（奈)早晨吖~~~~~~~~衰婆!!
-（ME)E!!死嘢咁早嘅!!
-（奈)顶~~晨早留留死死声~!!
-（ME)百无禁忌吖嘛!年三十晚!!
-（奈)喂~!我买咗旧烧肉上离拜神吖!!
-（ME)哇~~``几时做咗神婆!!
-（奈)我啊妈年三十晚要拜神架!赶走D衰气吖!!
-（ME)咪讲咁多住喇!我地都係去咗买贺年糖果先啦!咪先迟D多人吖,我坐住轮椅好唔方便家嘛!!
-（奈)OK~!!

我着咗件米色嘅冷衫,同卡其色嘅苏格兰群,戴咗顶米色嘅冷帽,打扮到好斯文咁.
奈奈就推住我去咗附近嘅百佳.虽然都有唔少人晨早离趁墟,不过至少仲有位置比我部轮椅过.
-（奈)吖~~好时朱古力平咗喔!!
-（ME)係~~!!我中意食吖~买三包啦!
-（奈)嘻嘻~我都中意~E~哩包嘢抵喔!有糖东瓜,糖椰子,糖莲藕,糖箩卜,糖莲子,糖....
-（ME)糖糖糖!!!甜耶耶边好食架!!
-（奈)甜耶耶咪衬妳咯!秦诗甜!!甜耶耶怪兽!!

甜耶耶怪兽?....
听倒哩句熟悉嘅话,某一个片段好係放电影咁係我眼前掠过,耳边似乎响起咗当时嘅笑声

－你开慢D啦~耶~~~~~~~~
－哇~~~~妳都得噶喔!又话输咗一阵请食嘢!妳摆明就要我请啦!
－HYA HYA HYA係吖~~~~~比唔比吖??
－比比比~~~~~~~~~开快D先!费事比妳E只甜耶耶怪兽追倒!
－吖~~~!!你话边个甜耶耶怪兽吖!我撞撞撞S你!

-（奈)诗甜!
-（ME)吓!!?
-（奈)妳做咩自己係度笑吖!!
-（ME)冇吖...
-（奈)咁哩包甜耶耶嘅嘢买几包吖?
-（ME)三包啦!
-（奈)哇~~咁多!岩先又话甜耶耶唔好食!!
-（ME)过年係要食哩D嘢噶啦!应景啊嘛!
-（奈)咩都你讲晒!!我过嗰边睇吓D橡皮糖先!!

我一个人睇简梗D饮料,过年班F实上离我屋K玩,买定多D都岩噶喇!
我係食品架嘅下格拿咗几罐啤酒同两支汽水.望上D,见倒D旺仔牛奶包装得好得意喔~过年饮旺仔都几好意头!
于是我就好努力咁伸高只手去拿,点知伸极都touch唔倒.
其实嗰D牛奶放得唔算好高,普通人好轻易就可以拿倒,但係我....
我逼自己笑咗笑,係心里面同自己讲咗句"唔紧要嘅!我一定可以拿倒噶!"
于是我摇前D张轮椅,又再次伸高只手去拿

哩个时候,有一只几瘦,但係手指好长嘅手掌係我头顶掠过,拿咗两罐牛奶,递咗比我
-唔该!!
我笑住望住接过离嘅两罐牛奶
但係,直觉上觉得係我斜后面嘅身影企咗係度,冇行开.
我有D恐惧嘅感觉,尤其係闻倒一阵淡淡嘅香味之后,心跳突然间变得好快好快
我DUP低咗个头,拉低咗顶帽,手腾腾咁摇住轮椅个碌好快咁"走"开

去到奈奈隔离
-奈奈,买完喇!我地走啦!!
-做咩咁急嘅!!
-走啦!!!
我又感觉倒后面嘅身影寸步不移咁企係原地,朝住我哩个方向

奈奈见倒我咁紧张咁,虽然仲係好迷惑,不过都推住我向收款柜嘅方向行去

-秦诗甜!!!
终于,係后面传离咗嗰一把声,好似係好遥远嘅地方传嚟咁.
但係我就听得一清二楚,心里面一沉,觉得好似世界末日就离来临咁.

-（奈)诗甜!好似有人叫妳吖!妳听唔听倒吖!?
-（ME)边有啊!!咪讲咁多喇!!快D走啦!!

-诗甜!!秦诗甜!!!
今次听倒嘅唔止係叫我嘅声,仲有跑梗过离嘅脚步声.

我皱住眉头,个头越DUP越低,越DUP越低...

坐係轮椅上嘅我,点够一个识跑嘅人快!哩个身影好快离到我面前
我DUP住头,只係望倒眼下嘅一对白色reebok

-秦诗甜.
哩把声里面好似包含咗好多好多嘢.令我觉得好心虚.
我将个头DUP到唔可以再低,紧紧咁咬住嘴唇,慢慢咁将只手放係轮椅两个碌上面,谂住唔理一切咁夹硬走

-秦 诗 甜...
唔好再叫我个名喇...我真係顶唔顺噶喇!!已经撑得好辛苦...
哩三个字好慢咁吐出离,每一个字都好似质问梗"点解妳唔应我"咁...
当最尾一个字讲玩嘅时候,有一滴透明嘅水係我眼前滴咗落离
唔係我嘅眼泪,我仲有最后一口气撑落去

我猛然抬高头,见倒眼前嘅Azo竟然挂住一滴眼泪係眼眶,
生得咁高嘅佢,E+就好似个细路咁红住鼻尖,用恳求嘅眼光望住我
见倒咁样嘅佢,我先至真正咁心都碎晒,哩头仲咬实嘴唇同自己讲"hold住,hold住!!"
嗰头D眼泪就好似完全唔受控制咁一滴接住一滴落係对脚上面....

