当恶魔爱上天使时全集(广州话版本)

看不懂。晕。。。有谁能做好心人，帮忙翻成普通话啊，上海话也可以。嘿嘿

Originally posted by Eunsik at 2005-10-9 10:22 AM:
因为很多广州人都很喜欢繁体字~~加上繁体字才能表达出广州话的意思


那都是自学的繁体字?

恩~~在广州地区打繁体的多数是自学的

好长好臭啊~~仲有啊~~我睇到个标题之后~~以为天使你同恶魔两个。。。搞X啊~

日~~系搞GAY吾系搞X啊~~晕

Originally posted by 弒神天使 at 2005-10-9 07:10 PM:
日~~系搞GAY吾系搞X啊~~晕

搞P眼...

好长吖~睇到眼都花晒~em11em11em11em08em08em08

用左几日分段睇完左[s:7][s:7][s:7]

眼花添em11em11em11em08

未完架嘛？~？~？~？

太长了 看了两章 眼睛酸- -

Dear my angel Azo:
同样係深沉嘅秋天,同样係吹住和风嘅午后,一切都好似以前咁...惟独,身边少咗你.攞起笔写低哩封永远唔会寄出去嘅信,写低一D残存嘅感觉.然而落笔嘅时候,先发现成张白纸上全部都係你个名.安祖凝,安祖凝,安祖凝...如果好似你所讲咁,已经过咗去嘅唔应该再执着,但点解每次谂起你嘅时候,心里面都会有隐隐约约嘅痛.原来挂住一个人,係好辛苦噶.
放心啦,应承过你嘅嘢我会记住,会努力做到.我唔会再成日出去玩,唔会再打交,唔会再一唔开心就遭质自己.我会好似普通嘅女仔一样乖乖地.唔知你E+去咗边咧?係咪已经係实现理想嘅旅途中,係咪已经揾倒属于自己嘅幸福.只係知道无论你去到边,都会为身边嘅人带嚟美丽嘅世界,话比距地知世界上有好多值得爱嘅嘢.
E+,和风就係耳边滑过,带住初秋微凉嘅气息,就好似...係你身边嗰种宁静嘅感觉一样.听日,我就要飞去另一个国度,开始新嘅生活.虽然唔可以再同你係一个城市里面行住一样嘅路,淋住一样嘅雨,不过,好似天使嘅翅膀一样纯真同洁白嘅爱,我会永远埋藏係心底.原来,天使係唔会嫌弃魔鬼噶...
Love from 诗甜


Part1当魔鬼遇上天使时...

从前,我是无人敢碰的魔鬼
而你,是纯洁得让人无法承受的天使
曾有一句话说
前世的四百次擦肩而过
才换来今生的一次回眸
我相信
也憧憬着这样的相遇

-衰婆!行快两步啦,迟咗成粒钟喇我地!!
-妖~唔迟都迟咗啦!寻晚通顶吖,你唔攰架?!
-吖~!秦诗甜妳都得噶喔!话晒今日係妳转过嚟我地学校嘅第一日啊!係咁二都做个乖样比人睇吓啦!妳又想好似以前咁读唔够一年就退学吖!
-啊车~听讲寻晚有人饮到wing晒喔~唔知边个呢呵~~~?奈奈姐?
-顶...
-哦呵呵呵~喂係喔!话晒我都第一日转学,唔見啊细同Baby仔两只S嘢嚟接我嘅!
-哈哈~距地就西飞利咯~啊细今朝五点先比信息我,话距直接翻学校觉觉G喔.baby仔寻晚妳都见距界女界到几HI噶啦~
- ...-_-!
-啊sea妳又唔洗咁嘅样~你古个个都好似妳咁坐係度就有人界噶咩!喂喂~寻晚妳嗰件型到呕电喔~~~~
-哇~~~过奖喇!玩吓姐玩吓姐,你都唔知嗰距......
-咔咔咔咔....