------------------------------------------------------

一样係我楼下嘅公园仔,一样係我同Azo两个人,但係今次D气氛变得更加僵硬
冬天早晨嘅天空,苍白一片.冷空气凝滞係半空
连人呼出离嘅气都化成一片白雾,係瞬间消逝得无影无踪

今次,我地唔可以坐係同一张石凳度
Azo坐咗係石凳度,我同我嘅轮椅就对住佢面前
佢同两只手撑住我张轮椅上嘅扶手,好似惊我走咗去咁
而佢对眼,就郁都唔郁咁注视住我对脚

-（ME)Er,咁岩嘅,你咁早去超市买嘢吖,哈哈...
我生硬咁笑咗两声,但係始终唔可以引开佢嘅目光
-妳对脚咩事啊...
距好认真咁问,
-哦~对脚姐啊嘛~~哈哈~冇吖,前几晚去玩撞亲,吖!唔係!係跌亲,跌亲咯,少事离姐少事...
-妳对脚究竟点解会咁啊!!!!!
Azo好大声咁喝出哩句话.我从来都未见过佢咁恶.
我知佢真係好紧张,但係我要点样同佢讲!!?
唔通话"就係嗰晚比人打陛咗!以后都行唔翻!!"咁样??!
如果唔係见翻佢,所有嘅嘢我都可以放低,唔会再怨自己嗰对行唔倒嘅脚.
但係见倒佢,我真係好自卑,自卑到几乎抬唔起头
我唔想再有任何人因为我哩对脚而唔开心.
尤其係Azo,距知道咗,一定会怪自己,一定会好内疚
我更加唔想佢因为内疚而勉强补偿我

我吸咗啖气,扮到发嬲咁话
-我都话去玩嗰阵唔小心整亲咯!!你咁恶做咩姐!!!
-唔小心整亲!?点解会整到咁严重架!!仲有吖,妳又同我讲话去第二度读书,E+做咩係E度架!!
-我...我费事同你讲!!
我抛低一句根本唔成理由嘅话,摇住轮椅掉头走

我一路"走",Azo一路跟住係后面死叫我个名
-喂!秦诗甜!我问妳嘢吖!!走咁快做乜吖!!
Azo拉住张轮椅背,搞到我"走"唔倒,我用手where开佢只手
点知佢又捉住咗我只手,我一挣扎,就成日个从轮椅上跌咗落离,趴咗係草地上面

我艰难咁撑起个身,想爬翻上张嘢度,但係我嘅下半身根本郁唔倒
只係上身不断咁尝试拖郁只脚

Azo见倒我咁样,即刻跑过离"牟"低问我
-点解会咁架!!!
我哑口无言
距又摇住我膊头话
-诗甜啊!究竟发生咩事吖!!
我推开佢,好大声咁话
-你走啊!!我唔想见倒你吖!!!
-诗甜吖!!
距又捉住咗我,我DUP低头係咁Dum佢膊头同心口
我对脚虽然唔行得,不过打惯交嘅拳头仲係好大力,係咁Dum落Azo度,距唔痛就假
佢一揽揽住我.我就死dum佢背脊
-对唔住吖...诗甜...对唔住吖...sorry吖...
唔知係佢讲第几句对唔住嘅时候,我对手垂低咗
个身都似乎係佢怀抱中融化咗咁,距更加紧咁揽实我
-死傻佬!!人地好挂住你啊!!
佢一路抹住我湿立立嘅面,一路用沙哑嘅声係我耳边讲
-我都係啊,好挂住妳吖....


Part37

--6,5,4,3,2,1,0!!
-（Azo)Happy new year!
-（ME)Happy new year!
今年,2004年嘅最后一刻,我係坐係屋K阳台嘅地下度过.係一个叫安祖凝嘅人陪我踏入2005年.
当我地自己对住表,倒数到最后一个数字嘅时候,一支紫红色嘅烟花飙咗上夜空
係漆黑嘅夜空爆出最灿烂嘅瞬间,一条条嘅光芒向外散开,
一支烟花岩岩落吓,另一支宝蓝色嘅烟花紧接住飙上离
往日寂寞嘅夜空係新年变得格外热闹

-哇~~~你睇吓!!D烟花好靓吖!!!
我指住五颜六色嘅天,笑住话.眼中映满缤纷嘅光芒
突然间,我嘅右边面比人锡咗一啖
我另转头望住身边嘅Azo,距望住我笑咗一笑,然后戚戚嘴角笑住望住D烟花
-（ME)点解吖?
-Hmm?
-做咩锡我吖?
-中意咯!
-你话中意锡就比你锡噶喇!!

Azo伸咗个头係我面前,仲有一厘米就掂到我个嘴
我快面即刻兴合合,对眼情不自禁咁望住下面唔敢望佢
但係Azo就忍唔住笑咗出离
我望住佢眨咗眨眼

-笑咩吖你!!死傻佬!
-妳几时学识咁叫我架!
-车~我中意点叫就点叫!
-人话中意妳又话中意!
-你几时话过中意啊!!
-岩岩咯!!
-听唔倒喔~呵呵~
-妳係听唔倒啦嘛!!?
-係啊!!吹咩~!
-听唔倒啊嘛!
-係啊~听唔倒又点!
-Azo话佢好中意妳啊!!
-听唔....你,话咩...话?
-有个叫安祖凝嘅靓仔话佢好霖秦诗甜喔!妳同佢讲啦!
-痴线架你...
-顶!!姓秦嗰位收倒未啊!唔该响声啦!
-你想讲咪自己讲咯!扮晒传话咁!!
-妳家阵係咪咁串吖!!
-错~!唔係家阵串,係不嬲都咁串!
-好~我讲咯咁!妳点吖咁?
-你讲?讲咩吖?
-喂妳...妳係要我讲晒出离架咩!
-係吖~讲唔讲吖!!?

Azo冇晒我办法,叹咗啖气,用对手将我两边嘅头发夹咗係我耳背后面

-咁你听住啦喔!我想沟沟妳!!
-沟沟姐係点吖?
-姐係咩咩咯!
-咩咩吖?
-中意啊!得未?
-中意?
-唉~~爱啊,爱啊!!
-爱?
-劲爱喇!
-劲爱??
-超爱咯!!
-车~超爱都冇劲爱咁爱!
-咁劲爱咯!
-劲爱乍?
-哇~~~大小姐!家阵冬天吖!妳仲想点爱法吖!
........

------------------------------------------------

美术学校嘅广场中....
-Azo吖,我一定要翻学吖...?
-係啊!!
-但係我咁样......
-叫咗妳唔准咁讲噶喔!
-咁哩个係事实啊嘛!我行唔倒,会好麻烦架!!
-都话咗我take care妳咯!!
-其实你...係咪因为内疚先对我咁好噶..?
-係,我係好内疚.不过唔係因为咁先对妳好.
-但係...你有冇谂过吖,你要日日咩我上落楼梯噶喔,总之我会拖累倒你噶啦!!
Azo冇再理我点讲.

过完年之后,Azo就坚持要我重新翻学校继续读书.
E+刞推梗我去学校嘅教导处,同校长讲话我要复学.
虽然已经知道咗Azo对我係点我好开心好开心.但係谂深一层,中意同係埋一齐係两回事
尤其对于我离讲,我实在唔想自己拖累佢,要佢晒咁多时间离照顾我

再一次翻到学校,校园里面嘅草地变到光脱脱,D花都冻到凋谢晒
只有几棵大榕树仲係四季常青
天边嘅太阳散住一D若有若无嘅温暖
空旷嘅广场上周不时刮起一阵阵寒风

Azo停低咗,帮我拉低D顶冷帽,绑好D条颈巾
-冻唔冻吖?
我笑住摇摇头.

-喂!妳睇!嗰个咪打交打到退学嗰个秦诗甜!!
翻到熟悉嘅学校,古唔到咁快就听到熟悉嘅师姐A嗰把刺耳嘅声
-（师姐B)係喔!!哇!!原来比人打陛咗!怪唔知要退学啦!!
-（师姐A)死咯~咁都好意思翻学嘅!
-（师姐B)喂~佢隔离嗰个咪嗰个做Model嘅校草!!
-（师姐A)係啊!真係Azo师兄吖!!
-（师姐B)有冇搞错吖!行得嗰时就搞均惟师兄!E+陛咗又搞埋Azo师兄!!

如果係以前,我见倒佢两个7+1婆仲唔一句话哒晕佢.
不过E个时候,我觉得自己好似真係佢地所讲咁,行唔到唔单止
仲要以前HURT咗邢均惟,E+又拖累Azo
我吞咗啖气冇出声
嗰两个9-1婆见到我冇嘢好讲似乎好得戚咁,面上挂住招牌嘅冷笑,脚Em em咁係我同Azo身边行过

-企係度!!
平时应该我讲嘅话,E+係Azo口中冷冷咁抛出离
-（师姐A)Er...师兄...你唔係叫我地啊嘛?
-（Azo)道歉!
-（师姐B)其实..我地发UP风姐...
-（Azo)同一句话我唔想讲两次!
-（师姐A)呃,误会离姐,对唔住咯~师兄!
-（Azo)唔係同我讲!
-（师姐A+B)对唔住咯~!师妹!

Azo见倒我话算数,就推住我继续向前行
嗰两个师姐边有咁顺摊收口吖,最未仲UP咗句
-佢都对得住均惟师兄啊!转个头就换画!!
哩句话我听完之后虽然个心好唔舒服,不过都係叫自己唔好谂咁多
但係后离我先知,原来唔止佢地咁谂,有好多人都觉得我玩完一个又一个....