睇我地讲嘢相信大家都知我地唔係咩乖女嚟噶啦.我係秦诗甜,D F多数都叫我诗甜或者啊Sea,今年17岁.从初二开始我就开始成日出嚟玩,多数人话哩D係\"人未大就学坏\",或者啦,不过我都冇人理噶啦,学好学坏咪一样.我啊爸啊妈係我小学嗰时就离咗婚,从初中开始我就一个人住,距地会定时过数去我张卡度比钱我洗,负一D所谓嘅责任.一个人住几好吖,冇枉管,叫班F上嚟开Party都仲得!啱先提到嘅奈奈,啊细,Baby仔都係我其中几个死党,我识得嘅人大部分都係成日出嚟蒲吖,打交吖咁嘅,不过我地又唔会嗒人兵,HI嘢衰得咁尽嘅.
今日我第一日转学,唔使问点解都知啦,係以前间学校旷课记过太多,咪干脆自动退学咯.我啊妈\"几经辛苦\"终于揾倒一间肯收我嘅学校（我谂都洗咗距唔少钱）,哩间係一间美术学校,呵呵~不过我就一D都唔识画画,係啊妈话女仔学吓画画好,有气质,斯文D吖咁.如果唔係见有咁多F係哩间学校我打S都唔嚟吖!!!
我知自己唔係咩好女仔,醉生梦死咁,冇咩理想冇咩目标,唯一有D叻少少嘅就係跳舞咯.拖係拍过好多次,不过连咩係爱都唔知,次次唔够一个月就散.而且我同亲嗰D都係出离蒲嘅.
嗰D好男仔点会中意我E条魔鬼鱼吖~~~~~~~~~~

-（奈）大剂!!!S喇S喇!
-（Me）咩咁大件事吖!
-等我仲以为今日咁好死,迟到都冇保安係门口捉我地登名!原来今日有嗰D乜鬼领导嚟参观吖!妳睇吓前面成乍人行梗过嚟吖!
-哇吓~係好大棚人喔!唉是但啦~照行啦,最多咪比人省一餐!
->_<~~~~~~~啊Sea吖~我今个月迟倒咗16日,旷课咗23节喇!咁样落去~恐怕妳啱转入离我就要比人踢走喇...
-哈哈哈哈~~~~~~~~原来妳咁鬼威架!
-妳,妳仲笑!!T_T~~~~~~~~~喂~我地摄入去礼堂避避先!