讲翻我地去到校长室
-（校长)不行!!当时是秦诗甜同学自己申请退学,现在过了几个月又说回来读书!当学校是什么自出自入的地方啊!!
讲普通话嘅校长一口拒绝咗我翻离读书嘅要求,佢古我唔知咩!咁难得先撇甩个不良学生,E+仲唔关晒大闸闸住我咩!
-（Azo)校长吖,嗰时秦诗甜因为要医病先退学架!
-（校长)治病!!那就是啊!她病也没治好!干嘛上学啊!我们学校也从来没收过这种学生!
-（Azo)你咩意思啊!咩哩种学生吖!你身为校长咁讲嘢架!
-（校长)安祖凝!!你!!你竟然这样顶撞师长!别以为你画画得不错我就拿你没办法!!
-（ME)Azo,算啦!费事同佢讲!我走喇,你翻班上课啦!
-（Azo)咁校长,帮我搞埋退学手续吖!
-（ME)傻咗咩你!!
-（校长)好啊你!为了个女孩子书也不读了!安祖凝同学,你真是令校长太失望了!!

-诗甜~~~有人...有人揾你吖!!
哩个时候,奈奈跑咗入离办公室.喘晒气咁
-（ME)奈奈??咩事吖?
-（奈)係叶**离咗揾妳啊!!
-（ME)叶**?咁熟嘅个名...係边度听过呢...

正係我认真谂梗哩个叶**係边个嘅时候,岩先激到爆血管咁制嘅校长,突然间双眼发光咁话
-叶**教授!!?他来了!!真的?在哪在哪?
-（ME)哩个叶**边个离噶!?咁紧张做乜!!
我抬头问Azo
-（Azo)佢係油画界一位好出名嘅画家,上一年去维也纳开画展嗰个就係佢.
-（ME)吓~~唔係挂!?咁佢点会揾我架?奈奈,妳搞错咗乍挂!
奈奈终于透顺条气,一轮嘴咁话
-哎呀!佢专情离颁个奖比妳架!妳上次叫我帮妳拿去参赛嗰幅<自由>拿咗二等奖,妳又冇去到拿奖,咁叶**教授查倒妳係E度读过书,就亲自拿个奖比妳咯!话好欣赏妳啊衰婆!!
-吓~~~~唔係挂!我参加嗰个係荔湾杯油画赛乍喔!点解会有D咁出名嘅人架!
-吓!!!荔湾杯!!乜唔係亚太杯咩!!我见妳係报纸度圈住亚太杯嗰度噶!我帮妳送咗幅画去嗰个地址喔!!
-唉~~我圈住就姐係话哩个比赛唔够班参加,OUT咗去嘅意思吖!后面嗰版我打"惕"嗰个地址先係我想参加嗰个荔湾杯吖!!
-（Azo)咁,诗甜妳咪拿咗亚太杯油画比赛嘅二等奖!!?
-（奈)係喔~~~~哇哇~~~掂吖!!S嘢!今次发喇!!
-（ME)唔係挂....

我仲係唔係几敢相信嘅时候,校长唔知几时笑到四万咁口企係我面前
-秦诗甜同学,我就说嘛!我们学校没了妳真是一大损失啊!没想到妳这么会为校争光啊!!
-（ME)哇~~~~咪住先!校长你好似岩讲完唔收我噶喔!
-哪里哪里~我是说啊,要考虑一下编妳去重点班!来来来,咱们去欢迎叶**教授!!


Part38

就係咁,我盲中中咁拿咗亚太区嘅油画比赛二等奖.
突然从曾经比学校重点整治嘅学生变成咗重点保护嘅动物
学校里面本身比老师搭嘅Lift,我E+都可以搭,就係校长嗰句"要方便我们学校的优秀学生"

虽然係哩方面嘅待遇同以前嘅恶劣对待截然不同,不过其他同学对我就...
唔知係边个传开去,话我飞咗邢均惟去沟Azo,仲话均惟係我地两个嘅牺牲品
我知自己对唔住均惟,不过我已经对佢坦白咗自己係点样,
唉~~~~始终係学校我同Azo都係唔应该行得太埋.唔係惊人讲闲话,而係要顾及均惟嘅感受...
我只距有专登避开我地两个,如果唔係,我翻咗咁多日学冇理由撞唔倒佢

有时我会係课室个窗望落去见倒佢打篮球,不过见倒距嘅时候就见唔倒Azo
均惟同距D F,仲有Azo同佢D F,似乎分成咗两班人,归根到底,哩D都係我造成嘅
第一次见距两个一齐係一个球场打篮球嘅情景E+已经见唔倒

由于种种嘅原因,我同Azo唔可以係学校里面来往
自习课嘅时候,我写咗张纸仔,係"行"过Azo个课室嘅时候,掟咗入佢个位度（佢个位係靠走廊嘅窗口)
------------------------------------------------------------------
Azo:
点解佢地咁憎我嘅!?我地係咪唔应该一齐啊?仲有,你同均惟E+点吖?
Sea
------------------------------------------------------

下一节课落课,趁我地係走廊上"擦身而过"嗰阵,Azo弯低身塞咗张纸仔落我手度
我翻到班,好心急咁翻开张纸

---------------------------------------------------------------------
Sea:
係学校见到妳又唔可以同妳讲嘢好辛苦啊!
Azo
------------------------------------------------------------------------
Azo:
我都系吖!但係均惟係我地F离噶,我地都係唔可以成日见吖.係呢?你今日中午食咩啊?我整咗饭盒带翻离吖!有芒果牛肉同可乐鸡亦吖!
不如我听日整埋你嗰份吖!
Sea
----------------------------------------------------------------------------
Sea:
好吖~~~听日我地中午一齐食饭吖!!今日下昼会翻风架,自己着多件衫啊!
Azo
----------------------------------------------------------------------------

就係咁样,我用最原始嘅方式离联络,因为Azo部手机经常同佢D F share离用.如果比佢D F见倒我地D短信唔係咁好,所以我地每日都咁样传纸仔离联络.虽然有D偷偷摸摸嘅感觉,不过只要可以同佢一齐就咩都冇所谓.后离传传吓,我干脆就好似写信咁写一大段嘢比佢

Azo:
我觉得自己越离越唔似自己喇!最衰都係你吖!!我唔想自己咁女人啊.不过自从识你第一日开始,我就觉得自己慢慢咁变梗.

对唔住吖,我知你唔中意咁讲,但係我都要讲...我好惊你同我一齐你会后悔吖.记得我第一次睇你个画展嘅时候,你起嘅主题係"魔鬼同天使嘅相遇",然后嗰日下昼我就撞倒你喇!好似有好多嘢整定咁,魔鬼係我,天使係你.倒我之后,你一定多咗好多麻烦...从嗰时任性嘅啊妹,到E+行唔倒路嘅诗甜.

有时我谂,如果我好似以前咁,做翻嗰条癫癫得得嘅魔鬼鱼,冇感情咩都唔洗谂咁几好.起码好过E+行都行唔倒成日要人照顾吖.我唔係后悔同你一齐吖,而係有过咗之后特别惊失去...妖!我唔知点讲啊!我成日觉得我好似扰乱咗你个世界咁.两个唔同世界嘅人唔係唔应该係埋一齐噶咩!?
Sea

到咗放学嘅时候
-（ME)信呢?
-（Azo)嘻...咩信吖!
-（ME)仲乍唔知!我中午比咗封信你架!回信吖!
-（Azo)我冇写到吖....
我DUP低头嬲爆爆咁自己摇开张轮椅
-（Azo)妳真係咁想收我封信咩!?
-（ME)你话呢!!
-（Azo)唔好嬲啦!其实今日上课嘅时候,我有写过比妳嘅,不过后尾丢咗喇!
-（ME)妖!做乜丢咗去喔!
-（Azo)顶~咁男仔写D咁嘅嘢好怪家嘛!
-（ME)怪?你写咗D咩吖?
-（Azo)唉~都丢咗囖,冇讲喇!
-（ME)你係唔写啦嘛!
-（Azo)唔写.
-（ME)好啦你!我以后都唔写嘢比你!

-------------------------
第二朝翻学,去到我个班门口嘅时候,Azo塞咗张纸係我手里面
-翻入去啦!
-咩离噶?
我望住手里面嘅纸
-咪妳想要嗰样咯!
讲完,Azo就有D唔好意思咁拨咗拨头发行翻去自己个班


Sea:
寻日妳写梗信比我嘅时候,我係五楼嗰度望住妳,见倒妳一路写一路喊.我觉得自己好冇用吖,成日都令到自己中意嘅人流眼泪.其实好耐之前,我就发觉自己对妳唔止妹咁少,不过自己一直冇去面对,甚至连保护妳都做唔倒. 如果唔係我,妳对脚就唔会行唔倒.我知道你为我变咗几多,无论係以前嘅妳,定係E+嘅妳都係我最中意嘅人.

妳冇扰乱我嘅世界,反而係遇倒妳之前,我嘅生活先係乱七八糟噶.每日来来回回做住一样嘅事,连真正嘅自己係点都唔知.如果话我係天使嘅话,以前嘅我係一个冇勇气嘅天使,净係识得维持幽雅嘅外表,自从遇倒魔鬼之后,先至识得做翻自己,知道咩係坚强,知道心痛嘅感觉.所以...当上次几乎失去妳既时候,我觉得好似咩都冇晒咁.唔好再咁样抛低一句话就离开我喇...

我净係听过一句话,两个唔同世界嘅人係埋一齐,咁彼此之间就多咗一个世界.
Azo


Part39

很想要求你会三更半夜陪着我
然而我怕 我的声音你已听得太多
怎么可能要你每次开心快乐全为我
还怪你 你跟知己也见得比我多
期待你的花会开 其实自己也都讨厌期待
恐怕正式真实恋爱 痛恨明日也许分开
这么不知所谓怎么爱
为何还没有初吻便要怕失恋 约会未完便挂念
傻得我晚上过分祈求明天 以为你会在眼前
为何还没有吵架便怕与你开战 每日面临你考验
头一次顾虑我没动人条件 怀疑全是我问题 没发现


SUNDAY...屋K附近嘅恒宝广场

-Azo吖,推我过去嗰边吖,我想睇吓D头珠吖!
-嗯.
-EE~~!!好得意啊哩个红色波波头珠!
-係几Q喔~!我帮妳扎上去睇吓!
-嗯嗯!
我望住前面嘅梳妆镜,Azo Dup住头,面带微笑咁帮我扎咗条辫仔
-搞掂!几好睇吖!
-E...好睇咩~?D头发剪短咗冇咁靓嘅!
-唔係吖,几得意吖!买咗去啦!...老板娘,要哩个吖!