讲完,奈奈就扯住我闪咗入一个好大好宽敞嘅礼堂度.礼堂周围都挂住好多画,虽然我唔多识欣赏画,不过望落去,好似好有气势咁嘅D画.有D就用对比好强烈嘅色彩相撞,有D係好柔和嘅粉色融合,有一幅...
哩一幅画,唔知点解我第一眼望落去就觉得内心好平静,画中画嘅係----天空,蔚蓝同天使蓝相融嘅天空,有一朵朵好似棉花糖一样白雪雪嘅云朵,D云望落去好有质感,好似好柔软好舒服咁,成幅画望落去好有空间感,我好似感受倒画画嗰个人嘅感受,似乎冇晒烦恼同杂念,好宁静好明朗...
-喂!!!
-哇~~~~>_<嚇死人咩!
-少有喔~诗甜咁认真係度睇画!唔...话唔定你啊妈送妳离美术学院係一个正确嘅选择!
-我啋过妳吖~要我坐定定画画喔~即时闷到晕咗吖!之不过呢~哩度D画好似几靓咁...
-我都觉!以前礼堂D画一係就好普通,一係就唔知距画乜嘅!今次唔知边个开画展呢!
奈奈轧轧跳咁跑去画展介绍嗰度及嘢.我係哩个方向望过去,见倒几个好特别嘅艺术字写住今次个人画展嘅主题係<魔鬼与天使之相遇>.魔鬼同天使?係咪指嗰D色彩浓烈嘅画同粉淡和谐嘅画呢...主题下面仲有一行字:当象征魔鬼的黑与象征天使的白懈逅在初秋.
-哦呵呵呵~~~~~~~奈奈~妳睇我似唔似魔鬼~!?
我摆出一个懒诱惑嘅表情,发晒傻咁问
-好魔鬼啊呢~~~~~~?我仲着咗黑色衫添~（美术学校唔洗着校服）我一于係度帮个画家做生招牌啦!不过仲差个天使喔~
我继续係度讲笑
-吖~~~~~~~~~!!!
奈奈突然间尖尖叫起嚟
-係距吖~~~~~~~哇哇~~~~~竟然係靓仔师兄嘅个人画展吖~!!!哇哇~我要挞两幅画翻去留念吖!!!
-傻咗吖你!你个师兄乜水咁犀利吖!
-错!以后距都係妳个师兄吖!距叫Azo（读at 祖）吖,中文名好似係...安祖凝.大我地两年噶!
-哇~成个女仔名咁嘅,叫啊玲.仲要安祖安祖,咪姐係angel!
-人地个\"凝\"係凝聚个凝吖,而且距叫Azo唔係Angel吖~~~~
-得喇得喇~~妳讲到人地咁鬼正,唔去沟人~
-你古我唔想吖~!不过哩个有D难度~~呵呵~
-哇~我第一次听奈奈姐讲话D仔对距有难度噶乍喔~~~~~~呵呵呵呵~
-妳E+係哩度读,以后大把机会见倒Azo师兄噶!
Part2
惨惨惨~~~~~~~~~~T_T
第一日翻学就已经咁难挨,以后叫我点读落去...>_<
成个上昼都係度听个教授讲埋晒D好鬼深奥嘅嘢,咩印象派,咩新古典主义咩浪漫主义,咩巴洛刻艺术咩罗可可美术.哩个咁嘅罗可可美术,改D咁怪嘅名!可可,可可,哇~E+係秋天,有D凉凉地,好想饮可可---热朱古力吖~~~好啦!一于咁话!放学去M记整翻杯先~~~~~~呵呵呵呵~~罗可可美术~~~
梦都未发完,教授又比D奇怪嘅（至少我觉得奇怪嘅)画我地欣赏
哇~~~~乜D画家咁咸湿噶!咁中意画人光脱脱噶!咩<浴后的狄安娜>咩<大宫女>个个都唔着衫嘅~~~教授仲话係艺术,线条美喔~~~仲有一幅叫<理性一但入睡,梦幻中的想象就会产生妖魔鬼怪......>咁鬼长个名,理性唔入睡我都入睡啦!!

终于挨到最后一节课,係去油画室上课,教授比咗一套新既画具比我,因为奈奈同其他同学行咗先,咁我就鸡手鸭脚咁拿住一大乍画具行去係东校区既美术馆喇!
其实哩间学校D环境都唔错吖,可能係因为美术学校既原因,周围D花花草草特别多,仲有唔少雕塑之类既嘢.
E+係初秋,D树叶黄黄绿绿咁,仲有D已经变成橙黄色慢慢飘落离,个天特别高特别蓝,D云都零舍洁白,一团团咁好可爱.望吓望吓个天,我又情不自禁咁谂起今朝见过嗰幅画天空既画......
-诗甜姐!!!
身后突然有把好大既声叫我!
-哇~~~~~嚇到我!
乜得我睇嗰幅画或者谂嗰幅画都特别易比人嚇亲噶!
-哈哈哈~~~~~诗甜妳撞鬼吖!咁唔\"COME\"嚇架!
-顶吖~S人BABY仔!成朝唔见你!失惊无神弹出离!
-鬼咩~~~~寻晚妳地走咗之后我又转场玩到四点几先走,今朝寻咗几节课,比D主任拉咗我去办公室审咗我一大餐!
-呵呵呵~~~咁好彩!啊细呢?
-啊细上完上昼D课就翻咗屋K训喇!妳第一日翻学喔,不如放咗学去大佬Miu间Bar度同妳接风啦!
-傻啦,接乜吖!E+我转学乍!搞到好似好光荣咁!加上寻日做咗超级夜猫,今日要翻去训翻个好觉~!!
-哈哈哈哈哈哈~~~~~~~~~`
-笑咩吖你?
-冇咩~~~见倒平时着倒鬼咁型既诗甜E+拿住D画具懒咁唔斯文咁好搞之嘛~~~``呵呵呵~~~

[ Last edited by 弒神天使 on 2005-10-6 at 18:31 ]