---------------------------------------------

-诗甜吖,寻日去油画室见倒妳幅画吖!
-哈哈~~~~係啊!比徐教授拿咗离帖堂~...你笑咩吖?画得好滑特咩!?
-唔係吖~开心之嘛.
-有咩咁开心吖?
-见倒妳咁乖咯~得唔得吖?
-得~~你中意我E+咁样吖?
-E+咁几好吖,冇成日出去玩,冇打交冇撩事斗非.
-行唔倒都叫好吖?
-喂...妳係咪咁啊.
-知喇~讲笑之嘛!我咁乖~颁翻个三好学生奖比我啦!
-三好学生就冇喇!三好老婆仔要唔要吖?
-咁就要听吓有边三好喇.
-妳有冇过你D师兄---我D F成日讲嗰D三好女人架!三好咪姐係三围好咯!咔咔咔~~!!
-啪死你啊拿!死仔,群埋晒D咸湿F!
-哈哈哈~~~~男仔係咁噶啦!
-再笑真係打你架!
-唔好啊.>_<
-过离!!
-妖...傻G唔好咁恐怖啦!
-快D吖.
Azo扁住嘴咁伸咗个头过离.
-喂吖,个头Gel咗好耐架,唔好啦...
-冇得倾.
-咁轻手D啦.
-考虑吓咯.
讲完,我就用只手"巢"乱晒佢D头发.咔咔~~
因为佢D头发够长,比我一巢,佢个头就好似翻完风咁乱晒.
哩招係我无聊嗰时谂出离嘅大惩罚.
次次距比我整乱晒D头发之后就会好似比人虾嘅细路咁,一路眼甘甘望住係度死笑嘅我,一路好委屈咁拨翻正D头发.
皆因佢哩个样实在太可爱喇!所以惟有牺牲吓佢D头发,比我见多几次佢咁嘅样.
-555~~~~~~~衰婆仲笑!成个雀巢咁吖!!
今次佢又係咁碌住对眼望住额头D荫.
-咔咔咔~~~~好睇吖!今年兴零乱LOOK吖傻佬!咪搞啦,咁样先型仔家嘛!
-型咩?真係型?
佢一路讲,一路照住隔离D衫铺嘅玻璃橱窗.望吓哩边又望吓嗰边
-仲姣过我啊你!边个叫你留到D头发咁长吖!早之我就唔剪中发,差D比你长过我添.
-点同啊,我D头发碎架!妳嗰个女仔发离嘅!
-你再照就好似间肯得基咁架喇!
-点解吖?
-基得很咯~~~~~~``呵呵呵~~
-我都耐MIC妳咯!
-555~~~~~~~喂~555~~~`妖~红晒喇!
-咁咪好咯,胭脂都HAN翻!

哩个时候,我发现前面有四个14,15岁左右嘅女仔一路行一路望住我地议论梗D咩咁.
睇真D佢地好似望住Azo多D喔...
其中有一个几可爱嘅女仔行咗过离同Azo讲

-Er...请问你係咪LOUIS VUITTON春装嗰个男Model吖?

原来佢地认得出Azo.Azo帮LOUIS影嗰缉海报我都有睇过,好型好有格噶.

-呃,唔知咩事呢?

Azo拨住D头发有D尴尬咁问.
我见倒佢个头七角咁乱,佢仲死拨死拨,就觉得好搞笑.

-秦诗甜!仲笑!一阵妳就S!

佢听到我笑得咁过瘾就另转头话咗我两句.
嗰几个女仔听倒佢咁讲,又望倒佢个头,就忍唔住笑埋起离.
然后嗰个可爱嘅妹妹继续话
-我地睇过你D杂志相吖!你好型吖~~~可唔可以同我地影张相吖!?

哇~~~~~~原来E+ D 0靓妹咁直接架?当街叫人同佢影相都有嘅!
-呃,我谂唔好喇...
Azo仲直接.係咁就推咗人地.行翻去我隔离.
-你咪同人地影咯.
我笑住咁话.其实影张相都冇咩嘅.
-係咯~~哥哥~唔该你吖!我地都好中意你架!!

佢地四个女仔逐一同手机同Azo影咗相之后,个个都好兴奋咁样.
走嘅时候,佢地望一望我,然后细细声讲咗D嘢
-嗰个女仔係咪佢条女离架?
-係挂,都几靓吖.
-不过..坐轮椅噶喔...

--------------------------------------------
听完哩几句话之后,我都冇再讲过一句嘢.
Azo应该冇听倒佢地咁讲.仲係心情好好咁推住我行广场.
其实我已经尽量要自己唔好咁在意路人嘅眼光,但係听倒哩D说话点可以唔介意.
我真係好介意,特别係同咗佢一齐之后更加介意自己行唔倒.
本来我对自己都几有信心,自从陛咗之后,我就越离越觉得自己衬唔起佢.

-诗甜吖,我地今晚去边度食翻吖?
-......
-诗甜!?
-吓?
-做咩冇晒心机咁嘅?
-吓,冇吖.

哩个时候,我见倒前面广场中心传离咗好有节奏感嘅音乐,仲有唔少人係度围成一群咁
-我想过去睇吓吖.
Azo推咗我埋去
原来係有人係度跳舞吖!有两个女仔踏住BOOM BOOM声嘅音乐跳梗流行舞.
佢地D动作好利落,而且好有活力.哇~~~~~~~`側手翻!?成对TWINS咁喔!
睇倒佢地跳得咁HIGH,我都忍唔住用手係轮椅嘅扶手上轻轻打住节拍
哇哇~~~~~~其中一个女仔竟然识我以前嘅绝招---后空翻吖!落地落得几稳喔~如果加个转身就更加PERFECT啦!
唉~~~~~~~~死啦!好想跳舞吖!!好怀念以前练舞嘅日子......
我情不自禁咁DUP低头望住自己对脚

唔得!!
Azo係度噶喔!我唔可以比佢见倒我咁嘅样噶!
-哦~原来D人跳舞姐!吵乱巴闭咁,我地走咯!
-妳唔係好中意跳舞噶咩?
-唔中意lu E+,走啦.....

-SEA姐!!
E个时候,我好似听倒BABY仔把声叫梗我.
另转头一睇,原来真係!连啊细都係度!
-（细)诗甜~~!
-（ME)细,BABY仔!你地都係度吖?
-（细)係吖!baby咯,佢地同**中D人私斗吖.
-（ME)我见倒吖!岩先嗰两个女仔跳得几好吖.
-（细)係咩!我觉得同妳嗰时比起上离差好远喔!
-（ME)哈哈~都係以前嘅事咯!点吖~BABY仔,同人"链"舞链成点吖?
-（B)哎!等咗成年都未到我!Sea姐~睇埋我嗰场先走啦!邢均惟都係度吖!!（另转头大声嗌)喂!均惟!过离哩边吖!!

邢均惟都係度!唔係啊嘛...
神经迟钝嘅BABY仔仲要另后去嗌佢过哩.啊细即刻扯咗扯BABY仔衫尾,佢至恍然大悟咁"死"咗一声.

情况非常之尴尬
邢均惟从人群中摄咗出离
一眼就见倒坐住轮椅嘅我,同企係隔离嘅Azo
而啊细就係度细细声咁闹BABY仔"你都唔係傻架!明知佢地两个咩咩,仲叫嗰个出离!!"

均惟企咗係度唔郁
自从白云山嗰个午夜之后,我地都冇咁近咁见过
佢望到我对脚有D怔咗一怔,然后又望吓Azo,牵强咁笑笑话
-你地嚟咗吖?过嗰边坐吖.
-（ME)唔洗喇!我地走噶喇.
-哦.OK~咁...我翻埋去先喇.
讲完,佢就插住一边裤袋,摄翻入人群中.

------------------------------------------

Azo"咩"住我上楼翻屋K嘅时候
-重唔重吖?
Azo摇摇头
-但係你成头汗喔.
我帮Azo抹咗额头D汗,下巴卡住係佢膊头度
-觉唔觉得我好麻烦吖?
-觉吖!哩个问题妳问过好多次喇!妳话自己係咪烦吖!
-原来你真係觉嘅...
-救命吖~诗甜吖!我真係冇所谓吖!
-不过我成世都可能係咁噶喇!
-咁我就咩妳一世咯!
-唔重咩?
-妳得嗰八十几斤重得去边.
-我係话哩个责任吖!
佢侧咗半边面后离话
-咩都好啦!总之我就唔舍得放手噶喇!
我係度偷偷地咁笑.听倒佢咁讲,我觉得自己陛一世都抵.
无论佢係咪真係会成世咁照顾我,承诺总係令人感动嘅.
试问E+仲有几多男仔,唔介意自己嘅女朋友连路都行唔倒,仲可以不厌其烦咁每日咩上咩落.
哩种被宠爱嘅感觉,幸福到几乎有D唔实在.

----------------
-诗甜,过离敷药喇!
Azo好小心咁拆开我脚上嘅旧纱布,用消毒药水帮我抹过小腿同膝头,然后搽D绿色嘅药膏上去
-妳对脚有冇好D吖?
-咪又係咁!成条柴咁.
我一路讲一路督吓大髀
Azo望住我对脚,突然好灰心咁掟低支药膏,挨住沙发死拍自己额头
-做咩啊你?
-对唔住啊.
-做乜又讲吖!咪话过唔关你事咯!
-如果我有挡係妳面前,咁妳就唔会比人打到咁样!!
-边係喔,其实嗰时我对脚可以好翻架,係我自己係要周围去之嘛!!
Azo又叹咗吓大气话
-我好辛苦啊!每次谂倒嗰晚,好似成个人都窒息咁...
我揽住佢话
-Azo吖...
-岩先我见倒妳一路睇住人跳舞,一路打住拍子.我知妳一定好想跳倒舞噶,但係E+...我..
-你冇乱谂啦,我E+唔中意跳舞架喇,画画就差唔多~

Azo仲係度发自己闷气,佢唔知谂咗D咩,企咗起身话
-Sorry吖,我想自己静吓!
然后就行咗出去门口
-Azo,Azo!!你去边吖!
佢另后离望一望我,又另翻转头继续行
-唔好走吖!!
情急之下,我企係身想追上去,艰难咁行咗几步,最后成个趴低咗
-诗甜!!
佢见我跌低咗就跑翻转头
-妳做乜吖!!傻咗咩!
-你唔好走啦!
-我想落楼买嘢上离比妳食之嘛!
-我...岩先好似行倒吖...啊---+---我对脚..好痛啊!!


Part40

-（Azo)点吖!!医生!?佢对脚点啊?唔係有咩事啊嘛!
医生一路帮我检查对脚,一路皱住眉头,又时不时摇摇头咁
-（医生)秦小姐,妳哩排对脚有冇咩唔同啊?
-（ME)冇吖.咪好似平时咁,冇感觉咯.
-（医生)冇理由架!咁岩先妳又点会可以企起身,甚至行倒几步路噶呢!
-（ME)係就真係行倒!嗰时都唔知点解会咁样,但係行咗几步之后我对脚又好痛喔!
-（医生)係边个部位痛啊?
-（ME)Emm...好似係膝头同大髀...啊!!我记得喇!哩个星期我每朝起身嗰时,都会觉得对脚有D麻痹咁噶.
-（医生)哦~!!妳应该一早同我讲啊嘛!!
-（ME)唔係有咩事啊嘛...医生?
-（医生)秦小姐,妳对脚开始有翻知觉喇!再坚持治疗嘅话,相信冇几耐就会好翻噶喇!
-（ME&Azo)真嘅!!?
-（医生)唔,妳已经算比较幸运喇,五个月就有咁大进展.以后要继续敷药同复诊.同埋每日试吓用铁架辅助住,慢慢行十分钟左右......


--------------------------------------------------------

两个月后......

-（细)喂喂~~~係哩间喇!Franky话哩间salon D发型师手势几好架!仲有D几靓仔添吖~Hya hya hya~
-（me)妳重点都係后边嗰句姐啊嘛!死喇妳~有BABY仔仲唔够吖!
-（细)妖!咩姐!我係想帮奈奈介绍翻个姐!
-（奈)顶~妳条蛋散係咪讲D咁嘅衰嘢吖!
-（细)鬼叫妳成个月都冇拖仔吖!家阵我同诗甜有着落,妳唔快D揾翻个,我地唔岩嘴型架喇~
-（ME)妳只嘢啊!奈奈,冇听佢讲姐.我点都唔会唔理妳,咁衰囡嘅~~~~~~
-（细)哎呀~!家阵我又冇话逼妳去相体!咁哩间嘢剪发係唔错啊嘛!及仔係顺带噶姐!
-（奈)咁做咩唔去翻以前剪开嗰间姐!
-（ME)係咯!我地去开嗰间不知几好!
-（细)唉!!妳两个...!算喇!讲埋比妳听喇!其实係有个发型师想识啊奈吖!
-（ME)WoO wOo~~奈奈姐係威喔~~~
-（奈)边有理由啊!我都未去过哩间Salon嘅!
-（细)我去过啊嘛!上次我剪完之后,个发型师比咗张卡片我,我摆落银包度嗰时,佢见倒我同妳影嗰张贴纸相就叫我得闲介绍妳比佢识喇!
-（ME)哇~~~如果比个发型师见倒奈奈真人仲靓过上镜,咪晕到一阵阵~
-（细)点止吖!佢仲话开张八折卡比我添吖~Hya hya hya~
-（ME)仲唔装倒妳!!!
-（奈)死妹丁吖~揾妳姊妹离交换张八折卡!
-（细)唉~~~~嗰个嘢唔错架!妳去睇吓又冇坏嘅!人地又唔会食咗妳!
-（奈)妖~~~~诗甜吖!
-（ME)咁啊细又讲得岩喔!一于去睇过先算!係呢,嗰个发型师叫咩名吖?
-（细)Roy吖!
-（ME&奈)E~E!!周永恒!!?
-（细)名有相似姐!不过讲真,个样都有几分相似喔!
-（ME)E~E~!型喔咁就!喂喂~奈奈~~~不如考虑吓呢~~~!?
-（奈)555~~我唔玩喇!妳两个玩鬼我嘅!
-（细)哎~~~~~~~咪咁啦!妳又话想挑染嘅!人地好拿手架~一场离到咪入去咯!
-（奈)咁....喂!妳整唔整架!咪要我一个人做show咁吖!
-（细)整~~~有八折喔~梗整啦~我要电松D头发,Baby仔话咁至型女吖!咁诗甜呢?
-（ME)我吖..我都唔知喔,我E+留梗长D头发,剪就唔剪噶喇!至于局油同直发呢~~妳知啦~我D头发天生丽质~一向都唔洗噶喇~咔咔~
-（细)呕死-_-...不如做色啦!今期兴D浅D嘅色吖!睇上去轻盈D架!
-（ME)咁吖...不过Azo话我E+咁几好喔.我染翻浅去唔知佢中唔中意呢!
-（细)哇~~~好彩E+夏天姐!唔係冻死我咯~好心啦...
-（奈)讲好咗话一齐整个靓头,下个星期去旅游家嘛!!
-（ME)係喔~~~呵呵~~~~下个星期学校去海南岛写生喔~真係谂倒都开心!
-（细)咪係咯!妳个Azo都染咗紫啡色啦!
-（ME)係姐!都係等我问吓佢先~~嘻嘻~~~妳地入去先啦~
-（细)晕....诗甜做嘢都要问过人先~~~~~~~世界变咯~~~~~`
嗰两个衰婆润完我之后,终于肯入间salon
页: [1] 2 3 4 5
查看完整版本: 当恶魔爱上天使时全集(广州话版本)